India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 28, 2025
பிப்ரவரி 1 கனமழை இல்லை. ஜன 30 & 31 மட்டும்தான்
ஜனவரி 30 மற்றும் 31ஆம் தேதிகளில் தமிழகத்தில் கனமழை பெய்யும் என்று IMD அறிவித்துள்ளது. ஆனால், பிப்ரவரி 1ஆம் தேதி கனமழை பெய்யும் என்று நேற்று விடுத்த அறிவிப்பில் இன்று மாற்றங்கள் செய்துள்ளது. அதாவது, வரும் 30, 31 தேதிகளில் தென்காசி, தூத்துக்குடி, நெல்லை, குமரி மாவட்டங்களில் கனமழை பெய்யக்கூடும். ஆனால், 1ஆம் தேதி கனமழை இருக்காது.
News January 28, 2025
ஒன்றை விட இன்னொன்று பெஸ்ட்டாக இருக்கும்’னு….
5 பேரை திருமணம் செய்த <<15279184>>சீர்காழியை சேர்ந்த லட்சுமி<<>> (29) ஒன்றை விட இன்னொன்று பெஸ்ட்டாக இருக்கும் என்ற எண்ணத்தில் இத்தனை திருமணம் செய்ததாக கூறுகிறார். மேலும், தான் யாரிடமிருந்தும் நகையோ, பணமோ மோசடி செய்யாத நிலையில் எப்படி கைது செய்தீர்கள் என்றும் போலிசாரிடம் கேட்டு இருக்கிறார். திருமணமானதை மறைத்து இன்னொரு திருமணம் செய்வதும் தவறு என புரிய வைத்து போலீசார் விசாரணை செய்து வருகிறார்கள்.
News January 28, 2025
DeepSeek நமக்கு விடுக்கப்பட்ட எச்சரிக்கை: டிரம்ப்
சீனாவின் குறைந்த விலை AI கருவியான DeepSeekன் வரவு, USA பங்குச்சந்தையில் முதலீட்டாளர்களுக்கு பல லட்சம் கோடியை இழப்பை ஏற்படுத்தியது. இது USA தொழில் நிறுவனங்களுக்கான எச்சரிக்கை என டிரம்ப் வார்னிங் கொடுத்துள்ளார். இந்த தொழில் போட்டியில் வெற்றி பெற கவனம் செலுத்த வேண்டும் எனவும், பல லட்சம் கோடிகளை செலவு செய்யாமல், குறைந்த முதலீட்டில் தரமான கண்டுபிடிப்புகளை நிகழ்த்தவும் அவர் அறிவுறுத்தியுள்ளார்.
News January 28, 2025
பாஜக ஓட்டை குறிவைக்கும் சீமான்: திருமா தாக்கு
சீமான் பாசிச அரசியலை நோக்கி நகர்ந்து கொண்டிருப்பதாக விசிக தலைவர் திருமா கடுமையாக விமர்சித்துள்ளார். தமிழ் தேசியம் பேசிக்கொண்டு தமிழர்களுக்கு எதிராக செயல்படும் சீமான், பாஜகவின் கொள்கை பரப்புச் செயலாளர் போன்று செயல்படுகிறாரோ என்ற சந்தேகம் எழுகிறது. குறிப்பாக, ஈரோடு இடைத்தேர்தலில் பாஜக வாக்குகளை பெற அவதூறு உத்தியை கையில் எடுத்துள்ளார் என்று கடுமையாக சாடியுள்ளார்.
News January 28, 2025
வருமான வரியே வசூலிக்காத நாடுகள் தெரியுமா?
அண்டிக்குவா, பஹ்ரைன், பெர்முடா, புரூனே, பகாமாஸ், கேமன் தீவுகள், ஐக்கிய அரபு அமீரகம், குவைத், மொனாக்கோ, ஓமன், கத்தார், செயின்ட் கிட்ஸ், சவுதி அரேபியா, டர்க்ஸ் & கைகோஸ் தீவுகள், வனுவாட்டு மற்றும் மேற்கு சகாரா ஆகிய நாடுகளில் வருமான வரி இல்லை. நிலையான பொருளாதாரத்தைக் கொண்டிருப்பதாலும், மறைமுக வரிகள் பெறுவதாலும், இந்த அரசாங்கங்கள் மக்களிடமிருந்து வரி வசூலிப்பதில்லை எனப்படுகிறது.
News January 28, 2025
3வது T20: அணியில் தமிழக வீரருக்கு இடமில்லை?
இன்று நடைபெறும் 3வது T20 போட்டியில் ஆல் ரவுண்டர் வாஷிங்டன் சுந்தர் விளையாடுவது சந்தேகம் என தகவல் வெளிவருகிறது. ஷிவம் துபே, ரமன்தீப் சிங் ஆகியோருக்கு வாய்ப்பு கிடைக்கும் சூழலில், சுந்தர் விளையாட மாட்டார் எனப்படுகிறது. கடந்த போட்டியில் ஒரு ஓவர் வீசி 9 ரன்களை விட்டுக்கொடுத்த சுந்தர், பேட்டிங்கில் 19 பந்துகளில் 26 ரன்களையும் விளாசி இருந்தார். இன்னைக்கு யார் யார் டீமில் இருப்பாங்க? நீங்க சொல்லுங்க.
News January 28, 2025
பாஜகவின் சொத்து ₹7,113 கோடி.. அம்மாடியோவ்!
அகில இந்திய பாஜகவின் வங்கிக் கணக்கில் ₹7,113 கோடி சொத்து இருப்பதாக கணக்குத் தாக்கல் செய்யப்பட்டுள்ளது. ஒவ்வொரு அரசியல் கட்சியும் ஆண்டு கணக்கை தேர்தல் ஆணையத்திடம் தாக்கல் செய்ய வேண்டும். அதன்படி, பாஜக தாக்கல் செய்த கணக்கில் மார்ச் 31, 2024 அன்று ₹7 ஆயிரம் கோடிக்கு மேல் பணம் உள்ளது. இந்திய அளவில் பணக்கார கட்சியாக பாஜக உள்ளது குறிப்பிடத்தக்கது.
News January 28, 2025
கம்பீருக்கு ஒரு வருஷம் தான் டைம்: ஆகாஷ்
ENGக்கு எதிரான டெஸ்ட் தொடரின் முடிவைப் பொறுத்தே கம்பீரின் பதவி நீடிக்கும் என முன்னாள் வீரர் ஆகாஷ் சோப்ரா தெரிவித்துள்ளார். ஒருவரின் திறனை பரிசோதிக்க குறைந்தது ஒரு ஆண்டாவது நேரம் கொடுக்க வேண்டும் என்பதால், CTன் முடிவுகள் கம்பீரை பாதிக்காது எனவும் அவர் கணித்துள்ளார். நியூசி., ஆஸி., அணிகளுக்கு எதிரான டெஸ்ட் தொடர்களில் IND படுதோல்வி அடைந்ததால், கம்பீர் மீது BCCI அதிருப்தியில் உள்ளது.
News January 28, 2025
திருப்பரங்குன்றம் வழக்கில் அடுத்த அப்டேட்..!
திருப்பரங்குன்றம் முருகன் கோயில் மலையில் ஆடுகளை பலியிட தடைவிதிக்கக் கோரி இந்து மக்கள் கட்சி சார்பில் சென்னை ஐகோர்ட்டில் மனுத்தாக்கல் செய்யப்பட்டது. இந்த மனுவை இன்று விசாரித்த நீதிமன்றம், வழக்கை வரும் பிப்ரவரி 4ஆம் தேதிக்கு ஒத்தி வைத்து உத்தரவிட்டது. நிலுவையில் உள்ள மற்றொரு வழக்குடன் சேர்த்து அன்றைய தினம் இது விசாரிக்கப்படும் என நீதிபதி தெரிவித்தார்.
News January 28, 2025
வாகனங்களுக்கு பெட்ரோல்.. விரைவில் புது ரூல்ஸ்
விபத்தில் 3ஆம் தரப்பினருக்கு ஏற்படும் பாதிப்புக்கு இழப்பீடு அளிக்க வகைசெய்வதே THIRD PARTY INSURANCE ஆகும். 1988 மோட்டார் வாகன சட்டத்தில் இது கட்டாயம் எனக் கூறப்பட்டும், பலர் இதை வைத்திருப்பதில்லை. இதையடுத்து, இந்த இன்ஷூரன்ஸை காண்பித்தால் மட்டுமே, பங்க்கில் பெட்ரோல் போட வேண்டும், பாஸ்ட் டேக் மற்றும் டிரைவிங் லைசென்ஸ் அளிக்க வேண்டும் என விதிமுறையை கட்டாயமாக்க மத்திய அரசு திட்டமிட்டு வருகிறது.
Featured News
Sorry, no posts matched your criteria.