India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 2, 2025
ஹீரோயின்னு சொல்லி காமெடி ஆக்கிட்டாங்க!
ரஜினியின் ‘அண்ணாத்த’ படத்தில் நடித்தது குறித்து நடிகை குஷ்பு வருத்தம் தெரிவித்துள்ளார். இது குறித்து பேசிய அவர், அப்படத்தில் தனது கதாபாத்திரம் ஆரம்பத்தில் சொன்னதைபோல இல்லை என்றார். நானும், மீனாவும் கதாநாயகிகள் எனக் கூறியதாகவும், ஆனால் டப்பிங் பேசும்போது படத்தை பார்த்து ஏமாற்றம் அடைந்ததாகவும் தெரிவித்தார். ரஜினிக்கு திடீரென ஹீரோயின் கிடைத்ததால் தனது ரோல் காமெடியானதாகவும் வருந்தினார்.
News January 2, 2025
பாமக சார்பில் ‘Am I Next?’ போஸ்டர்
PMK சார்பில் சென்னையின் பல பகுதிகளில் ‘Am I Next?அடுத்தது நானா?’ எனப் போஸ்டர் ஒட்டப்பட்டுள்ளன. அண்ணா யுனிவர்சிட்டி மாணவி வன்கொடுமை சம்பவத்தைக் கண்டித்து, அடுத்தது நானா? எனக் கேள்வி எழுப்பப்பட்டுள்ளது. ஏற்கனவே, இந்த விவகாரத்தில் ‘யார் அந்த சார்?’ என அதிமுக சார்பில் மாநிலம் முழுவதும் போஸ்டர் ஒட்டப்பட்டதோடு, திமுக அரசுக்கு எதிராகப் போராட்டம் நடத்தப்பட்டது குறிப்பிடத்தக்கது.
News January 2, 2025
உலக இன்ட்ரோவர்ட் தினம் இன்று..
10 பேர் ஒன்றாக இருந்தால் பேச கூச்சம், கூட்டம் பிடிக்காது, நண்பர்களுடன் இருக்கும் போதும் அமைதி தான். இது அவர்களின் குணாதிசயம், அதில் தவறில்லை. அப்படி அமைதியாகவே இருப்பவர்களுக்கு தான் இன்று உலக இன்ட்ரோவர்ட் தினம் கொண்டாடப்படுகிறது. ஹாலிடே சீசன் இன்றுடன் முடிவதால் இன்று இந்த தினம் கொண்டாடப்படுகிறது. ஆனால் சந்தேகம் என்னவென்றால், இன்றாவது இவர்கள் கொண்டாடுவர்களா அல்லது இன்றும் சைலண்ட் தானா?
News January 2, 2025
தங்கம் விலை சவரனுக்கு ₹240 உயர்வு
சென்னையில் இன்று ஆபரணத் தங்கத்தின் விலை சவரனுக்கு ₹240 உயர்ந்துள்ளது. நேற்று சவரன் ₹57,200 என்று விற்கப்பட்ட தங்கம், இன்று சவரன் ₹57,440 என்று விற்கப்படுகிறது. நேற்று ₹7,150க்கு விற்கப்பட்ட ஒரு கிராம் தங்கம், இன்று ₹30 உயர்ந்து ₹7,180ஆக உள்ளது. வெள்ளியின் விலை கிராமுக்கு ₹1 உயர்ந்து ₹99க்கு விற்பனையாகிறது.
News January 2, 2025
விலகிய விடாமுயற்சி: லைனில் நிற்கும் அரைடஜன் படங்கள்
விடாமுயற்சி என்ற ஒரு படம் பொங்கல் ரேஸில் இருந்து விலகியதன் காரணமாக, தற்போது பல படங்கள் பொங்கலுக்கு வெளிவர தயாராகிவிட்டன. ஏற்கனவே அறிவிக்கப்பட்ட வணங்கான், கேம் சேஞ்சர் படங்களுடன் ஜெயம் ரவியின் காதலிக்க நேரமில்லை, சிபியின் டென் ஹவர்ஸ், சண்முக பாண்டியனின் படைத்தலைவன், மிர்ச்சி சிவாவின் சுமோ, மெட்ராஸ்காரன், தருணம், 2கே லவ் ஸ்டோரி ஆகிய படங்கள் வெளியாக இருக்கின்றன. நீங்க எதுக்கு வெயிட்டிங்?
News January 2, 2025
கொலையில் முடிந்த புத்தாண்டு கோலம் சண்டை
இன்னும் சில மாதங்களில் திருமணம் நடக்கவிருந்த இளைஞர், புத்தாண்டு கோல பிரச்னையில் கொலை செய்யப்பட்டிருக்கிறார். சென்னை காசிமேடு பகுதியில் உள்ள தெருவில் புத்தாண்டையொட்டி சில பெண்கள் கோலம் போட்டுக் கொண்டிருந்தனர். அப்போது அந்த வழியாக பைக்கில் சென்ற குமரனுக்கும், ஒரு பெண்ணின் கணவர் சரவணனுக்கு வாய்த் தகராறு ஏற்பட்டதில் குமரனை சரவணன் கத்தியால் குத்தி கொலை செய்துள்ளார். இதுக்கெல்லாமா கொலை செய்வீங்க?
News January 2, 2025
பும்ரா இல்லையென்றால் என்ன ஆகியிருக்கும்?
நடப்பு BGT தொடரில் இதுவரை இரண்டு தோல்விகளை இந்திய அணி கண்டுள்ளது. இதனால், நமது அணியின் செயல்திறன் கடுமையாக விமர்சிக்கப்பட்டு வருகிறது. ஆனால், பும்ரா மட்டும் இத்தொடரின் 4 போட்டிகளில் 30 விக்கெட்டுகளை வீழ்த்தியுள்ளார். அடுத்த இடத்தில் இருக்கும் சிராஜ் 16 விக்கெட்களை மட்டுமே எடுத்துள்ளார். வித்தியாசத்தை பாருங்கள். பும்ரா மட்டும் இல்லையென்றால் வரலாற்றில் மோசமான தோல்வியை இந்தியா சந்தித்திருக்கும்.
News January 2, 2025
பாமகவினரை கைது செய்ய ஏற்பாடு
அண்ணா யூனிவ்., மாணவி வன்கொடுமை செய்யப்பட்ட விவகாரத்தைக் கண்டித்து சென்னையில் ஆர்ப்பாட்டம் நடத்தப் போவதாக பாமக அறிவித்திருந்தது. இதற்கு போலீசார் அனுமதி மறுத்த நிலையில் போராட்டம் நடத்துவோரை கைது செய்ய பஸ்கள், வேன்களையும் வள்ளுவர் கோட்டம் அருகே நிறுத்தி வைத்துள்ளனர். அதனை பொருட்படுத்தாமல் பாமகவினர் போராட்டம் நடத்த வந்தவண்ணம் உள்ளனர். இதனால், இன்னும் சற்று நேரத்தில் கைது நடவடிக்கை எடுக்கப்படவுள்ளது.
News January 2, 2025
புத்தாண்டு வாழ்த்துக்காக தற்கொலையா!
ஆந்திராவைச் சேர்ந்த சின்னதிப்பம்மா (17) என்ற +2 மாணவி எடுத்த விபரீத முடிவு இதற்கெல்லாமா தற்கொலை செய்வார்கள் என்ற கேள்வியை எழுப்புகிறது. தனது நெருங்கிய தோழி, சில நாட்களாகவே தன்னிடம் இருந்து விலகியதாலும், நியூ இயர் அன்று தனக்கு வாழ்த்து தெரிவிக்கவில்லை என்பதாலும், தூக்கிட்டு தற்கொலை செய்துகொண்டார். இது இன்றைய மாணவர்களிடம் சகிப்பு தன்மை, ஏற்றுக்கொள்ளும் மனப்பான்மை குறைந்து விட்டதோ என தோன்ற வைக்கிறது
News January 2, 2025
123 ஆண்டுகளில் இல்லாத வெப்ப ஆண்டு!
இந்தியாவில், கடந்த 124 ஆண்டுகளில் இல்லாத வெப்பம், 2024இல் பதிவாகியுள்ளதாக IMD தெரிவித்துள்ளது. 1901 ஆம் ஆண்டு முதல் இதுவரையிலான பதிவுகளின் அடிப்படையில், கடந்த ஆண்டுதான் அதிகப்படியான வெப்பம் பதிவான ஆண்டாக உள்ளது. வெப்பநிலை, இயல்பை விட 0.54 டிகிரி செல்சியஸ் அதிகமாக இருந்ததாகவும், சராசரி குறைந்தபட்ச வெப்பநிலை, நீண்ட கால சராசரியை விட இது 0.90 டிகிரி செல்சியஸ் அதிகம் என்றும் கூறப்பட்டுள்ளது.
Featured News
Sorry, no posts matched your criteria.