India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 16, 2025
தனுஷின் ஹிந்தி பட ஷூட்டிங் பரபர
தனுஷ் ஹிந்தியில் நடித்து வரும் ‘தேரே இஷ்க் மெய்ன்’ படத்தின் 2ஆம் கட்ட ஷூட்டிங் பணிகள் டெல்லியில் சூடுபிடித்துள்ளன. முதற்கட்ட ஷூட்டிங் மும்பை, ஹைதராபாத் பகுதிகளில் நடைபெற்று முடிவடைந்த நிலையில், தற்போது தனுஷ் டெல்லி பறந்துள்ளார். ‘ராஞ்சனா’ படத்தை இயக்கிய ஆனந்த் எல் ராய் இப்படத்தை இயக்குகிறார். ஏ.ஆர்.ரஹ்மான் இசையமைக்கிறார். வரும் நவ.28ஆம் தேதி படம் ரிலீசாக உள்ளது.
News February 16, 2025
நடிகர் சத்யராஜின் மகளுக்கு திமுகவில் உயரிய பொறுப்பு
அண்மையில் திமுகவில் இணைந்த நடிகர் சத்யராஜின் மகள் திவ்யாவுக்கு தகவல் தொழில்நுட்ப அணி துணைச் செயலாளர் பொறுப்பு வழங்கப்பட்டுள்ளது. அதேபோல் குன்னம் ராஜேந்திரன், கே.வி.எஸ். சீனிவாசன் ஆகியோர் வர்த்தகர் அணி துணை செயலாளர்களாகவும், மருதூர் ஏ.ராமலிங்கம் திமுக ஆதிதிராவிடர் நலக்குழு தலைவராகவும் நியமனம் செய்யப்பட்டுள்ளனர்.
News February 16, 2025
அரசின் செயலின்மைக்கு இதுவே சான்று: ராகுல்
டெல்லி ரயில் நிலையத்தில் கூட்ட நெரிசலில் மக்கள் உயிரிழந்திருப்பது வேதனை தருவதாக ராகுல் காந்தி தெரிவித்துள்ளார். இந்த சம்பவம் ரயில்வேயின் தோல்வியை, அரசின் செயலின்மையை காட்டுவதாகவும், கும்பமேளாவில் அதிக பக்தர்கள் வருவதை அறிந்து முன்கூட்டியே ஏற்பாடுகளை செய்யாதது ஏன் எனவும் அவர் கேள்வி எழுப்பியுள்ளார். அலட்சியத்தால் யாரும் உயிரிழக்காமல் இருக்க அரசு உறுதியளிக்கவும் வலியுறுத்தியுள்ளார்.
News February 16, 2025
படிதார் RCB கேப்டன் ஆனதற்கு கோலியே காரணம்: கைஃப்
ரஜத் படிதார் RCB கேப்டன் ஆன பின்னணியில் கோலி இருப்பதாக முன்னாள் வீரர் கைஃப் தெரிவித்துள்ளார். கோலி கேப்டன் ஆகாதது தனக்கு ஆச்சரியத்தை ஏற்படுத்தியதாகவும், தனது பேட்டிங்கில் கவனம் செலுத்தவே விராட் கேப்டன் பொறுப்பை மறுத்திருப்பதாகவும் அவர் கூறியுள்ளார். அணியின் எதிர்காலம் கருதியே படிதார் பெயரை அவர் முன்மொழிந்ததாகவும், ஆனால் இது படிதாருக்கு மிகப்பெரிய சவால் என்றும் குறிப்பிட்டுள்ளார்.
News February 16, 2025
பூக்கள் விலை பாதியாக சரிவு
முகூர்த்த நாள், விசேஷ நாள் இல்லாததால், சென்னை கோயம்பேடு சந்தையில் பூக்கள் விலை பாதியாக குறைந்துள்ளது. 1 கிலோ மல்லிகைப்பூ ரூ.3,600க்கு விற்கப்பட்ட நிலையில், அது ரூ.1,800ஆக சரிந்துள்ளது. ஐஸ் மல்லி ரூ.3,000இல் இருந்து ரூ.1,500ஆகவும், முல்லைப்பூ ரூ.2,500இல் இருந்து ரூ.1,200ஆகவும், ஜாதிமல்லி ரூ.2,500இல் இருந்து ரூ.1,200ஆகவும், கனகாம்பரம் பூ ரூ.1,000இல் இருந்து ரூ.600ஆகவும் வீழ்ச்சியடைந்துள்ளன.
News February 16, 2025
எடை குறைய இப்படி செய்வதே நல்லது
எடை குறைப்பிற்கு வெறும் வயிற்றில் வாக்கிங் செல்வதே நல்லது என மருத்துவ நிபுணர்கள் கூறுகின்றனர். வெறும் வயிற்றில் வாக்கிங் செல்லும் போது, உடல் தனது சக்திக்கு கொழுப்பை கரைத்து எடுத்துக் கொள்ளும் என்பதால், வேகமாக எடைக் குறையும் எனவும், இதன் பெயர் Fasting Cardio என்றும் அவர்கள் கூறுகின்றனர். அதேபோல், சுகர், BP உள்ளவர்கள் டாக்டர்களிடம் அறிவுரை பெற்று இதை செய்யவும் அவர்கள் அறிவுறுத்துகின்றனர்.
News February 16, 2025
காய்கறி விலை கடும் சரிவு
தை மாத சுப முகூர்த்தம், கோயில் திருவிழா உள்ளிட்ட காரணங்களால் விலை உயர்வைக் கண்டிருந்த காய்கறிகள் இன்று (பிப்.16) சரிவைக் கண்டுள்ளது. கோயம்பேடு மார்க்கெட்டில் ஒரு கிலோ தக்காளி- ₹15, பீன்ஸ்- ₹25, கேரட்- ₹40, உருளைக்கிழங்கு- ₹25, கத்திரிக்காய்- ₹20, இஞ்சி- ₹50, சின்ன வெங்காயம்- ₹50, பெரிய வெங்காயம்- ₹40, முருங்கை- ₹70, பூண்டு- ₹200க்கு விற்பனையாவதால் மக்கள் மகிழ்ச்சி அடைந்துள்ளனர்.
News February 16, 2025
வெளிநாட்டில் இருந்து வருவோருக்கு தங்கம் லிமிட்?
ஒரு நபர் இந்தியாவிற்கு எவ்வளவு தங்கத்தை கொண்டு வரலாம் என்பதற்கு வரம்புகள் உள்ளது. தற்போதைய விதிமுறைகளின்படி ஆண் 20 கிராமும், பெண் 40 கிராம் வரையிலான தங்கத்தை கொண்டு வரலாம். தங்க இறக்குமதிக்கு மட்டுமே வரி கிடையாது. இந்தியப் பயணி ஒருவர் கோல்ட் பார், கோல்ட் காயின் போன்றவற்றை கொண்டு வந்தால் கண்டிப்பாக சுங்கவரி விதிக்கப்படும். இது தங்கத்தின் வகை மற்றும் எடையின் அடிப்படையில் மாறுபடும். SHARE IT
News February 16, 2025
அங்கன்வாடிகளில் கழிவறை கட்ட ரூ.75,000 நிதி: ஸ்டாலின்
அங்கன்வாடிகளில் கழிவறை கட்ட தமிழக அரசு தற்போது ரூ.30,000 நிதி அளிக்கிறது. இந்த நிதி 2025-26ஆம் ஆண்டு முதல் ரூ.75,000ஆக அதிகரிக்கப்பட இருப்பதாக மாவட்ட வளர்ச்சி ஒருங்கிணைப்பு மற்றும் கண்காணிப்பு கூட்டத்தில் பேசிய முதல்வர் ஸ்டாலின் தெரிவித்தார். இதேபோல் அதிமுக எம்எல்ஏ செங்கோட்டையன் விடுத்த கோரிக்கையை ஏற்று, தேங்காய் விவசாயிகளுக்கு முன்கூட்டியே நிதி விடுவிக்க நடவடிக்கை எடுக்கப்படும் என்றார்.
News February 16, 2025
JOB ALERT: பெல் நிறுவனத்தில் வேலைவாய்ப்பு
மத்திய அரசின் பெல் நிறுவனத்தில் 137 காலியிடங்களுக்கு வேலைவாய்ப்பு அறிவிப்பு வெளியாகியுள்ளது. அவை டிரெய்னி என்ஜீனியர், புராஜெக்ட் என்ஜீனியர் நிலையிலான பணியிடங்கள் ஆகும். வேலையில் சேர வரும் 20ஆம் தேதிக்குள் விண்ணப்பிக்க வேண்டும். சம்பளம், விண்ணப்பிக்கும் முறை உள்ளிட்டவை குறித்த கூடுதல் தகவல்களை பெல் நிறுவன இணையதளத்தில் தெரிந்து கொள்ளலாம். SHARE.
Featured News
Sorry, no posts matched your criteria.