India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 7, 2025
கடன் வாங்காமல் கல்யாணம்: செம ஐடியாவா இருக்கே!
பாகிஸ்தானில் ஒரே குடும்பத்தைச் சேர்ந்த 6 சகோதரர்கள், வேறு ஒரு குடும்பத்தைச் சேர்ந்த 6 சகோதரிகளை ஒரே மேடையில் திருமணம் செய்து கொண்டனர். கடைசி சகோதரருக்கு 18 வயது பூர்த்தியாகும் வரை மற்றவர்கள் காத்திருந்து, ஒன்றாக திருமணம் செய்துள்ளனர். கடன் சுமையின்றி எளிமையாக திருமணம் நடைபெற வேண்டும் என்பதற்காக, வரதட்சணை பெறாமல் திருமணம் செய்யப்பட்டுள்ளதாக திருமண வீட்டார் தெரிவித்துள்ளனர்.
News January 7, 2025
இந்த 2 மாவட்டங்களில் 9 நாட்கள் விடுமுறை
மாநிலத்தில் இந்த 2 மாவட்டங்களுக்கு மட்டும் தொடர்ந்து 9 நாட்கள் விடுமுறை வருகிறது. சிதம்பரம் நடராஜர் கோயில் ஆருத்ரா தரிசனத்தையொட்டி கடலூர், உத்தரகோசமங்கை ஆருத்ரா தரிசனத்தையொட்டி ராமநாதபுரம் ஆகிய மாவட்டங்களில் ஜன.13ஆம் தேதி பள்ளி, கல்லூரி, அரசு அலுவலகங்களுக்கு விடுமுறை அறிவிக்கப்பட்டுள்ளது. இதன் காரணமாக, ஜன.11ஆம் தேதி சனிக்கிழமை முதல் 19ஆம் தேதி வரை தொடர்ந்து விடுமுறை வருகிறது.
News January 7, 2025
20 வயதுக்கு மேல் உள்ளவரா… இதை செய்யாதீங்க!
உணவில் அதிகப்படியான உப்பு சேர்த்தல், உடல் உழைப்பு இல்லாமை (அ) சோம்பலான வாழ்க்கை முறை, புகைப்பிடித்தல், மதுப்பழக்கம், அதிகமான மனஅழுத்தம் ஆகியவை மாரடைப்பை ஏற்படுத்துவதாக ஆய்வுகளில் தெரிய வந்துள்ளது. உணவில் உப்பு அளவை குறைத்தல், தினமும் 30 நிமிட உடற்பயிற்சி, புகைப்பிடித்தல் மற்றும் மதுவை தவிர்த்தல், மன அழுத்தத்தை குறைக்கும் பயிற்சிகள் & யோகா போன்றவற்றை கடைப்பிடித்தால் இந்த ஆபத்தை தடுக்கலாம்.
News January 7, 2025
‘SpaDeX Docking’ டைம் குறித்த இஸ்ரோ
இரண்டு செயற்கைக்கோள்களையும் இணைக்கும் “Docking” பரிசோதனை ஜன.9ஆம் தேதி காலை 8 மணிக்கு நடைபெறும் என்று இஸ்ரோ அறிவித்துள்ளது. இன்று ஸ்பேஸ் டாக்கிங் நடைபெறும் என அறிவிக்கப்பட்டிருந்த நிலையில், பூமியில் இருந்தவாறே இரண்டு செயற்கைக்கோள்களை ஒருங்கிணைக்கும் ஆய்வு தேவைப்பட்டதால் 2 நாட்களுக்கு ஒத்திவைக்கப்பட்டிருந்தது.
News January 7, 2025
3வது இடத்திற்கு தள்ளப்பட்ட இந்திய அணி
ஆஸ்திரேலியாவிடம் BGT தொடரை இழந்த இந்திய அணி, தரவரிசையில் மற்றொரு அதிர்ச்சியை சந்தித்தது. 2016ஆம் ஆண்டுக்குப் பிறகு முதல்முறையாக ஐசிசி தரவரிசையில் 3வது இடத்திற்கு தள்ளப்பட்டுள்ளது. பாகிஸ்தானுக்கு எதிரான இரண்டாவது டெஸ்டில் வென்று தொடரை 2-0 என கைப்பற்றிய தென்னாப்பிரிக்கா தரவரிசையில் 2வது இடத்திற்கு முன்னேறியது. BGT வென்ற ஆஸி அணி தொடர்ந்து முதலிடத்தில் நீடிக்கிறது.
News January 7, 2025
திமுக கூட்டணிக்கு சிபிஎம் முழு ஆதரவு
ஈரோடு கிழக்கு தொகுதி இடைத்தேர்தலில் திமுக கூட்டணிக்கு சிபிஎம் முழு ஆதரவளிக்கும் என்று மாநில செயலாளர் பெ.சண்முகம் அறிவித்துள்ளார். திமுக அரசை விமர்சித்ததால் கே.பாலகிருஷ்ணன் மாற்றப்பட்டார் என்பது உண்மையல்ல என விளக்கமளித்த அவர், கம்யூனிச தலைவர்கள் சுயநலவாதிகளாக மாறிவிட்டனர் என்று ஆ.ராசா கூறியது, தவறானது, அடிப்படையற்ற குற்றச்சாட்டு என்றும் கண்டனம் தெரிவித்தார்.
News January 7, 2025
ஒரு நாள் லீவு போடுங்க… ஏன் தெரியுமா?
மாதத்தில் ஒரு நாளோ அல்லது உங்கள் துணைவர் எதிர்பார்க்காத ஒரு நாளிலோ லீவு எடுத்து, அவரை இன்ப அதிர்ச்சியில் ஆழ்த்துங்கள். வழக்கமான கடமைகளை ஒருநாள் தள்ளி வையுங்கள். கணவன், மனைவி இருவரும் தனியே செல்லுங்கள். அது கடற்கரை, பூங்கா, சினிமா தியேட்டர் எந்த இடமாக வேண்டுமானாலும் இருக்கலாம். இருவரும் மனம்விட்டு ரிலாக்சாக பேசுங்கள். இது அன்றாட மனஅழுத்தங்களில் இருந்து விடுவித்து, உங்கள் உறவை வலுப்படுத்தும்.
News January 7, 2025
இந்த 8 விஷயங்களை கவனிங்க
உங்கள் லைப்ஸ்டைலில் இந்த 8 மாற்றங்களை செய்தால், நீண்டகாலம் ஆரோக்கியமாக வாழலாம் என்கின்றனர் மருத்துவர்கள்: 1)சத்தான உணவுகளை சாப்பிடுங்கள் 2)புகைப்பிடிப்பதை தவிருங்கள் 3)இரவில் நன்றாக தூங்குங்கள் 4)ஓடியாடி வேலை / உடற்பயிற்சி செய்யுங்கள் 5)மன அழுத்தத்தை கட்டுப்படுத்துங்கள் 6)அடிக்கடி மது அருந்துவதை தவிர்க்கவும் 7)போதைகளை தவிர்க்கவும் 8)பாசிடிவ் உறவுகளை கொண்டிருங்கள்
News January 7, 2025
CHAMPIONS TROPHY: இதுதான் இந்திய அணி?
சாம்பியன்ஸ் டிராபி தொடருக்கான இந்திய அணியின் தேர்வு கிட்டத்தட்ட முடிந்து விட்டதாக கூறப்படுகிறது. ரோஹித் (கேப்டன்), கோலி, கில், ஜெய்ஸ்வால், ஸ்ரேயாஸ், ராகுல், ரிஷப், ஹர்திக், ஜடேஜா, அக்சர், குல்தீப், பும்ரா, சிராஜ், ஷமி & அர்ஷ்தீப் ஆகியோர் இடம்பிடிக்க வாய்ப்புள்ளதாக தெரிகிறது. இத்தொடருக்கான பயிற்சியில் ஷமி தீவிரமாக ஈடுபட்டு வருகிறார். முன்னதாக ஹர்திக் கேப்டனாக இருப்பார் என்று பேசப்பட்டது.
News January 7, 2025
பிரணாப் முகர்ஜி நினைவிடம் இங்குதான் வரப்போகிறது
குடியரசு முன்னாள் தலைவர் பிரணாப் முகர்ஜிக்கு நினைவிடம் அமைக்க, டெல்லி ராஜ்காட் வளாகத்தில் மத்திய அரசு நிலம் ஒதுக்கியுள்ளது. இதற்காக முகர்ஜியின் மகள் ஷர்மிஸ்தா, பிரதமர் மோடிக்கு நன்றி தெரிவித்துள்ளார். அரசு மரியாதைகள் கேட்டு பெறக்கூடாது, தானாக வழங்கப்பட வேண்டும் என தனது அப்பா எப்போதும் கூறுவார் எனவும், அதேபோல் கேட்காமலேயே இதை செய்த பிரதமரின் கருணை, தங்களது மனதைத் தொட்டதாகவும் நெகிழ்ந்துள்ளார்.
Featured News
Sorry, no posts matched your criteria.