India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 22, 2024
28 மாவட்டங்களில் உள்ளாட்சித் தேர்தல்.. அரசின் திட்டம் என்ன?
வரும் 5ஆம் தேதியுடன் 28 மாவட்டங்களில் ஊரக உள்ளாட்சி உறுப்பினர்களின் பதவிக்காலம் முடிவடையும் நிலையில், தனி அதிகாரிகளை நியமிக்க TN அரசு திட்டமிட்டுள்ளது. இதற்கான அவசரச் சட்ட மசோதா வரும் கூட்டத்தொடரில் நிறைவேற்றப்படவுள்ளது. பின்னர், வார்டு மறுவரையறை, இட ஒதுக்கீடு நடைமுறைகள் முடிந்த பிறகே உள்ளாட்சித் தேர்தல் நடத்தப்படவுள்ளது. அதிமுக ஆட்சியில் 2016 – 2019 வரை தனி அதிகாரிகள் இருந்தது குறிப்பிடத்தக்கது.
News December 22, 2024
தமிழகத்தில் ஓடும் 10 ரயில்களின் பெட்டிகள் குறைப்பு
உ.பி., மகா கும்பமேளாவுக்குக் கூடுதல் ரயில்கள் இயக்கப்படுவதால் 10 மெமு(MEMU) ரயில்களில் 2 பெட்டிகள் தற்காலிகமாக குறைபட்டுள்ளதாக SR அறிவித்துள்ளது. அதன்படி, சென்னை பீச் – திருவண்ணாமலை, விழுப்புரம் – சென்னை பீச், திருவண்ணாமலை – தாம்பரம், தாம்பரம் – விழுப்புரம், சென்னை எழும்பூர் – புதுச்சேரி, தாம்பரம் – விழுப்புரம் , புதுச்சேரி – திருப்பதி ஆகிய ரயில்களில் 26ஆம் தேதி முதல் குறைத்து இயக்கப்படவுள்ளன.
News December 22, 2024
நகைச்சுவை நடிகர் ‘குட்டை’ சிவன் காலமானார்!
பல்வேறு மொழி திரைப்படங்களில் நகைச்சுவை மற்றும் குணச்சித்திர வேடங்களில் நடித்த சிவன் (49) மாரடைப்பால் இன்று காலமானார். கேரள மாநிலம் மூணாறைச் சேர்ந்த இவர், மலையாளம், தமிழ், உள்ளிட்ட பல மொழி படங்களில் நடித்து மக்களின் கவனத்தை ஈர்த்தவர். விஜய்யின் ஆரம்பக்கால திரைப்படங்களில் இவர் நடித்துள்ளார். ‘மைனா’ திரைப்படத்திலும் சிவன் நடித்திருக்கிறார். அவரது உருவத்தால் குட்டை சிவன் என இவர் அழைக்கப்பட்டார்.
News December 22, 2024
கிறிஸ்துமஸ் மரத்தின் வரலாறு தெரியுமா?
16ம் நூற்றாண்டில், ஜெர்மனியில் மார்டின் லூதர் என்பவர் வீட்டிற்கு வரும்போது, வாடாமல் இருக்கும் கரும்பச்சை நிற மர இலைகளுக்கு மத்தியில் ஒளிரும் நட்சத்திரங்களால் ஆச்சரியமடைந்து, அதை அனைவரிடமும் கூறி, வீட்டிலும் இவ்வாறு அலங்காரம் செய்யும் வழக்கத்தை அறிமுகம் செய்கிறார். இப்படி அலங்கரிப்பதன் மூலம், இயேசுவே வீட்டிற்கு வந்திருப்பதாக அர்த்தம் என மக்கள் கருத, அது பண்டிகையின் முக்கிய அங்கமாக மாறியுள்ளது.
News December 22, 2024
அதிமுக ஆட்சியமைத்தால்.. இபிஎஸ் கொடுத்த வாக்குறுதி!
2026இல் ADMK ஆட்சியமைத்தால், தலித் கிறிஸ்தவர்களுக்கு அனைத்து சலுகைகளும் கிடைக்க முயற்சிகள் மேற்கொள்ளப்படும் என இபிஎஸ் உறுதியளித்துள்ளார். கீழ்ப்பாக்கத்தில் நடைபெற்ற கிறிஸ்துமஸ் விழாவில் பேசிய அவர், திமுக அரசு சிறுபான்மை மக்களுக்காகச் சிறு துரும்பைக் கூட கிள்ளிப்போடவில்லை எனச் சாடினார். மேலும், தலித் கிறிஸ்தவர்களுக்கு அனைத்து சலுகைகள் கிடைக்க வேண்டும் என்பதே அதிமுகவின் கொள்கை என்றும் கூறினார்.
News December 22, 2024
இன்று சிக்கன், மட்டன் வாங்குவோர் கவனத்திற்கு..
நாமக்கல் கோழிப்பண்ணை உரிமையாளர்கள் நிர்ணயித்த விலையின்படி, கறிக்கோழி கிலோ ₹94ஆகவும், முட்டைக்கோழி கிலோ ₹108ஆகவும் விற்கப்படுகிறது. சென்னையில் இன்று கோழி இறைச்சியின் விலை கிலோ ₹220 முதல் ₹250 வரையும், மட்டன் கிலோ ₹800-850 வரையும் விற்பனையாகிறது. சபரிமலை சீசன் காரணமாக இன்று ஞாயிற்றுக்கிழமையாக இருந்தாலும் இறைச்சி, மீன் விற்பனை மந்தமாக காணப்படுவதாக வியாபாரிகள் கூறுகின்றனர்.
News December 22, 2024
அமித்ஷாவை வெறிநாய் கடித்துவிட்டது: அமைச்சர் பேச்சு
அமித்ஷாவை கர்நாடகா அமைச்சர் பிரியங்க் கார்கே சரமாரியாக விமர்சித்துள்ளார். அம்பேத்கர் குறித்து அமித்ஷா கூறிய கருத்து குறித்து நிருபர்கள் அவரிடம் கேட்டனர். அதற்கு, அம்பேத்கரும், சமத்துவமும் அமித்ஷாவின் கொள்கைகள் கிடையாது என அவர் தெரிவித்தார். மேலும், அமித்ஷாவை வெறிநாய் கடித்துள்ளதால் இவ்வாறு பேசி வருவதாக விமர்சித்த கார்கே, அம்பேத்கரியம் வளர்ந்தால், ஆர்எஸ்எஸ் சித்தாந்தம் வீழும் எனக் கூறினார்.
News December 22, 2024
செல்போனில் மூழ்கிக் கிடக்கும் போலீஸ்: நீதிபதி காட்டம்
நெல்லை நீதிமன்றம் எதிரே பட்டப்பகலில் இளைஞர் வெட்டிக் கொலை செய்யப்பட்ட வழக்கை சென்னை ஹைகோர்ட் தாமாக முன்வந்து விசாரித்து வருகிறது. இந்நிலையில், நேற்று நடந்த விசாரணையின் போது, போலீசார் செல்போனிலேயே மூழ்கிக் கிடப்பதாக நீதிபதிகள் அதிருப்தி தெரிவித்தனர். முன்னதாக, கோர்ட்டுக்கு வரும் நீதிபதியை வெட்டினாலும் போலீஸ் இப்படித்தான் வேடிக்கை பார்க்குமா என அவர்கள் காட்டமாக கேள்வியெழுப்பினர்.
News December 22, 2024
விஜயை சமாளிக்க வியூகம் வகுக்கும் திமுக
மு.க.ஸ்டாலின் தலைமையில் திமுக செயற்குழு கூட்டம் அண்ணா அறிவாலயத்தில் காலை 10 மணிக்கு நடைபெறுகிறது. இதில், வரும் சட்டமன்றத் தேர்தலில் 200க்கும் அதிகமான தொகுதிகளில் வெற்றி பெறுதல், 27 மாவட்டங்களில் நிறைவடையவுள்ள உள்ளாட்சி பதவிகள், புதிதாகக் கட்சித் தொடங்கியுள்ள நடிகர் விஜய்யை சமாளிப்பதற்கான வியூகம் உள்ளிட்ட பல்வேறு முக்கிய அம்சங்கள் குறித்து ஆலோசனை நடத்த உள்ளதாகத் தகவல் வெளியாகியுள்ளது.
News December 22, 2024
தமிழ் சினிமாவின் டாப் – யார்ரா இந்த பையன்?
உலக அழகியுடனும் ஜோடி போட்டவர், பெண்களுக்கு பிடித்த ஆணழகனாக இருந்தார். குடும்பங்கள் கொண்டாடும் வெற்றி படங்களை கொடுத்து தமிழ் திரையின் உச்சம் தொட்டார். பாலுமகேந்திரா, மணிரத்னம், ஷங்கர் என 3 இயக்குநர்களில் படங்களில் ஹீரோவான ஒரே நாயகனாக இருந்தவரை தெலுங்கு படத்தில் பார்த்த ரசிகர்கள், எப்படி இருந்த மனுஷன் இப்படி ஆகிட்டாரே என மனம் வருந்தினர். தெரிஞ்ச கமெண்ட் பண்ணுங்க இல்ல அடுத்த போட்டோ பாருங்க
Featured News
Sorry, no posts matched your criteria.