India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 6, 2025
குரு வக்ர பெயர்ச்சி: இந்த 4 ராசிக்காரர்களுக்கு பணமழை
குருபகவான் தற்போது ரிஷப ராசியில் பின்னோக்கி நகரக்கூடிய வக்ர நிலையில் சஞ்சாரம் செய்கிறார். பிப்ரவரி 4 முதல் மீண்டும் முன்னோக்கி நகரத் தொடங்க உள்ளார். இதனால் மேஷம், கன்னி, விருச்சிகம், மகர ராசிக்காரர்களுக்கு அதிர்ஷ்டத்தையும், தொழிலில் வெற்றியையும் அள்ளித்தருவார் என ஜோதிடர்கள் கணித்துள்ளனர். வேலையிடத்தில் பதவி உயர்வு, சம்பள உயர்வு, சமூகத்தில் மரியாதை கிடைக்கும் எனவும் கூறுகின்றனர்.
News January 6, 2025
‘அமரன்’ இயக்குநரின் அடுத்த Pan India படம்!
அமரன் படத்தின் வெற்றி இயக்குநர் ராஜ்குமார் பெரியசாமி மீது பான் இந்தியா அளவில் கவனத்தை ஈர்த்துள்ளது. இதையடுத்து, பாலிவுட் தயாரிப்பு நிறுவனமான T-Series உடன் கை கோர்க்கிறார் ராஜ்குமார். இதற்கான அறிவிப்பை தயாரிப்பாளர் பூஷண் குமார் வெளியிட்டுள்ளார். தற்போது தனுஷ் நடிப்பில் D55 பட வேலைகளில் உள்ளார் ராஜ்குமார். T-Series உடனான படம் Pan India படமாக உருவாகவுள்ளது. ஹீரோ யார் என விவரம் வெளியாகவில்லை.
News January 6, 2025
தக்காளி, வெங்காயம் விலை சரிவு
சென்னை கோயம்பேடு சந்தையில் தக்காளி விலை இன்று (டிச.6) கிலோ ரூ.10ஆக குறைந்துள்ளது. சின்ன வெங்காயம் விலை கிலோ ரூ.28இல் இருந்து ரூ.20ஆக சரிந்துள்ளது. கேரட் ரூ.50இல் இருந்து ரூ.40ஆகவும், பீன்ஸ் ரூ.50இல் இருந்து ரூ.40ஆகவும் சரிவடைந்துள்ளது. காலிப்பிளவர் ரூ.15இல் இருந்து ரூ.10ஆகவும், பச்சை மிளகாய் ரூ.35இல் இருந்து ரூ.20ஆகவும், முருங்கைக்காய் கிலோ ரூ.100இல் ரூ.70ஆகவும் குறைந்துள்ளன.
News January 6, 2025
ஆளுநர் மாநிலத்தை விட்டே வெளியேறலாம்: சீமான்
சட்டமன்றத்தில் இருந்து ஆளுநர் வெளியேறியது மரபை மீறிய செயல், அவர் சட்டமன்றத்தை விட்டு வெளியேறியதை விட தமிழகத்தை விட்டே வெளியேறலாம் என்று சீமான் விமர்சித்துள்ளார். மக்களால் தேர்ந்தெடுக்கப்பட்ட அரசுக்கு தான் அதிகாரம்; அவரவர் தாய்மொழிக்கு முக்கியத்துவம் அவசியம் எனக் கூறினார். மேலும், புத்தக காட்சியில் சர்ச்சைக்காகத்தான் பேசினேன். என் பேச்சு சர்ச்சையாகாவிட்டால் நான் பேசி என்ன பயன் என்று தெரிவித்தார்.
News January 6, 2025
ஒரு நாளைக்கு எவ்வளவு மது அருந்தலாம்..?
மது பிரியர்களுக்கு இந்தக் கேள்வி நிச்சயம் தோன்றியிருக்கும். ஆனால், தினமும் குடித்தாலும் சரி, எப்பவாவது குடித்தாலும் சரி, மது அருந்துபவர்களுக்கு கேன்சர் வரும் வாய்ப்பு மிக அதிகம் என்கிறார் அமெரிக்காவின் தலைமை மருத்துவர் விவேக் மூர்த்தி. 2020-ல் மட்டும் 7.5 லட்சம் கேன்சர் கேஸ்களுக்கு மதுப்பழக்கமே காரணமாக இருந்துள்ளது. பீர், ஒயின், ஆல்கஹால் என அனைத்து மது வகைகளும் ஆபத்தானவையே என எச்சரிக்கிறார்.
News January 6, 2025
நாளை ‘காதலிக்க நேரமில்லை’ ட்ரெய்லர்
கிருத்திகா உதயநிதி இயக்கத்தில் ஜெயம் ரவி, நித்யா மேனன் நடிப்பில் உருவாகியுள்ள ‘காதலிக்க நேரமில்லை’ படத்தின் ட்ரெய்லர், நாளை மாலை 5 மணிக்கு வெளியாகிறது. முழுக்க முழுக்க, தற்கால காதலர்களின் நிலை குறித்து இப்படம் பேசுகிறது. படத்தின் முதல் பாடலான ‘BREAK-UP DA’ நேற்று வெளியாகி, இளைஞர்கள் மத்தியில் பெரும் வரவேற்பை பெற்ற நிலையில், ட்ரெய்லர் மீதும் எதிர்பார்ப்பு அதிகரித்துள்ளது.
News January 6, 2025
HMPV தொற்று: கார்ப்பரேட் கம்பெனிகளில் மாஸ்க்!!
HMPV வைரஸ் தொற்று தற்போது இந்தியாவிலும் கண்டறியப்பட்டுள்ளது. முன்னெச்சரிக்கை நடவடிக்கைகள் தொடங்கிவிட்டன. நாட்டின் கார்ப்பரேட் கம்பெனிகள் மாஸ்க் அணிந்து வேலை செய்யும் வகையில் நடவடிக்கைகள் மேற்கொள்கின்றன. பலரும் தற்போது மாஸ்க் அணிய தொடங்கிவிட்டனர். இன்று மட்டும் தமிழகத்தில் 2, பெங்களூருவில் 2, குஜராத்தில் 1, மே.வங்கத்தில் 1 என மொத்தம் 6 குழந்தைகளுக்கு HMPV தொற்று உறுதி செய்யப்பட்டது.
News January 6, 2025
BREAKING: பொங்கல் விடுமுறை முடிந்து திரும்ப 22,676 பஸ்கள்
<<15079281>>பொங்கலை <<>>கொண்டாட சொந்த ஊர் செல்லும் மக்கள், மீண்டும் பணிபுரியும் இடங்களுக்கு திரும்ப ஏதுவாக, அரசு கூடுதல் பஸ்களை அறிவித்துள்ளது. 15 முதல் 19ஆம் தேதி வரை சென்னைக்கு வழக்கமாக இயக்கப்படும் 10,460 பஸ்களுடன், 5,290 சிறப்பு பஸ்களும் இயக்கப்படும் என அரசின் அறிவிப்பில் கூறப்பட்டுள்ளது. இதேபோல் பிற ஊர்களுக்கும் 6,926 பஸ்கள் என மொத்தம் 22,676 பஸ்கள் இயக்கப்படும் என தெரிவிக்கப்பட்டுள்ளது.
News January 6, 2025
பாத வலி தீர்க்கும் ‘Contrast Bath therapy’
பாதங்களில் வலி உள்ளவர்களுக்கு `கான்ட்ராஸ்ட் பாத்’ சிகிச்சை பலனளிக்கும். இதை வீட்டிலேயே செய்யலாம். ஒரு பாத்திரத்தில் வெந்நீரும், இன்னொரு பாத்திரத்தில் சாதாரண தண்ணீரையும் நிரப்பிக்கொள்ள வேண்டும். அதில் கணுக்கால் வரை நீரில் முக்கி பாதத்துக்கான பயிற்சிகளை கொடுக்க வேண்டும். இருவகை தண்ணீரிலும் மாற்றி மாற்றி பயிற்சிகளை செய்ய வேண்டும். தினமும் காலை, மாலை இருவேளையும் செய்தால் வலி மறையும்.
News January 6, 2025
விண்வெளியில் துளிர் விடும் நம்பிக்கை!
இஸ்ரோ, PSLV C60 ராக்கெட் மூலம் டிசம்பரில் சாட்டிலைட்களை விண்ணில் ஏவியது. இந்த மிஷனில், விண்வெளியில் பயிர் வளர்வதற்கான சாத்தியங்களை ஆராயும் CROPS கருவியில், 8 காராமணி விதைகள் அனுப்பப்பட்டன. சில நாள்களுக்கு முன் அந்த விதைகள் முளைக்க தொடங்கியது. இந்நிலையில், அதில் இலைகள் துளிர் விடத் தொடங்கிய புகைப்படத்தை பகிர்ந்துள்ள இஸ்ரோ, இது ஒரு மைல்கல் சாதனை எனத் தெரிவித்துள்ளது.
Featured News
Sorry, no posts matched your criteria.