India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 27, 2025
ஏழைகளின் உரிமைகளை பறிக்கும் BJP, RSS : ராகுல்
BJP, RSS இந்திய அரசியலமைப்பை நம்பவில்லை என்று ராகுல் குற்றம் சாட்டியுள்ளார். சுதந்திரத்திற்குப் பிறகு அரசமைப்பு வழியாக ஏழைகள், குறிப்பாக பழங்குடி, பட்டியலினத்தோர் தங்களுக்கான உரிமைகளை முதல்முறையாக பெற்றனர். ஆனால், ஏழைகளின் உரிமையைப் பறித்து, அடிமையாக்க பாஜக, ஆர்எஸ்எஸ் விரும்புகின்றன என்று மோகன் பகவத்துக்கு பதிலளிக்கும் வகையில் ராகுல் X பக்கத்தில் பதிவிட்டுள்ளார்.
News January 27, 2025
அனைவருக்கும் இலவச தரிசனம்
தைப்பூசத்தை முன்னிட்டு முருக பக்தர்களுக்கு சேகர்பாபு “பஞ்சாமிர்தம்” போல் தித்திப்பான அறிவிப்பை வெளியிட்டுள்ளார். பிப்.11, 12, 13 ஆகிய தேதிகளில் பழனி முருகன் கோயிலில் சிறப்புக்கட்டணம் ரத்து செய்து, அனைவருக்கும் இலவச தரிசனத்திற்கு அனுமதி அளிக்கப்படுவதாகவும், 10 நாட்களுக்கு ரயில் நிலையம், சண்முக நதி உள்ளிட்ட பகுதிகளில் இருந்து அடிவாரம் செல்ல இலவச பேருந்துகள் இயக்கப்படும் எனவும் தெரிவித்துள்ளார்.
News January 27, 2025
WARNING: மக்களே, இத மட்டும் செய்யாதீங்க
இந்தப் பழக்கங்கள் உங்கள் சிறுநீரகங்களை பாதிக்கும்: *இரவு நீண்டநேரம் தூங்காமல் இருத்தல் *அதிகம் காபி அருந்துதல் *அடிக்கடி தலைவலி, வலி நிவாரணி மாத்திரைகள் உட்கொள்ளுதல் *மது அருந்துதல் *துரித & பாக்கெட் உணவுகள் எடுத்தல் *விட்டமின் B6, மக்னீசியம் குறைபாடு *உணவில் அதிகம் சர்க்கரை, உப்பு சேர்த்தல் *சிறுநீர் கழிக்கும் உணர்வு ஏற்பட்டாலும் அடக்குதல் *போதுமான தண்ணீர் அருந்தாமல் இருத்தல். SHARE IT.
News January 27, 2025
பா.ரஞ்சித்தை வம்புக்கு இழுத்த மோகன் ஜி
வெற்றிமாறன் தயாரித்துள்ள ‘பேட் கேர்ள்’ படம், காதல், காமம் என இளம் பெண்களின் வாழ்வியலை மையமாகக் கொண்டு எடுக்கப்பட்டுள்ளது. இது, துணிச்சலான புத்துணர்ச்சி ஊட்டும் படம் என பா.ரஞ்சித் பாராட்டியிருந்தார். இதை விமர்சித்துள்ள மோகன் ஜி, பிராமண பெண்களை பற்றி படம் எடுத்தால் புத்துணர்ச்சியாகத் தான் இருக்கும் எனவும், உங்கள் சொந்த சாதி பெண்களிடம் இதை முயற்சிக்க வேண்டும் என்றும் கூறியுள்ளார்.
News January 27, 2025
4 மாத சம்பளம் வெறும் ₹829 கோடி தான்!
ஸ்டார்பக்ஸ் CEOஆக பிரையன் நிக்கோல்ஸ், கடந்த செப்டம்பரில் நியமிக்கப்பட்டார். அந்த ஆண்டில் வேலை செய்த 4 மாதங்களுக்கு மட்டும் அவர் சம்பளமாக ₹829 கோடி பெற்றுள்ளது தெரியவந்துள்ளது. இதுபோக வீட்டு வாடகை, டிராவல் அலவன்ஸாக ₹2.01 கோடி அவருக்கு வழங்கப்பட்டுள்ளது. ஆப்பிள், கூகுள் CEOகளான டிம் குக் மற்றும் சுந்தர் பிச்சை ஆகியோர் கூட கடந்த ஆண்டில் ₹647 கோடி சம்பளம் தான் வாங்கினர் என்பது குறிப்பிடத்தக்கது.
News January 27, 2025
வடிவேலு காமெடி ஸ்டைலில் 5 பேரை திருமணம் செய்த பெண்!
நயமாக பேசி 5 பேரை ஏமாற்றி திருமணம் செய்ததாக, சீர்காழியை சேர்ந்த 2 குழந்தைகளின் தாயான லட்சுமி(29) என்பவரை போலீஸ் கைது செய்துள்ளனர். ஒருவரிடம் நர்ஸ், இன்னொருவரிடம் டாக்டர் எனப் பழகி ஏமாற்றியவர், சிக்காமல் இருக்க பெயரையும் அடிக்கடி மாற்றியுள்ளார். கடைசியாக, 4வது கணவரின் Whatsapp ஸ்டேட்டஸால் சிக்கிக் கொண்டார். இவரிடம் ஏமாந்தவர்கள் 5 பேர் தானா, இல்லை பட்டியல் நீளுமா என்பது விசாரணையில் தெரியும்.
News January 27, 2025
‘SK 25′ படத்திற்கு புது தலைப்பா?
சுதா கொங்கரா இயக்கத்தில் சிவகார்த்திகேயன் நடிக்கும் ‘SK 25′ படத்தின் புதிய அப்டேட் நாளை மாலை வெளியாகும் என படக்குழு அறிவித்துள்ளது. ஜி.வி இசையமைக்கும் இப்படத்தில் அதர்வா, ரவி மோகன் முக்கிய கதாபாத்திரங்களில் நடிக்கின்றனர். படத்திற்கு பராசக்தி என பெயரிடப்பட்டதாக செய்திகள் வெளியாகின. ஆனால், இந்த போஸ்டரில் #SK25 என்று மட்டுமே இருப்பதால், படத்தின் பெயர் மாற்றப்படுகிறதா? என கேள்வி எழுந்துள்ளது.
News January 27, 2025
டங்ஸ்டன் ரத்துக்கும் திமுகவுக்கு சம்பந்தமில்லை: எல்.முருகன்
டங்ஸ்டன் திட்டம் ரத்து செய்யப்பட்டதற்கும், திமுகவுக்கும் எந்த தொடர்பும் இல்லை என மத்திய இணையமைச்சர் எல்.முருகன் கூறியுள்ளார். இந்த திட்டம் ரத்து செய்யப்பட்டதற்கு பாஜக தலைவர் அண்ணாமலையும், 2024 மதுரை பாஜக MP வேட்பாளர் பேராசிரியர் சீனிவாசன் மட்டுமே முக்கிய காரணம் என்றும் தெரிவித்துள்ளார். டங்ஸ்டன் விவகாரத்தில் மேலூர் மக்களை முதல்வர் ஸ்டாலின் முட்டாளாக்கியுள்ளதாகவும் விமர்சித்துள்ளார்.
News January 27, 2025
CT தொடரில் பும்ரா விளையாடுவதில் சிக்கல்?
காயம் காரணமாக சாம்பியன்ஸ் கோப்பை (CT ) தொடரில் பும்ரா விளையாடுவதில் சந்தேகம் எழுந்துள்ளது. அவருக்கு சிகிச்சை அளித்து வரும் மருத்துவர் ரோவன் ஸ்கவுட்டன், காயம் உடனடியாக குணமாக வாய்ப்பில்லை என்று கூறியதாக செய்திகள் வெளியாகியுள்ளன. பும்ரா விளையாட முடியாமல் போனால், CT தொடரில் ஹர்ஷித் ராணா அல்லது முகமது சிராஜ் ஆகியோரில் ஒருவர் அணியில் இடம்பிடிக்க அதிக வாய்ப்புள்ளது.
News January 27, 2025
CBSE பொதுத்தேர்வு: மொபைல் வைத்திருந்தால் 2 ஆண்டு தடை
CBSE பாடத்திட்டத்தில் 10, 12-ஆம் வகுப்புகளுக்கு பிப்.15-ல் பொதுத்தேர்வு தொடங்குகிறது. நாடு முழுவதும் சுமார் 44 லட்சம் பேர் தேர்வு எழுதவுள்ள நிலையில், அதற்கான <<15282397>>வழிகாட்டு நெறிமுறைகளை<<>> CBSE வெளியிட்டுள்ளது. அதன்படி, தேர்வு எழுதும்போது மாணவர்கள் மொபைல் போன் (அ) எலக்ட்ரானிக் சாதனங்கள் வைத்திருப்பது கண்டறியப்பட்டால், தேர்வு எழுதுவதிலிருந்து 2 ஆண்டுகளுக்கு தடை செய்யப்படுவார்கள் என எச்சரிக்கப்பட்டுள்ளது.
Featured News
Sorry, no posts matched your criteria.