India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 14, 2024
மும்பை அணிக்கு புதிய பயிற்சியாளர் நியமனம்
மும்பை அணியின் ஃபீல்டிங் பயிற்சியாளராக இங்கிலாந்து முன்னாள் வீரரான கார்ல் ஹாப்கின்சன் நியமிக்கப்பட்டுள்ளார். இவர் 2019 ODI உலகக்கோப்பை, 2022 டி20 உலகக்கோப்பையின் போது இங்கிலாந்து அணியின் பயிற்சியாளராக செயல்பட்டுள்ளார். மும்பை அணியில் 7 ஆண்டுகளாக ஃபீல்டிங் பயிற்சியாளராக செயல்பட்டு வந்த ஜேம்ஸ் பாம்மென்ட் நீக்கப்படுவதாகவும் அந்த அணி தெரிவித்துள்ளது.
News December 14, 2024
Chess Champion: விதை மானுவல் ஆரோன் போட்டது!
தமிழ்நாட்டின் செஸ் வரலாற்றைப் பற்றிப் பேசும்போது, மானுவல் ஆரோனின் பங்களிப்பைப் பற்றி பேசாமல் இருக்க முடியாது. 1935இல் மியான்மரில் பிறந்த இவர், 2ஆம் உலகப்போரின் போது குடும்பத்தோடு
இந்தியாவிற்கு குடிபெயர்ந்தார். 1961ஆம் ஆண்டு இவர் இந்தியாவின் முதல் FIDE சர்வதேச மாஸ்டர் ஆனார். 9 முறை தேசிய சாம்பியன், 11 முறை தமிழக சாம்பியன் பட்டம் வென்ற அவர் தமிழகத்தின் செஸ் முகமாக இருந்தார் என்றால் அது மிகையாகாது.
News December 14, 2024
ஈரான் மீது போரா? எதுவும் நடக்கலாம்: டிரம்ப்
ஈரான் மீது போர் தொடுக்கும் வாய்ப்புள்ளதா என்ற கேள்விக்கு அமெரிக்க அதிபராக பொறுப்பேற்கவுள்ள டொனால்டு டிரம்ப் கூறியிருக்கும் பதில் சர்வதேச அளவில் பரபரப்பை ஏற்படுத்தியுள்ளது. டைம் இதழுக்கு அவர் அளித்த பேட்டியில், “மிகவும் கொந்தளிப்பான சூழ்நிலையில் எதுவும் நடக்கலாம்” என்றார். 2020இல் ட்ரம்ப்பை கொல்ல ஈரான் திட்டமிட்டதாக USA உளவுத்துறை அதிர்ச்சிகர தகவலை வெளியிட்டிருந்தது கவனிக்கத்தக்கது.
News December 14, 2024
12ஆம் வகுப்பு படித்தவர்களுக்கு ராணுவத்தில் வேலை
2025ஆம் ஆண்டிற்கான UPSC தேசிய பாதுகாப்பு அகாடமி & கடற்படை அகாடமி தேர்வு அறிவிப்பு வெளியாகியுள்ளது. இந்திய முப்படையில் காலியாக உள்ள 406 பணியிடங்களை நிரப்ப இத்தேர்வு நடைபெறுகிறது. கல்வித்தகுதி: 12ஆம் வகுப்பு. வயது வரம்பு: 15-18. தேர்வு முறை: எழுத்து தேர்வு, நேர்முகத் தேர்வு & உடற்தகுதி. விண்ணப்பிக்க கடைசி நாள்: டிச.31. கூடுதல் விவரங்களுக்கு <
News December 14, 2024
ராசி பலன்கள் (14-12-2024)
➤மேஷம் – சிக்கல் ➤ ரிஷபம் – பக்தி ➤மிதுனம் – எதிர்ப்பு ➤கடகம் – வெற்றி ➤சிம்மம் – விருப்பம் ➤கன்னி – ஜெயம் ➤துலாம் – நட்பு ➤விருச்சிகம் – தெளிவு ➤தனுசு – மகிழ்ச்சி ➤மகரம் – தாமதம் ➤கும்பம் – சுகம் ➤மீனம் – வரவு.
News December 14, 2024
நியூஸ் பேப்பரில் இதை கவனித்தீர்களா?
நியூஸ் பேப்பரில் இந்த விஷயத்தை நிச்சயம் நீங்கள் கவனித்து இருப்பீர்கள். ஆம், நியூஸ் பேப்பரின் அடிப்பகுதியில் 4 வண்ணப் புள்ளிகளை நீங்கள் பார்த்திருப்பீர்கள் தானே? இவை என்ன தெரியுமா? CMYK எனப்படும் அடிப்படை நிறங்களான நீலம், ரோஸ், மஞ்சள், கருப்பு ஆகியவை தனித்தனியே பிரிண்டிங் பிளேட்டில் இருக்கும். இவை சரியாக அலைன் ஆனால்தான் நிறங்கள் தெளிவாக விழும். அவற்றை குறிக்கவே இந்த வண்ணப் புள்ளிகள் உள்ளனவாம்.
News December 14, 2024
ராகுல் காந்திக்கு கோர்ட் சம்மன்
சாவர்க்கரை இழிவுபடுத்தி பேசிய விவகாரத்தில் ராகுல் காந்தி 2025 ஜனவரி 10ஆம் தேதி நேரில் ஆஜராகும்படி லக்னோ கோர்ட் சம்மன் அனுப்பியுள்ளது. கடந்த 2022 நவம்பரில் பாரத் ஜோடோ யாத்திரையின் போது, பிரிட்டிஷாரின் வேலைக்காரர் சாவர்க்கர் எனவும், ஆங்கிலேயரிடம் இருந்து அவர் பென்ஷன் பெற்றதாகவும் ராகுல் பேசியிருந்தார். இந்த பேச்சு சமூகத்தில் வெறுப்புணர்வை பரப்புவதாக கோர்ட் நோட்டீஸ் அனுப்பியுள்ளது.
News December 14, 2024
சூர்யா – த்ரிஷா மீண்டும் இணைவது உறுதியானது
‘சூர்யா 45’ படத்தில் த்ரிஷா நடிக்க உள்ளதாக படக்குழு அதிகாரப்பூர்வமாக அறிவித்துள்ளது. முன்னதாக, இது குறித்த தகவல்கள் கசிந்த நிலையில், த்ரிஷாவின் திரைப்பயணம் 22 ஆண்டுகளை நிறைவு செய்த இன்றைய நாளில் இதனை படக்குழு உறுதிசெய்துள்ளது. கோவை, பொள்ளாச்சி பகுதிகளில் ஷூட்டிங் விறுவிறுப்பாக நடந்து வருகிறது. மேலும், முக்கிய கேரக்டரில் நடிக்க விஜய்சேதுபதியிடம் பேச்சுவார்த்தை நடந்து வருவதாகவும் கூறப்படுகிறது.
News December 14, 2024
அன்று ஜீரோ; இன்று உலகின் NO.1 கோடீஸ்வரர்!
இன்னிக்கு உலகத்துலயே இவர்கிட்ட இருக்க அளவுக்கு பணம் யாருகிட்டயும் இல்ல. ஆனால் 1990-ல் எலான் மஸ்க்கிடம் போட்டுக்க ஒரே ஒரு சூட் தான் இருந்ததாம். மஸ்க்கின் இளவயது போட்டோவை பகிர்ந்த அவரது தாய் மேய் மஸ்க், அப்போது கனடாவில் வங்கி வேலைக்கு சென்ற மஸ்க்கிடம் ஒரே சூட் தான் இருந்ததாகவும், இன்னொன்று வாங்க காசில்லை எனவும் எனினும், அப்போது சந்தோஷமாக இருந்ததையும் நினைவூட்டியுள்ளார்.
News December 14, 2024
நள்ளிரவு வரை மழைக் கொட்டும்
தமிழகத்தின் 16 மாவட்டங்களுக்கு நள்ளிரவு 1 மணி வரை இடி, மின்னலுடன் மழை பெய்ய வாய்ப்புள்ளதாக MET அறிவித்துள்ளது. நீலகிரி, கோவை, திருப்பூர், தேனி, திண்டுக்கல், தஞ்சை, திருவாரூர், நாகை, மயிலாடுதுறை, திருச்சி, புதுக்கோட்டை, குமரி, நெல்லை, ராமநாதபுரம், தூத்துக்குடி, தென்காசி மற்றும் காரைக்காலில் ஒரு சில இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும்.
Featured News
Sorry, no posts matched your criteria.