India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 29, 2025
உயிர் காக்க இதை செய்யுங்க.. மக்களுக்கு EB ஆலோசனை
சென்னையில், பக்கெட் ஹீட்டரை சாக்கெட்டில் பொருத்தும் போது, ஷாக் அடித்து இளைஞர் ஆமோஸ் உயிரிழந்தார். இதுபோன்ற உயிரிழப்புகளை தடுக்க, விழிப்புணர்வு போஸ்ட் ஒன்றை மின்வாரியம் அதனுடைய இன்ஸ்டாவில் பதிவிட்டுள்ளது. உயிரை காக்கும் RCD சாதனத்தை உடனே வீட்டில் பொருத்த மக்களுக்கு அறிவுறுத்தியுள்ளது. ஷார்ட் சர்க்யூட், மின்கசிவு இருந்தால், இந்த சாதனம் உடனே கரண்ட்டை கட் செய்துவிடும். உங்க வீட்டில் RCD இருக்கா?
News January 29, 2025
விஜய் Vs சீமான் : துக்ளக் குருமூர்த்தி தாக்கியது யாரை?
சென்னையில் நடைபெற்ற நிகழ்ச்சியில் பேசிய துக்ளக் குருமூர்த்தி, ‘அழகாக பேசுபவர்களின் பேச்சில் மயங்கிவிடுவது இன்றைய அரசியல் சூழல்’ என்று விமர்சித்துள்ளார். பிரபலமானவர்களை அறிவாளிகள் என நம்புவது கலியுகத்தின் சுபாவம் எனவும் தெரிவித்துள்ளார். அவரின் பேச்சு மறைமுக தாக்குதலாக இருக்கிறது. இதனால், அவர் விஜய்யை விமர்சித்தாரா? அல்லது சீமானை சீண்டினாரா? அல்லது இருவரையுமா? என்ற கேள்வி எழுந்துள்ளது.
News January 29, 2025
மத்திய அரசிடம் ரிப்போர்ட் கேட்ட கோர்ட்
முத்தலாக் தடை சட்டத்தில் இதுவரை பதிவு செய்யப்பட்ட வழக்குகள், FIRகள் எத்தனை என எழுத்துப்பூர்வ அறிக்கையாக சமர்ப்பிக்க மத்திய அரசுக்கு சுப்ரீம் கோர்ட் உத்தரவிட்டுள்ளது. முத்தலாக் தடை சட்டத்தை எதிர்த்த மனுக்கள் மீதான விசாரணையின் போது கோர்ட் இவ்வாறு ஆணையிட்டுள்ளது. மூன்று முறை தலாக் கூறி, இஸ்லாமிய கணவர்கள் விவாகரத்து செய்வது 2017 முதல் தடை செய்யப்பட்டுள்ளது குறிப்பிடத்தக்கது.
News January 29, 2025
ECR பெண்கள் கார் வீடியோ விவகாரத்தில் நடந்தது என்ன?
ஈசிஆரில் கடந்த 25ஆம் தேதி, பெண்கள் ஓட்டிச் சென்ற கார் இளைஞர்களின் காரை உரசியதால் அவர்கள், பதிலுக்கு துரத்திச் சென்றதாக காவல்துறை விளக்கம் அளித்துள்ளது. இளைஞர்கள் போலீசாரை நாடாமல் பெண்களை விரட்டிச் சென்று மிரட்டல் விடுத்தது, தவறு என்பதால் 2 தனிப்படைகள் அமைத்து சம்பந்தப்பட்ட இளைஞர்களை கானாத்தூர் போலீசார் தேடி வருவதாகவும் கூறியுள்ளது. இந்த விவகாரத்திற்கு <<15299483>>அதிமுக<<>>, பாஜக கண்டனம் தெரிவித்திருந்தது.
News January 29, 2025
பாராலிம்பிக் நாயகிக்கு பரிசளித்த மஹிந்திரா
தனக்கு ஸ்கார்பியோ கார் வழங்கிய ஆனந்த் மஹிந்திராவுக்கு பாராலிம்பிக் நாயகி ஆர்ச்சர் ஷீதல் நன்றி கூறியுள்ளார். 2024 பாராலிம்பிக்கில் வில்வித்தையில் வெண்கலம் வென்ற அவருக்கு, கார் பரிசாக வழங்கப்படும் என மஹிந்திரா அறிவித்திருந்தார். இந்நிலையில், ஷீதல் தனது பிறந்த நாளை முன்னிட்டு காரை பெற்றுக்கொண்டார். இந்த கார் இதயத்தை கொள்ளை கொண்டுள்ளதாகவும், தனது கிராம சாலைகளுக்கு ஏற்றவாறு உள்ளதாகவும் கூறியுள்ளார்.
News January 29, 2025
சம்பளம் எவ்வளவு உயரும்? Ex நிதிச் செயலர் கணிப்பு
8ஆவது ஊதிய கமிஷன் பரிந்துரைக்கும் Fitment Factor (2.86 இருக்கும் என எதிர்பார்ப்பு) அடிப்படையில், 2026-ல் ஊதியம் உயரும். ஆனால், அரசின் தற்போதைய நிதிநிலை அடிப்படையில், 2.08 (FF) அளிக்கப்படலாம் என்கிறார் மத்திய Ex நிதிச் செயலாளர் சுபாஷ் சந்திர கார்க். அந்த அடிப்படையில் Min Basic Pay ரூ.18,000-ல் இருந்து ரூ.37,440 ஆகவும் (108% உயர்வு), ஓய்வூதியம் ரூ.9,000-ல் இருந்து ரூ.18,720 ஆகவும் உயரும் என்கிறார்.
News January 29, 2025
WOW: வாட்ஸ்அப்பின் 4 புதிய அம்சங்கள்
*Camera Effects- வீடியோக்கள், போட்டோக்களை 30 விதமான Backgroundகள், ஃபில்டர்கள், எஃபெக்ட்ஸ் கொண்டு எடிட் செய்யலாம். *Selfie Stickers- நீங்களே செல்ஃபி எடுத்து ஸ்டிக்கர்களை கிரியேட் செய்யலாம். *Share a Sticker Pack- ஸ்டிக்கர் தொகுப்புகளை நேரடியாக அனுப்பலாம். *Quicker Reactions- ஒரு மெசேஜை இருமுறை அழுத்தி ரியாக்ட் செய்யலாம். மேலும், அதிகம் யூஸ் பண்ண ரியாக்ஷனை வேகமாக ஸ்க்ரோல் செய்து எடுக்கலாம்.
News January 29, 2025
ஜெயலலிதா நகைகளை எடுத்து செல்லுங்கள்: கோர்ட்
சொத்துக் குவிப்பு வழக்கில் ஜெயலலிதாவிடம் பறிமுதல் செய்த அனைத்து நகைகளையும் ஒப்படைக்க பெங்களூரு சிறப்பு நீதிமன்றம் உத்தரவிட்டுள்ளது. கோர்ட்டில் உள்ள நகைகளை தமிழக லஞ்ச ஒழிப்புத்துறை போலீசாரிடம் பிப்.14, 15க்குள் ஒப்படைக்க ஆணையிட்டுள்ளது. 27 கிலோ தங்கம், வெள்ளி, வைர நகைகள், 1,562 ஏக்கர் நிலப் பத்திரங்களை 6 பெட்டிகளுடன், உரிய வாகன, பாதுகாப்பு வசதியுடன் வந்து எடுத்து செல்ல அறிவுறுத்தியுள்ளது.
News January 29, 2025
முதல் கும்பமேளாவில் 800 பக்தர்கள் பலி!
சுதந்திரத்திற்குப் பிறகு 1954இல் நடந்த முதல் கும்பமேளாவில் நெரிசலில் சிக்கி 800 பக்தர்கள் உயிரிழந்தனர். பின்னர், 1986இல் நடந்த கும்பமேளாவில் 200 பேரும், 2013இல் 44 பக்தர்களும் கூட்ட நெரிசலில் சிக்கி பரிதாபமாக உயிரிழந்தனர். இந்நிலையில், நேற்று நள்ளிரவு பிரயாக்ராஜில் உள்ள திரிவேணி சங்கமத்தில் ஒரே நேரத்தில் குவிந்த பல கோடி மக்களால் ஏற்பட்ட நெரிசலில் இதுவரை 31 பேர் பலியானதாகத் தகவல் வெளியாகியுள்ளது.
News January 29, 2025
தங்கப் பதக்கம் வெல்வதே அடுத்த இலக்கு!
டோக்கியோவில் நடைபெறவுள்ள போட்டியில் தங்கப் பதக்கம் வெல்வதே தனது அடுத்த இலக்கு என தமிழகத்தைச் சேர்ந்த டென்னிஸ் வீரர் பிரித்வி சேகர் தெரிவித்துள்ளார். மெல்போர்னில் நடைபெற்ற காது கேளாதோருக்கான ஆஸ்திரேலிய ஓபன் டென்னிஸ் தொடரில் பங்கேற்ற அவர், 2 ஆவது முறையாக சாம்பியன் பட்டம் வென்றார். இதைத் தொடர்ந்து சென்னை திரும்பிய அவர், அதிக பயிற்சி பெற்று அடுத்த ஆண்டும் 3 ஆவது முறையாக வெற்றி பெறுவேன் என்றார்.
Featured News
Sorry, no posts matched your criteria.