India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 16, 2024
வாழைப்பழ காமெடி செய்கிறார் இபிஎஸ்: ரகுபதி
திமுகவை வீழ்த்தி விடலாம் என, இபிஎஸ் பகல் கனவு காண்பதாக அமைச்சர் ரகுபதி விமர்சித்துள்ளார். அதிமுக பொதுக்குழுவில் இபிஎஸ் பேசியதை சுட்டிக்காட்டி Xஇல் பதிவிட்டுள்ள அவர், “வாழைப்பழ காமெடி” போல அறிக்கையிலும், மேடையிலும் பேசியதையே திரும்பத் திரும்ப பேசுவதாக கூறியுள்ளார். மேலும் ஆட்சி, அதிகாரத்திற்காக சசிகலா, ஓபிஎஸ் காலை வாரிவிட்டவர் தான் இபிஎஸ் எனவும் கடுமையாக சாடியுள்ளார்.
News December 16, 2024
செலவு கம்மி! ஆரோக்கியம் ஜாஸ்தி!
*அன்னாசி பழம்: ரத்த சோகை குணமாகும்.
*விலாம்பழம்: பித்தப் பிரச்னை சரியாகும்.
*மாதுளம் பழம்: வறட்டு இருமலுக்கு தீர்வு.
*செவ்வாழை: மூல நோயை விரட்டும்.
*ஆரஞ்சு பழம்: தூக்கமின்மை விடுபட.
*கொய்யாப்பழம்: சொறி, சிரங்கு, ரத்த சோகையை குணப்படுத்தும்.
*மாம்பழம்: இதயநோய் பிரச்னைகள் சரியாகும்.
*அத்திப்பழம்: மார்கப் புற்றுநோய்க்கு தீர்வு
*பலாப்பழம்: தைராய்டு சரியாகும்.
News December 16, 2024
போன வருஷமே கல்யாணம் பண்ணிட்டோம்: டாப்ஸி
2023 டிசம்பர் மாதமே தனக்கு திருமணம் நடந்துவிட்டதாக, நடிகை டாப்ஸி கூறியுள்ளார். இது தொடர்பான பேட்டியில், “எனது திருமணத்தை பகிரங்கமாக அறிவிக்காததால், மக்களுக்கு தெரியவில்லை. நாங்கள் எங்கள் தனிப்பட்ட வாழ்க்கையை அந்தரங்கமாக வைத்திருக்க விரும்பினோம்” எனத் தெரிவித்துள்ளார். பேட்மிண்டன் வீரர் மத்யாஸ் போவை, டாப்ஸி 11 வருடங்களாக காதலித்து திருமணம் செய்துகொண்டது குறிப்பிடத்தக்கது.
News December 16, 2024
இயற்கை ஆர்வலர்களுக்கு ஒரு GOOD NEWS
தமிழகத்தில் டிரெக்கிங் செல்வதற்கான கட்டணம் 25% வரை குறைக்கப்பட்டுள்ளது. நீலகிரி, கோவை உள்பட தமிழகத்தில் மொத்தம் 40 மலையேற்ற வழித்தடங்கள் உள்ளன. எளிது, மிதமானது, கடினமானது என 3 வகைகளாக டிரெக்கிங் பிரிக்கப்பட்டு அதற்கான கட்டணமாக ₹599 முதல் ₹5,099 வரை வசூலிக்கப்படுகிறது. இந்நிலையில், இயற்கை ஆர்வலர்களின் கோரிக்கையை ஏற்று, கட்டணம் குறைக்கப்பட்டுள்ளது. <<-1>>இந்த<<>> இணையதளத்தில் விவரம் அறியலாம்.
News December 16, 2024
உடல் நலம் பேணுவோம்!
*தேங்காய் எண்ணெய், கற்பூரம் சேர்த்து சூடாக்கி, ஆறவைத்து மார்பில் தடவ நெஞ்சு சளி சரியாகும்.
*6 துளசி இலை, சிறு துண்டு சுக்கு, 2 லவங்கம் சேர்த்து நன்கு அரைத்து நெற்றியில் பற்று போட்டால் தலைவலி குணமாகும்.
*மிளகு, திப்பிலி, ஏலக்காயை வறுத்து அரைத்து பொடியாக்கி தேனில் கலந்து சாப்பிட தொண்டை கரகரப்பு சரியாகும்.
*கரும்பு சக்கயை சாம்பலாக்கி, அதனுடன் வெண்ணெய் கலந்து உதட்டில் தடவ உதடு வெடிப்பு குணமாகும்.
News December 16, 2024
சோவியத் யூனியன் நிலை உருவாகும் அபாயம்: வைகோ
“ஒரே நாடு ஒரே தேர்தல்” அமலானால் சோவியத் யூனியனை போன்று இந்தியாவிலும் நடக்கும் என வைகோ எச்சரித்துள்ளார். மேலும் இந்த தேர்தல் முறையால், தேர்ந்தெடுக்கப்பட்ட அரசு 2 ஆண்டுகளில் கவிழ்ந்துபோனால், மீண்டும் அனைத்து மாநிலங்களுக்கும் தேர்தல் நடத்தப்படுமா? அல்லது ஒருசில மாநில அரசுகள் கவிழ்ந்தால் ஒட்டுமொத்தமாக அனைத்து மாநிலங்கள் மற்றும் பார்லிமெண்டுக்கு தேர்தல் நடத்தப்படுமா? எனவும் அவர் வினவியுள்ளார்.
News December 16, 2024
படத்தை பார்த்ததும் OK சொன்ன இளையராஜா
‘ஸ்கூல்’ படத்தை பார்த்த உடனே, இளையராஜா இசையமைக்க ஒப்புக்கொண்டதாக, அந்த படத்தின் டைரக்டர் வித்யாதரன் கூறியுள்ளார். யோகி பாபு, K.S.ரவிகுமார் உள்ளிட்ட பலர் நடித்துள்ள படம் ‘ஸ்கூல்’. பள்ளி மாணவர்கள் கண்ணோட்டத்தில் சமுதாயத்தில் நடக்கும் குற்றச் சம்பவங்களை ஆராயும் வகையிலும், மனித உயிரின் பிரயாணம், ஆவிகள், பிசாசுகள் குறித்த நம்பிக்கைகளையும் தீவிரமாக இந்தப் படத்தில் கூறியுள்ளதாக டைரக்டர் தெரிவித்துள்ளார்.
News December 16, 2024
இன்றைய நல்ல நேரம்
▶டிச.16 (மார்கழி 1) ▶திங்கள் ▶நல்ல நேரம்: 06:15-07:15 AM, 04:45-05:45 PM ▶கெளரி நல்ல நேரம்: 09:15-10:15 AM, 07:30-08:30 PM ▶ராகு காலம்: 07:30-09:00 AM ▶எமகண்டம்: 10:30 AM-12:00 PM ▶குளிகை: 01:30-03:00 PM ▶திதி: துவிதியை ▶சூலம்: கிழக்கு ▶பரிகாரம்: தயிர் ▶நட்சத்திரம்: திருவாதிரை ▶சந்திராஷ்டமம்: அனுஷம் ▶அமிர்தாதி யோகம்: சித்தயோகம் ▶நாம யோகம்: சுப்பிரம் ▶கரணம்: 1:54 PM வரை கெளலவம் பின்பு தைதுலம்.
News December 16, 2024
சாம்பியன் பட்டம் வென்ற இந்திய மகளிர் அணி
9வது மகளிர் ஜூனியர் ஆசிய கோப்பை ஹாக்கி தொடரில், இந்திய அணி சாம்பியன் பட்டம் வென்றுள்ளது. ஓமனில் நடைபெற்ற இறுதிப் போட்டியில், சீனாவை இந்தியா எதிர்கொண்டது. விறுவிறுப்பாக நடைபெற்ற இந்த போட்டி 1-1 என்ற கோல் கணக்கில் டை ஆனது. இதையடுத்து பெனால்டி ஷூட் அவுட் முறை நடத்தப்பட்டதில், 3-2 என்ற கோல் கணக்கில் சீனாவை இந்திய அணி வீழ்த்தியது. இதையடுத்து மகளிர் ஜூனியர் அணிக்கு ரசிகர்கள் வாழ்த்து கூறி வருகின்றனர்.
News December 16, 2024
தினம் ஒரு திருக்குறள்
▶குறள் பால்: பொருட்பால்
▶குறள் இயல்: குடியியல்
▶அதிகாரம்: குடிசெயல்வகை
▶குறள் எண்: 1022
▶குறள்:
ஆள்வினையும் ஆன்ற அறிவும் எனஇரண்டின்
நீள்வினையால் நீளும் குடி.
▶பொருள்: ஆழ்ந்த அறிவும், விடாமுயற்சியும் கொண்டு ஒருவன் அயராது பாடுபட்டால், அவனைச் சேர்ந்துள்ள குடிமக்களின் பெருமை உயரும்.
Featured News
Sorry, no posts matched your criteria.