India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 17, 2025
தேர்தல் அறிக்கை இல்லை: கைவிரித்த திமுக
ஒவ்வொரு தேர்தலுக்கும் முக்கிய கட்சிகள் தங்களது தேர்தல் அறிக்கையினை வெளியிடும். இது, இடைத் தேர்தல்களுக்கும் பொருந்தும். உதாரணத்திற்கு, ஈரோடு கிழக்குத் தொகுதி இடைத்தேர்தல் நடைபெறும் நிலையில், அத்தொகுதியை மேம்படுத்தும் திட்டங்கள் அறிக்கையில் இடம்பெற்றிருக்கும். ஆனால், இதுகுறித்து கேட்டபோது, இத்தேர்தலுக்கு தனியாக அறிக்கை ஏதும் இல்லை என்று திமுக வேட்பாளர் சந்திரகுமார் கூறிவிட்டார்.
News January 17, 2025
அந்த நாளுக்காக ஏங்குகிறேன்: நடிகர் விஷால்
நடிகர் சங்க கட்டடம் வரும் மார்ச் மாதத்திற்குள் கட்டி முடிக்கப்படும் என நடிகர் சங்க பொதுச்செயலாளர் விஷால் கூறியுள்ளார். கட்டிடப் பணிகள் நிறைவடைந்ததும் தனது திருமணம் நடைபெறும் என்றும், வேட்டி சட்டையுடன் இங்கு வரும் அந்த நாளை எதிர்பார்த்து காத்திருப்பதாகவும் அவர் தெரிவித்துள்ளார். முன்னதாக, நடிகர் சங்க கட்டடம் கட்டி முடித்த பிறகே, தனது திருமணம் நடைபெறும் என விஷால் கூறியிருந்தார்.
News January 17, 2025
போரில் 12 இந்தியர்கள் பலி
ரஷ்யா – உக்ரைன் இடையிலான போர் சுமார் 2 ஆண்டுகளாக நீடித்து வருகிறது. இதனிடையே ரஷ்ய வீரர்களுடன் இணைந்து போரிட்ட 12 இந்தியர்கள் உயிரிழந்துள்ளதாக மத்திய அரசு தெரிவித்துள்ளது. இன்றைய நிலவரப்படி, ரஷ்ய ராணுவத்தில் இணைந்து பணியாற்றிய 126 பேரில், 96 பேர் நாடு திரும்பியுள்ளனர். இன்னும் 18 பேர் ரஷ்ய ராணுவத்தில் உள்ளனர். அதில் 16 பேரின் நிலை குறித்து எந்த தகவலும் தெரியவில்லை எனவும் கூறியுள்ளது.
News January 17, 2025
ஒலிம்பிக்கில் செஸ் இடம்பெற டி.குகேஷ் விருப்பம்
ஒலிம்பிக்கில் செஸ் போட்டிகள் இடம்பெற வேண்டும் என உலக செஸ் சாம்பியன் டி.குகேஷ் விருப்பம் தெரிவித்துள்ளார். செஸ் போட்டிகள் ஒலிம்பிக்கில் சேர்க்கப்பட்டால் அதன் வளர்ச்சி அடுத்த கட்டத்தை நோக்கி செல்லும் எனவும், அந்த நாளை தான் எதிர்நோக்கி காத்திருப்பதாகவும் கூறியுள்ளார். முன்னெப்போதும் இல்லாத அளவில் செஸ் இந்தியாவில் பிரபலமான விளையாட்டாக மாறியுள்ளதாகவும் அவர் குறிப்பிட்டுள்ளார்.
News January 17, 2025
அதிமுகவில் இருந்து நீக்கம்? காயத்ரி ரகுராம் விளக்கம்
காங்., எம்பி விஜய் வசந்த் உடன் நடிகை காயத்ரி ரகுராம் பொங்கல் விழாவை கொண்டாடியதால், அவர் அதிமுகவில் இருந்து நீக்கப்பட்டதாக சமூக வலைதளங்களில் ஒரு அறிக்கை வெளியானது. இதுகுறித்து அவர், அதிமுகவில் இருந்து என்னை நீக்கவில்லை. இபிஎஸ் கடிதத்தை அண்ணாமலை வார் ரூம் தவறாக பயன்படுத்தியுள்ளது. என்னை அரசியலில் இருந்து வெளியேற்ற வேண்டும் என்ற உங்களின் விருப்பம் ஒருபோதும் நிறைவேறாது என்று பதிலடி கொடுத்துள்ளார்.
News January 17, 2025
எலான் மஸ்க் போல தன்னம்பிக்கை வேண்டும்!
எலான் மஸ்க்கின் Starship சோதனை முயற்சி தோல்வி அடைந்தது. எலானுக்கும் அவரின் SpaceX-க்கும் இது புதிது அல்ல. 2006இல் Falcon ஏவு வாகனம் 3 தோல்விகளுக்கு பிறகே வெற்றியடைந்தது. அந்த ராக்கெட்டின் சிதைவுகளுடன் எலான் அமர்ந்துள்ள படத்தையும் நேற்று அனுப்பப்பட்ட ராக்கெட்டின் படத்தையும் நெட்டிசன்கள் பகிர்ந்துள்ளனர். இதற்கு, ‘(அதை கடந்து) நாம் வெகுதூரம் வந்துவிட்டோம்’ என எலான் பதிலளித்துள்ளார். சரி தானே?
News January 17, 2025
விஜய் பக்குவப்பட்ட அரசியல் தலைவர்: ராஜேந்திர பாலாஜி
விஜய் பக்குவப்பட்ட அரசியல் தலைவராக தெரிவதாக முன்னாள் அமைச்சர் ராஜேந்திர பாலாஜி கூறியுள்ளார். விஜய் திமுகவை விமர்சிப்பது அதிமுகவுக்கு பலமாக மாறும் என்றும், 2011இல் அதிமுக ஆட்சிக்கு வந்ததை போல் 2026இல் மீண்டும் ஆட்சிக்கு வரும் எனவும் நம்பிக்கை தெரிவித்துள்ளார். எத்தனை புதுமுகங்கள் வந்தாலும் அதிமுகவின் வாக்கு வங்கி மட்டும் குறையாது என்ற அவர், இது பலமுறை தேர்தலில் நிரூபிக்கப்பட்டுள்ளது என்றார்.
News January 17, 2025
ரிங்கு சிங்கிற்கு MPயுடன் நிச்சயதார்த்தம்
இந்திய கிரிக்கெட் வீரர் ரிங்கு சிங், உத்தர பிரதேச MP பிரியா சரோஜை திருமணம் செய்து கொள்ளவுள்ளார். இவர்களது நிச்சயதார்த்தம் இரண்டு தினங்களுக்கு முன் எளிமையாக நடைபெற்றதாக தகவல் வெளியாகியிருக்கிறது. அதிரடி ஆட்டத்திற்கு சொந்தக்காரரான ரிங்கு சிங், உ.பியின் அலிகர் நகரைச் சேர்ந்தவர். அவரது fiance பிரியா, சமாஜ்வாதி கட்சியின் சார்பில் மக்களவைக்கு தேர்வானவர் ஆவார்.
News January 17, 2025
சிலிண்டருக்கு ₹500 மானியம்.. பாஜக தேர்தல் அறிக்கை
டெல்லி சட்டப்பேரவைக்கு பிப்.5ஆம் தேதி தேர்தல் நடைபெறவுள்ள நிலையில், பாஜகவும் மகளிர் வாக்குகளை குறிவைத்து தேர்தல் அறிக்கையை வெளியிட்டுள்ளது. ➤60-70 வயதுள்ள மூத்த குடிமக்களுக்கு மாதம் ₹2,500 ஓய்வூதியம் ➤பெண்களுக்கு மாதம் ₹2,500 உதவித்தொகை ➤ஏழை பெண்களுக்கு சிலிண்டருக்கு ₹500 மானியம் ➤ஹோலி மற்றும் தீபாவளிக்கு இலவசமாக ஒரு சிலிண்டர் ➤கர்ப்பிணிகளுக்கு ₹21,000 வழங்கப்படும் என அறிவித்துள்ளது.
News January 17, 2025
செக்கில் Only என குறிப்பிடுவது ஏன் தெரியுமா?
வங்கியில் செக் மூலம் பணம் செலுத்தும் போது, தொகையை நிரப்பிய பின் சிலர் Only எனவும் நம்பருக்கு அருகில் ‘/-’ எனவும் போடுவதைக் கவனித்து இருப்பீர்கள். ஒருவர் தொகையை மட்டும் நிரப்பி இன்னொருவரிடம் கொடுத்து பணத்தை எடுக்க சொன்னால், அதில் கூடுதல் நம்பர்களை சேர்க்க வாய்ப்புள்ளது. ஆனால் Only, /- என போட்டால், அதன் பிறகு எதுவும் சேர்க்க முடியாது. இதை குறிப்பிடாமல் இருந்தாலும் கூட, செக் செல்லுபடியாகும்.
Featured News
Sorry, no posts matched your criteria.