India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 4, 2025
மனைவியை பிரிகிறார் சாஹல்
இந்திய அணி வீரர் யுவேந்திர சாஹலும், மனைவி தனஶ்ரீ வர்மாவும் டைவர்ஸ் செய்ய இருப்பதாக தகவல் வெளியாகி வந்தது. இதற்கு 2 பேரும் பதிலளிக்காத சூழலில், தற்போது இன்ஸ்டா பக்கத்தில் அன் பாலோ செய்துள்ளனர். மனைவியுடனான படங்களையும் சாஹல் டெலிட் செய்துள்ளார். இதனால் 2 பேரும் விவாகரத்து செய்வது உறுதியாகி விட்டதாக தகவல் பரவி வருகிறது. 2020இல் 2 பேரும் காதல் திருமணம் செய்தது குறிப்பிடத்தக்கது.
News January 4, 2025
ரஜினியுடன் இருக்கும் இந்த கலகலப்பு ஸ்டார் தெரியுதா?
நடிப்பில் கலக்குவார், காமெடியில் அசத்துவார், ஆக்ஷன்ல கலக்குவாரு, ரொமான்ஸ்ல பின்னுவாரு என Multidimensional நடிகராக கலக்கி வரும் இவருக்கு இன்றுடன் வயது 41. அழுத்தமான ரோலில் தோன்றி, காமெடியில் கலக்கி, ரிப்போட்டராக அரசியல் பேசி, இப்போது பல ‘பிளாக்’பஸ்டர் படங்களை கொடுத்து உயர்ந்து நிற்கிறார். மெட்ராஸ் பாஷையை அவ்வளவு அழகாக திரையில் காட்டியே ரசிகர்களை கவர்ந்து விட்டார். யார் என்று தெரியுதா?
News January 4, 2025
மது குடித்தால் 200 வகையான நோய்கள் தாக்கும்: அன்புமணி
மது குடித்தால் 200 வகையான நோய்கள் வரும் என, மதுபாட்டிலில் அச்சிடுமாறு அன்புமணி கோரிக்கை விடுத்துள்ளார். இது தொடர்பான அறிக்கையில், மதுவால் 7 வகையான புற்றுநோய் தாக்கும் ஆபத்து உள்ளதாக, USA தலைமை டாக்டர் அலுவலகம் பரிந்துரைத்துள்ளதை சுட்டிக்காட்டியுள்ளார். இதனால் 80% அளவுக்கு மதுபாட்டிலில் எச்சரிக்கை வாசகம், படத்தை அச்சிட வேண்டும் என தமிழக அரசை அவர் வலியுறுத்தியுள்ளார்.
News January 4, 2025
SBI-இல் 2 புதிய டெபாசிட் திட்டங்கள் அறிமுகம்
SBI 2 புதிய டெபாசிட் திட்டங்களை அறிமுகம் செய்துள்ளது. ஹர் கர் லக்பதி, SBI பேட்ரன்ஸ் என்பது அதன் பெயர்கள் ஆகும். ஹர் கர் லக்பதி திட்டத்தில் ரூ.1 லட்சம் முதலீடு செய்ய முடியும். குறைந்தபட்ச கால வரம்பு 12 மாதங்கள், அதிகபட்ச கால வரம்பு 120 மாதங்கள். SBI பேட்ரன்ஸ் திட்டம், 80 வயதுக்கு மேற்பட்டோருக்கானது. மூத்த குடிமக்களுக்கான வட்டியை விட கூடுதலாக வட்டி வழங்கப்படும்.
News January 4, 2025
அண்ணா பல்கலை., விவகாரம்: VCK கவன ஈர்ப்பு நோட்டீஸ்
சட்டப்பேரவை ஜன.6 அன்று கூடவுள்ள நிலையில், அண்ணா பல்கலை., மாணவி வன்கொடுமை, வேங்கை வயல் சம்பவங்கள் குறித்து விவாதிக்க, VCK கவன ஈர்ப்பு தீர்மான நோட்டீஸ் கொடுத்துள்ளது. திருப்போரூர் விசிக MLA எஸ்.எஸ்.பாலாஜி சபாநாயகரிடம் இந்த நோட்டீஸை வழங்கினார். அதிமுக, பாஜக, பாமக கட்சிகள் இதே பிரச்னைகளுக்காக போராட்டம் நடத்தும் நிலையில், திமுக கூட்டணி கட்சியான விசிகவும் இந்த விவகாரத்தைக் கையில் எடுத்துள்ளது.
News January 4, 2025
விண்வெளியில் தாவரம் வளர்த்து ISRO புதிய சாதனை
விண்வெளியில் தாவர வளர்ச்சிக்கான CROPS திட்டம் வெற்றிகரமாக செயல்பட தொடங்கியுள்ளதாக இஸ்ரோ அமைப்பு அறிவித்துள்ளது. PSLV C-60 சாட்டிலைட்டின் துணைக்கோளான VSSC விண்கலத்தில், காராமணி விதைகள் முளைத்துள்ள புகைப்படத்தை வெளியிட்டுள்ள இஸ்ரோ, விரைவில் இலைகள் உருவாகும் என்றும் தெரிவித்துள்ளது. இது விண்வெளியில் விவசாயம் செய்யும் முயற்சியில் முதல் வெற்றியாக பார்க்கப்படுகிறது.
News January 4, 2025
பொங்கல் தொகுப்பு: 13ஆம் தேதிக்குள் முடிக்க உத்தரவு
பொங்கல் தொகுப்பு வருகிற 9ஆம் தேதி முதல் அனைத்து ரேஷன் கடைகளிலும் வழங்கப்படவுள்ளது. காலை, மதியம் என தனித்தனியாக டோக்கனில் விநியாேகிக்கப்பட்ட தேதிகளில் பொங்கல் தொகுப்பு அளிக்கப்படவுள்ளது. அதாவது, 9ஆம் தேதி முதல் 12ஆம் தேதி வரை டோக்கனில் குறிப்பிட்ட எண்களுக்கும், 13ஆம் தேதி விடுபட்ட அனைவருக்கும் வழங்க உத்தரவிடப்பட்டு இருப்பதாக தகவல் வெளியாகியுள்ளது.
News January 4, 2025
’சார்’ ஒருவர் இருப்பது உறுதி
அண்ணா பல்கலைக்கழக வன்கொடுமை விவகாரத்தில் மூன்றாவது நபர் ஒருவர் இருப்பது உறுதி என்று மாணவி திட்டவட்டமாகத் தெரிவித்துள்ளார். சிறப்பு விசாரணைக் குழுவிடம் பேசிய மாணவி, வேறு ஒரு சாருடன் அவர் இருக்க வேண்டும் என்று ஞானசேகரன் வற்புறுத்தியதாக புகார் அளித்துள்ளார். அப்படி ஒரு நபரே கிடையாது என்று போலீஸ் கூறிய நிலையில் மாணவியின் வாக்குமூலம் அதிர்ச்சித் தகவலை வெளிக் கொண்டு வந்துள்ளது.
News January 4, 2025
அதிஷிக்கு எதிராக களமிறங்கும் அல்கா லம்பா
டெல்லி மாநிலத் தேர்தல் நெருங்கி வரும் நிலையில், ஆம் ஆத்மி, காங்கிரஸ் எலியும், பூனையுமாக மாறியுள்ளன. அதன் வெளிப்பாடே CM அதிஷியின் கல்காஜி தொகுதியில் அல்கா லம்பாவை காங்கிரஸ் களமிறக்கியுள்ளது. 2014இல் காங்கிரஸிலிருந்து வெளியேறிய அல்கா லம்பா, 2015ஆம் ஆண்டு தேர்தலில் AAPஇல் போட்டியிட்டு MLA ஆனார். பின்னர், அங்கு மரியாதை இல்லை எனக் கூறி 2019இல் காங்கிரஸுக்கு திரும்பியது குறிப்பிடத்தக்கது.
News January 4, 2025
முதுகு பிடிப்பால் அவதிப்படும் பும்ரா
திடீரென பும்ரா களத்தில் இருந்து வெளியேறி, ஆஸ்பத்திரிக்கு அழைத்து செல்லப்பட்டார். அவருக்கு முதுகு பிடிப்பு உள்ளதாக பிரசித் கிருஷ்ணா தெரிவித்தார். இருப்பினும், போட்டி நடந்து கொண்டிருக்கும் போதே, பும்ரா மைதானத்திற்கு திரும்பினார். 5 டெஸ்ட் போட்டிகளிலும் சேர்த்து அவர் 130.1 ஓவர்களை வீசியதால் இப்பிரச்னை ஏற்பட்டிருக்கலாம் எனப்படுகிறது. சிறப்பாக செயல்படுகிறார் என பும்ராவை கொஞ்சம் ஓவரா யூஸ் பண்றங்களோ?
Featured News
Sorry, no posts matched your criteria.