India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 28, 2025
கொரிய தீபகற்பத்தை அலறவிடும் ’கிம்’
வடகொரியா நேற்று ஏவுகணை சோதனை நடத்திய நிகழ்வு, உலகளவில் பரபரப்பை ஏற்படுத்தியுள்ளது. உள்நாட்டு பாதுகாப்புக்காக USA, ஜப்பானுடன் இணைந்து தென்கொரியா போர் பயிற்சியில் ஈடுபட்டுள்ளது. இதற்கு எதிர்ப்பு தெரிவித்து, சுமார் 1,500 KM தொலைவிலுள்ள இலக்கை தாக்கி அழிக்கும் ஏவுகணையை வடகொரியா சோதித்துள்ளது. மேலும் USAவுக்கு கடும் பதிலடி கொடுக்கப்படும் என, அதிபர் கிம் எச்சரித்ததாகவும் தகவல்கள் தெரிவிக்கின்றன.
News January 28, 2025
காதலர் தினத்தில் ரிலீஸாகும் ‘படவா’
விமல்-சூரி நடித்துள்ள ‘படவா’ திரைப்படம், பிப்ரவரி 14ஆம் தேதி, தியேட்டர்களில் ரிலீஸாகும் என படக்குழு அறிவித்துள்ளது. நகைச்சுவை கதைக்களத்தில் உருவாகியுள்ள இந்தப் படத்தை, கே.வி.நந்தா இயக்கியுள்ளார். 6 ஆண்டுகளுக்கு முன்பே படமாக்கப்பட்ட இத்திரைப்படம், கடந்த அக்டோபரில் ரிலீஸாக இருந்த நிலையில் சில காரணங்களால் அது தள்ளிப்போனது. சினிமா செய்திகளை உடனுக்குடன் அறிய WAY2NEWS APPஐ ஃபாலோ பண்ணுங்க.
News January 28, 2025
மகா கும்ப மேளாவின் ஸ்பேஸ் VIEW!
மகா கும்ப மேளா 2025 புகைப்படத்தை, நாசா விண்வெளி வீரர் டான் பெட்டிட் சோஷியல் மீடியாவில் பகிர்ந்துள்ளார். சர்வதேச விண்வெளி நிலையத்திலிருந்து இரவு நேரத்தில் எடுக்கப்பட்ட அந்தப் புகைப்படம், கண்கொள்ளாக் காட்சியாக அமைந்துள்ளது. உ.பி., பிரயாக்ராஜில் கங்கை, யமுனை, சரஸ்வதி ஆகிய 3 நதிகள் சங்கமிக்கும் திரிவேணி சங்கமத்தில், கடந்த 13ஆம் தேதி மகா கும்ப மேளா நிகழ்ச்சி கோலாகலமாக தொடங்கியது.
News January 28, 2025
ஜனவரி 28: வரலாற்றில் இன்று!
1882 – சென்னையில் முதன்முதலாக தொலைபேசி அறிமுகப்படுத்தப்பட்டது.
1933 – பாகிஸ்தான் என்ற பெயரை சௌதுரி ரகுமாத் அலி கான் பரிந்துரைத்தார். இந்திய இஸ்லாமியர்கள் இதனை ஏற்று, பாகிஸ்தான் இயக்கத்தை ஆரம்பித்து விடுதலைக்காக போராடினர்.
1987 – மட்டக்களப்பில், இலங்கை இராணுவத்தால் 86 தமிழ் இளைஞர்கள் கொல்லப்பட்டனர்.
2016 – ஜிகா வைரஸ் பரவியுள்ளதாக உலக சுகாதார அமைப்பு (WHO) அறிவித்தது.
News January 28, 2025
கோலி பராக்! செக்யூரிட்டி டைட்!!
ரஞ்சி கோப்பை கிரிக்கெட் தொடரில், இந்திய அணியின் நட்சத்திர வீரர் விராட் கோலி விளையாடவுள்ளதால், டெல்லி அருண் ஜெட்லி மைதானத்தில் பாதுகாப்பு அதிகரிக்கப்பட்டுள்ளது. 12 ஆண்டுகளுக்கு முன் நடைபெற்ற ரஞ்சி தொடரில், உ.பி.க்கு எதிரான போட்டியில் அவர் விளையாடினார். அதன்பிறகு தற்போது டெல்லி அணி சார்பில் அவர் விளையாட உள்ளார். இன்று முதல் கோலி, பயிற்சியை தொடங்க உள்ளதாக தகவல்கள் தெரிவிக்கின்றன.
News January 28, 2025
OTTயில் மாஸ் காட்ட வரும் புஷ்பா-2
புஷ்பா 2 திரைப்படம் வரும் 30ஆம் தேதி, நெட்ஃபிளிக்ஸ் OTT தளத்தில் வெளியாகும் என படக்குழு அதிகாரப்பூர்வமாக அறிவித்துள்ளது. அல்லு அர்ஜுன், ரஷ்மிகா மந்தனா உள்ளிட்டோர் நடித்துள்ள இந்தப் படம், ரிலீஸான 32 நாள்களில் ₹1,831 கோடி ஈட்டி வசூல் சாதனை படைத்தது. அதைத் தொடர்ந்து தற்போது நெட்ஃபிளிக்ஸில், புஷ்பா 2 ரீலோடட் வெர்ஷன் தமிழ், தெலுங்கு, மலையாளம், கன்னட மொழிகளில் ரிலீஸாக உள்ளது.
News January 28, 2025
இன்றைய பொன்மொழிகள்
*பிறர் முதுகுக்குப் பின்னால் நாம் செய்ய வேண்டிய வேலை, தட்டிக்கொடுப்பது மட்டுமே-விவேகானந்தர்.
*கட்டளையிட விரும்புபவர்கள், முதலில் பணிவதற்குக் கற்றுக்கொள்ள வேண்டும்-அரிஸ்டாட்டில்.
*விடாமல் முயற்சிகளைத் தொடர்ந்து கொண்டிருப்பவர்களைத்தான் வெற்றி தேடி வரும்-ஜவஹர்லால் நேரு.
*ஒன்றைச் சிறப்பாகச் செய்ய நம்மால் முடிந்த அளவு உழைப்பைக் கொடுக்க வேண்டும். அதைக் கடைசிவரை கொடுக்க வேண்டும்-ஆபிரஹாம் லிங்கன்.
News January 28, 2025
சீன நிறுவனத்தின் AI அசிஸ்டன்ட்தான் இப்போ டாப்பு!
சீனாவைச் சேர்ந்த ஸ்டார்ட்அப்பான டீப்சீக் நிறுவனத்தின் AI அசிஸ்டன்ட், உலகளவில் கவனம் பெற்று வருகிறது. 2023இல் தொடங்கப்பட்ட இந்த நிறுவனத்தின் டீப்சீக்-வி3 வெர்ஷன், தற்போது அதிகமான பயனர்களால் பயன்படுத்தப்படுகிறது. இதன் காரணமாக USAவில் ஆப்பிள் ஆப் ஸ்டோரில், இந்த AI அசிஸ்டன்ட் முதலிடம் பிடித்துள்ளது. இந்தியாவில் கடந்த 8ஆம் தேதி முதல், டீப்சீக் AI பயன்பாட்டில் உள்ளது.
News January 28, 2025
மக்கள் நம்பிக்கையை கேலி செய்வதா? பாஜக
மகா கும்பமேளா மீது மக்கள் வைத்துள்ள மரியாதையை காங்கிரஸ் கேலி செய்வதாக பாஜக கண்டனம் தெரிவித்துள்ளது. கங்கையில் நீராடுவதால் வறுமையை ஒழிக்க முடியுமா? என காங்., தலைவர் கார்கே கேள்வி எழுப்பியிருந்தார். இதற்கு பதிலளித்த பாஜக MP சம்பித் பத்ரா, பிற மதங்களுக்கு எதிராக இதுபோன்று கருத்து கூறுவீர்களா? சனாதனத்திற்கு எதிரான இத்தகைய கருத்துகள் வெட்கக்கேடானவை என கடுமையாக சாடினார்.
News January 28, 2025
தினம் ஒரு திருக்குறள்
▶குறள் பால்: அறத்துப்பால்
▶அதிகாரம்: அழுக்காறாமை
▶குறள் எண்: 161
▶குறள்: ஒழுக்காறாக் கொள்க ஒருவன்தன் நெஞ்சத்து
அழுக்காறு இலாத இயல்பு.
▶பொருள்: மனத்தில் பொறாமையில்லாமல் வாழும் இயல்பை ஒழுக்கத்திற்குரிய நெறியாகப் பெற்று விளங்கிட வேண்டும்.
Featured News
Sorry, no posts matched your criteria.