India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 25, 2024
கிறிஸ்துமஸ் கொண்டாட தடை: மன்னர் துதிபாட கூறும் அரசு
கிறிஸ்துமஸ் தினத்திற்கு தடை விதித்துள்ள வடகொரியாவின் ஆளும் அதிபர் கிம் ஜாங் உன் இந்த விடுமுறை காலத்தில் அவரது பாட்டி மற்றும் அரசு குடும்பத்தினருக்கு மரியாதை செய்ய வலியுறுத்தியுள்ளார். இது போல, மேலும் சில நாடுகள் கிறிஸ்துமஸ் தின கொண்டாட்டத்திற்கு தடை விதித்துள்ளன. சவுதி அரேபியா, தஜிகிஸ்தான், சோமாலியா, புருனே நாடுகளில் இஸ்லாமிய சட்டங்கள், அரசாங்கக் கொள்கைகளால் தடை விதிக்கப்பட்டுள்ளது.
News December 25, 2024
அண்ணா பல்கலையில் இது நடந்தது எப்படி?
அண்ணா பல்கலைக்கழக வளாகத்திலேயே பாலியல் வன்கொடுமை நடைபெற்றது எப்படி என்ற கேள்வியை சமூக வலைதளங்களில் மக்கள் முன்வைத்து வருகின்றனர். தலைநகர் சென்னையின் மையப்பகுதியில் அமைந்திருக்கும் இப்பல்கலைக்கழகத்திற்குள் வெளியாட்கள் யாரும் எளிதில் நுழைந்துவிட முடியாது. அருகே ஆளுநர் மாளிகை, ஐஐடி ஆகியவை இருந்தும்கூட பாதுகாப்பில் ஓட்டை ஏற்பட்டிருக்கிறது. இதில், யார் மீது குற்றம்?
News December 25, 2024
என் அன்பான மோகன்லாலுக்கு வெற்றி கிட்டும்: மம்முட்டி
மோகன்லால் இயக்குநராக அறிமுகமாகும் ‘பரோஸ்’ இன்று வெளியாகி இருக்கிறது. இதனை முன்னிட்டு அவருக்கு மம்முட்டி வாழ்த்து தெரிவித்துள்ளார். அவர் தனது X பதிவில், ” நடிப்பு திறமையால் நம்மை கவர்ந்த மோகன்லால், இயக்குநராக அறிமுகமாகும் படம் ‘பரோஸ்’. அவருடைய அனுபவமும் ஞானமும் இந்தப் படத்துக்குப் பலன் தரும் என்று நம்புகிறேன். என் அன்பான மோகன்லாலின் வெற்றிக்காக பிரார்த்திக்கிறேன்” என குறிப்பிட்டுள்ளார்.
News December 25, 2024
அதிமுக ஐடி விங்கில் முக்கிய மாற்றம்!
அதிமுக IT விங் தலைவராகக் கோவை சத்யன் நியமிக்கப்பட்டுள்ளதாக EPS அறிவித்துள்ளார். மேலும், சிங்கை ராமச்சந்திரன் மாணவர் அணி செயலாளர், Ex எம்பி விஜயகுமார் கொள்கை பரப்பு துணைச் செயலாளர், மணிமாறன் புரட்சித் தலைவி பேரவை துணைச் செயலாளர் பொறுப்புகளில் அமர்த்தப்படுவதாகவும் அவர் குறிப்பிட்டுள்ளார். 2026 தேர்தலுக்கு அதிமுக புதிய வியூகம் வகுத்து செயல்படத் திட்டமிட்டுள்ளதாகவும் தகவல் வெளியாகியுள்ளது.
News December 25, 2024
பொது அறிவு: கேள்விகளுக்கான பதில்கள்
1) சனிக்கிரகத்தின் துணைக்கோள்களின் எண்ணிக்கை – 90 2) பக்ஸார் போர் 1764ஆம் ஆண்டில் நடந்தது 3) இந்தியாவின் முதல் பெண் அமைச்சர் – ராஜ்குமாரி அம்ரித் கவுர் 4) OTP – One-time password 5) மனிதரின் அறிவியல் பெயர் – ஹோமோ சேப்பியன்ஸ் 6) ‘தொண்டர் சீர் பரவுவார்’ என்ற பட்டத்தை கொண்ட புலவர் சேக்கிழார் 7) யுரேனியத்தை கண்டுபிடித்தவர் – E.M.பெலிகாட் 8) மேட்டூர் அணையின் வேறு பெயர் – ஸ்டான்லி அணை.
News December 25, 2024
ஐடிஐ முடித்தவர்களுக்கு மத்திய அரசில் 224 பணிகள்
மத்திய அரசின் கொச்சி கப்பல் கட்டும் (Cochin Shipyard Limited) நிறுவனத்தில் வேலைவாய்ப்பு அறிவிப்பு வெளியாகியுள்ளது. வெல்டர், ப்ளம்பர், பெயிண்டர், எலெக்ட்ரிஷியன் என மொத்தம் 224 பணியிடங்கள் உள்ளன. தொழில் பிரிவில் ஐடிஐ முடித்தவர்கள் விண்ணப்பிக்கலாம். ஆன்லைன் வழியாக தேர்வு மற்றும் திறன் தேர்வு நடத்தப்படும். விண்ணப்பிக்க கடைசி நாள் 30.12.2024. இந்த லிங்கில் விண்ணப்பிக்கவும் https://cochinshipyard.in/
News December 25, 2024
40 நவீன போர் விமானங்களை சீனாவிடம் வாங்கும் பாக்.
சீனாவிடம் இருந்து 40 நவீன போர் விமானங்களை வாங்க பாகிஸ்தான் திட்டமிட்டுள்ளது. இந்தியாவை ஆரம்பம் முதலே எதிரியாக நினைத்து செயல்படும் பாகிஸ்தான், தனது படைபலத்தை தொடர்ந்து வலுப்படுத்தி வருகிறது. இதற்கு இந்தியாவின் இன்னொரு பகை நாடாக கருதப்படும் சீனாவும் உதவி செய்து வருகிறது. அந்த வகையில், தாம் தயாரித்த 5ம் தலைமுறை போர் விமானமான ஜே-35 விமானத்தை பாகிஸ்தானுக்கு விற்க சீனா முடிவு செய்துள்ளது.
News December 25, 2024
பாக்ஸிங் டே போட்டியில் 600 தொடுவாரா ஜடேஜா?
BGT டெஸ்ட் தொடரின் 4வது போட்டியான பாக்ஸிங் டே போட்டி மெல்போர்னில் டிச. 26 ஆம் தேதி தொடங்கியுள்ளது. இப்போட்டியில், ரவீந்திர ஜடேஜா புதிய சாதனை ஒன்றை படைக்கலாமென எதிர்பார்க்கப்படுகிறது. இதுவரை 349 சர்வதேச போட்டிகளில் விளையாடியுள்ள அவர், 593 விக்கெட்டுகளை கைப்பற்றியுள்ளார். இன்னும் 7 விக்கெட்டுகளை வீழ்த்தினால் சர்வதேச போட்டிகளில் 600 விக்கெட்டுகளை கைப்பற்றிய 5ஆவது வீரர் என்ற பெருமையை அடைவார்.
News December 25, 2024
அண்ணா பல்கலை. பாலியல் வன்கொடுமை: ஒருவர் கைது
சென்னை அண்ணா பல்கலைக்கழக வளாகத்தில் மாணவி பாலியல் வன்கொடுமைக்கு ஆளாக்கப்பட்ட சம்பவத்தில் ஒருவர் கைது செய்யப்பட்டுள்ளார். இவ்விவகாரம் தொடர்பாக பாலியல் வன்கொடுமை, பாலியல் துன்புறுத்தல் ஆகிய பிரிவுகளின் கீழ் காவல்துறை வழக்குப்பதிவு செய்து விசாரணை மேற்கொண்டு வருகிறது. இச்சம்பவத்தை கண்டித்து பல்கலை. மாணவர்கள் போராட்டத்தில் ஈடுபட்டுள்ளதால் பரபரப்பு ஏற்பட்டுள்ளது.
News December 25, 2024
சாதனை படைப்பாரா பும்ரா?
BGT தொடரின் பாக்ஸிங் டே டெஸ்ட் போட்டியில் புதிய சாதனை படைக்க இந்திய பந்துவீச்சாளர் ஜஸ்பிரித் பும்ரா காத்திருக்கிறார். மெல்போர்னில் நடக்கும் இப்போட்டியில், 6 விக்கெட்டுகளை கைப்பற்றினால், 200 சர்வதேச டெஸ்ட் விக்கெட்டுகளை வீழ்த்திய 12ஆவது இந்திய வீரர் என்ற பெருமையை அவர் அடைவார். இதுவரை 43 சர்வதேச டெஸ்ட் போட்டிகளில் விளையாடியுள்ள அவர், 19.52 சராசரியுடன் 194 விக்கெட்டுகளை வீழ்த்தியுள்ளார்.
Featured News
Sorry, no posts matched your criteria.