India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 15, 2025
இங்கு நடப்பது போலீஸ் ஆட்சியா? அன்புமணி கேள்வி
மாநிலத்தில் நடப்பது மக்களாட்சியா? போலீஸ் ஆட்சியா? என பாமக தலைவர் அன்புமணி கேள்வி எழுப்பி உள்ளார். அமைச்சர் பொன்முடி மீது சேறு வீசப்பட்ட விழுப்புரம் இருவேல்பட்டு கிராம மக்கள் மீது போலீசார் கடும் அடக்குமுறையை ஏவி விட்டுள்ளனர். பெண்களை ஆண் போலீசார் அவமானப்படுத்தி, இழுத்துச் சென்றுள்ளனர் என்று வேதனை தெரிவித்த அவர், இவற்றுக்கெல்லாம் மக்கள் பாடம் புகட்டும் நாள் வெகுதொலைவில் இல்லை என்று சாடினார்.
News January 15, 2025
இந்தியா அபார வெற்றி
அயர்லாந்துக்கு எதிரான 3rd ODIயில் இந்திய மகளிர் அணி 304 ரன்கள் வித்தியாசத்தில் அபார வெற்றிபெற்றுள்ளது. INDவின் பிரதிகா ராவல் (154), ஸ்மிருதி மந்தனா (135) ரன்களை குவித்து வலுவான தொடக்கத்தை கொடுக்க, ரிச்சா கோஷ் 59 ரன்கள் விளாசினார். இதன் மூலம் IND 436 ரன்கள் இலக்கு நிர்ணயித்தது. இந்த கடினமான இலக்கை நோக்கி களமிறங்கிய அயர்லாந்து அடுத்தடுத்து விக்கெட்டுகளை இழந்து 131 ரன்களுக்கு ஆல் அவுட் ஆனது.
News January 15, 2025
விக்ரம் பிரபு புதிய படத்தின் போஸ்டர்
நடிகர் விக்ரம் பிரபு இன்று தனது பிறந்தநாளை கொண்டாடுகிறார். இதையொட்டி தெலுங்கில் அவர் முதன்முதலாக அறிமுகமாகும் படத்தின் போஸ்டரை படக்குழு வெளியிட்டுள்ளது. ‘காட்டி’ எனப் பெயரிடப்பட்டுள்ள இந்த படம், இயக்குநர் தோட்டா தரணி கலையில், நாகவெள்ளி வித்யாசாகர் இசையில் உருவாகியுள்ளது. இதில், VPக்கு ஜோடியாக அனுஷ்கா நடித்துள்ளார். ஏப்ரல் 14ம் தேதி, திரையரங்குகளில் படம் ரிலீஸாகும் என அறிவிக்கப்பட்டுள்ளது.
News January 15, 2025
டென்னிஸின் GOAT ஆன ஜோகோவிச்
ஆஸ்திரேலிய ஓபன் டென்னிஸ் ஆண்கள் ஒற்றையர் பிரிவில் ஜெமி ஃபாரியாவை 6-1, 6-7, 6-3, 6-2 என்ற செட்களில் வென்ற நோவாக் ஜோகோவிச், 3-வது சுற்றுக்கு முன்னேறினார். இதன்மூலம் ரோஜர் பெடரரின் ஆல்-டைம் சாதனையான, கிராண்ட்ஸ்லாமில், அதிக சிங்கிள்ஸ் மேட்ச்களில் வெற்றபெற்ற வீரர் என்கிற சாதனையை முறியடித்தார். இது இவரது 430-வது கிராண்ட் ஸ்லாம் வெற்றி. பெடரர் ரெக்கார்ட் 429 வெற்றிகள்.
News January 15, 2025
விஜய் காளை வெற்றி
பாலமேடு ஜல்லிக்கட்டு போட்டியில் தவெக தலைவர் விஜய் பெயரில் அவிழ்க்கப்பட்ட காளை வெற்றி பெற்றுள்ளது. வீரர்களே ஜாக்கிரதை வருவது விஜய் மாடு!… எச்சரிக்கையாக இருங்கள்.. என்று வர்ணனையாளர் பேச தொடங்கி உடனே, அங்கிருந்தவர்கள் ஆரவாரம் செய்தனர். வாடிவாசலில் இருந்து சீறி வந்த காளை கிட்ட வீரர்கள் யாரும் நெருங்கக்கூட முடியவில்லை. சற்றுநேரம் நின்று விளையாடிய அந்த காளை வெற்றி பெற்று பரிசை தட்டிச்சென்றது.
News January 15, 2025
மாணவி பாலியல் விவகாரம்: சென்னை IIT விளக்கம்
IIT மாணவிக்கு, <<15160611>>பாலியல் அத்துமீறல்<<>> நடந்தது வளாகத்தில் அல்ல என்று IIT நிர்வாகம் அறிக்கை மூலம் விளக்கம் அளித்துள்ளது. வளாகத்துக்கு வெளியே உள்ள பேக்கரியில் தான் இச்சம்பவம் நடந்துள்ளதாகவும், இதற்கும் IIT-க்கும் தொடர்பு இல்லை எனவும் அதில் கூறப்பட்டுள்ளது. வளாகம் முழுக்க CCTV கேமரா உள்பட போதுமான பாதுகாப்பு நடவடிக்கைகள் எடுக்கப்பட்டுள்ளன. மாணவிக்கு தேவையான உதவிகள் அளிக்கப்படும் எனவும் குறிப்பிட்டுள்ளது.
News January 15, 2025
மகா கும்பமேளாவின் ஆன்மிக சிறப்புகள் என்ன?
144 ஆண்டுகளுக்கு ஒருமுறை நடைபெறும் வானியல் நட்சத்திர அதிசயத்தின்போது, சூரியன் மகர ராசியில் சஞ்சரிக்கும்போது, மகா கும்பமேளா கொண்டாடப்படுகிறது. 12 பூர்ண கும்ப மேளாக்களுக்கு பிறகு பிரயாக்ராஜில் மட்டுமே நடத்தப்படும். ராஜ ஆடம்பரத்துடன் கங்கை, யமுனை, சரஸ்வதி நதிகள் சங்கமிக்கும் திரிவேணியில் நடைபெறும். பார்கடலில் விளைந்த அமிர்தத் துளிகள் பூமியில் விழுந்ததை
கொண்டாடும் புனித விழாவாக கருதப்படுகிறது.
News January 15, 2025
பாலமேடு ஜல்லிக்கட்டில் ஆள்மாறாட்ட சர்ச்சை
பாலமேடு ஜல்லிக்கட்டு போட்டி இறுதிக்கட்டத்தை எட்டியுள்ள நிலையில், வீரர்கள் ஆள்மாறாட்டம் செய்ததாக சர்ச்சை எழுந்துள்ளது. சக்தி என்ற வீரர் 307 நம்பர் பனியனை மாற்றியதாக எழுந்த புகாரில் வெளியேற்றப்பட்டுள்ளார். 2021 அலங்காநல்லூர் ஜல்லிக்கட்டு போட்டியில் முதலிடம் பிடித்து கார் பரிசை வென்றவர் ஆள்மாறாட்டம் செய்ததாக கூறப்பட்டது. ஆனால், இதற்கு பின் சாதி அரசியல் இருப்பதாக அந்த வீரர் குற்றம்சாட்டியிருந்தார்.
News January 15, 2025
திருவள்ளுவருக்கு சாதி, மதம், மொழி கிடையாது: SP
திருவள்ளுவருக்கு காவி உடை அணிவித்து சித்தரிப்பதை ஏற்க முடியது என செல்வப்பெருந்தகை தெரிவித்துள்ளார். திருவள்ளுவர் தினத்தையொட்டி ஆளுநர் மாளிகையில் நடந்த நிகழ்ச்சி சர்ச்சையானது. இதுகுறித்து Xஇல் பதிவிட்டுள்ள அவர், திருவள்ளுவருக்கு சாதி, மதம், மொழி கிடையாது எனக் குறிப்பிட்டுள்ளார். மேலும், சட்டத்தை காப்பாற்றும் பொறுப்பில் இருப்பவரே இப்படி செய்வது வேதனையளிப்பதாகவும் கூறியுள்ளார்.
News January 15, 2025
அரசு வழங்கும் இலவச கிராபிக்ஸ் டிசைனிங் பயிற்சி
தமிழக அரசின் ‘நான் முதல்வன்’ திட்டத்தின் கீழ் Graphic Designer, Jr UI/UX Designer பயிற்சியை வழங்கவுள்ளது. மொத்தம் 140 மணி நேரம் வழங்கப்படும் இப்பயிற்சி சென்னை, மதுரை, கோவையில் நேரடி வகுப்பாக நடைபெறும். பயிற்சி பெற விருப்பம் உள்ளவர்கள் இன்றே ஆன்லைனில் விண்ணப்பிக்கலாம். வயது வரம்பு:18-35. கல்வித்தகுதி: 12ஆம் வகுப்பு, UG Degree. கூடுதல் தகவல்களுக்கு www.tnskill.tn.gov.in சென்று தெரிந்து கொள்ளலாம்.
Featured News
Sorry, no posts matched your criteria.