India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 28, 2025
தலைமை செயலாளர்களுடன் PM மோடி ஆலோசனை
டெல்லியில், PM மோடி தலைமையில் மாநிலங்களின் தலைமை செயலாளர்கள் மாநாடு நடைபெற்றுள்ளது. இதில் மத்திய-மாநில அரசுகள் இடையிலான ஒத்துழைப்பு, பல்வேறு பிரச்னைகள் மற்றும் சீர்திருத்தங்கள் பற்றி ஆலோசிக்கப்பட்டுள்ளன. தேசிய அளவிலான வளர்ச்சி திட்டங்களுக்கு முன்னுரிமை வழங்குவது தொடர்பாகவும் பேசப்பட்டுள்ளது. வளர்ச்சியடைந்த இந்தியாவிற்கான மனிதவளம் என்ற கருப்பொருளின் அடிப்படையில் மாநாடு நடந்தது குறிப்பிடத்தக்கது.
News December 28, 2025
தவெகவின் சின்னம்.. விரைவில் அறிவிக்கிறார் விஜய்
சேலத்தில் நடக்கவுள்ள விஜய்யின் மக்கள் சந்திப்பு நிகழ்ச்சியில் தவெகவின் சின்னத்தை அறிமுகப்படுத்த திட்டமிடப்பட்டுள்ளது. சின்னம் கோரி தவெக விண்ணப்பித்த நிலையில் விசில், மோதிரம், உலக உருண்டை உள்ளிட்ட சின்னங்களில் ஒன்றை EC ஒதுக்கிவிட்டதாக கூறப்படுகிறது. விஜய் அறிமுகப்படுத்தும் சின்னத்தை, 15 நிமிடங்களிலேயே உலகளவில் பிரபலப்படுத்த TVK நிர்வாகிகள் ஏற்பாடு செய்வதாகவும் அரசியல் வட்டாரங்கள் தெரிவிக்கின்றன.
News December 28, 2025
4-வது டி20: இன்று இந்தியா Vs இலங்கை
இந்தியா, இலங்கை மகளிர் அணிகள் இடையிலான 4-வது டி20 திருவனந்தபுரத்தில் இன்று நடைபெறுகிறது. 5 போட்டிகள் கொண்ட தொடரின் முதல் டி20 8 விக்கெட், 2-வது டி20-ல் 7 விக்கெட், 3-வது டி20-ல் 8 விக்கெட் என 3 போட்டிகளில் வெற்றிபெற்று IND தொடரை கைப்பற்றிவிட்டது. இந்நிலையில் இலங்கையை ஒயிட்வாஷ் செய்யும் முனையில் IND வீராங்கனைகள் உள்ளனர். அதேநேரம், ஆறுதல் வெற்றி பெறுவதற்காக SL அணி கடுமையாக போராட வேண்டியிருக்கும்.
News December 28, 2025
வலுவான எதிரிகள் தேவை: விஜய்
‘ஜனநாயகன்’ ஆடியோ லாஞ்சில் நடிகர் விஜய் மறைமுகமாக அரசியல் பேசியிருக்கிறார். வாழ்க்கையில் முன்னேறுவதற்கு நண்பர்களை விட வலுவான எதிரிகள் தேவை என அவர் கூறியுள்ளார். சும்மா வருவோர், செல்வோரை எல்லாம் எதிர்க்க முடியாது என்றும், வலுவாக இருந்தால் தானே ஒருவரை எதிர்க்க முடியும் எனவும் அவர் பேசியுள்ளார். அப்போது தான் நாம் ஜெயிக்கும் அளவிற்கு வலிமையாக இருக்கிறோம் என்று அர்த்தம் என விஜய் தெரிவித்துள்ளார்.
News December 28, 2025
காந்தியை அவமதிக்கும் பாஜக: காங்கிரஸ்
MGNREGA திட்டத்திற்கு மாற்றாக கொண்டுவரப்பட்டுள்ள VB G-RAM G திட்டத்திற்கு எதிராக ஜன.5-ல் நாடு தழுவிய போராட்டத்தை காங்கிரஸ் அறிவித்துள்ளது. MNREGA என்பது வெறும் திட்டமல்ல, அது இந்திய அரசியலமைப்பு வழங்கிய வேலைவாய்ப்பு உத்தரவாதம் என்று மல்லிகார்ஜுனா கார்கே தெரிவித்தார். திட்டத்தின் பெயரை மாற்றியது காந்தியை அவமதிக்கும் செயல் என்றும், இதனால் பொதுமக்கள் கடும் கோபத்தில் இருப்பதாகவும் அவர் கூறியுள்ளார்.
News December 28, 2025
பிக்பாஸ் எவிக்ஷனில் ட்விஸ்ட்.. ரசிகர்கள் ஷாக்
பிக்பாஸில் இந்த வாரம் வீட்டைவிட்டு இரண்டு பேர் வெளியேற்றப்பட்டுள்ளனர். குறைந்த வாக்குகளை பெற்றதால் அமித்தை தொடர்ந்து கனியும் எலிமினேட் செய்யப்பட்டு இருக்கிறார். டாப் 5 வருவார் என எதிர்பார்க்கப்பட்ட கனி, எலிமினேட் ஆகியுள்ளதால் ரசிகர்கள் அதிர்ச்சி அடைந்துள்ளனர். சுபிக்ஷா, சபரியை விட கனி குறைவான வாக்குகளை பெற்றிருக்க வாய்ப்பில்லை எனவும் ரசிகர்கள் குற்றஞ்சாட்டுகின்றனர். நீங்க என்ன நினைக்கிறீங்க..
News December 28, 2025
டிசம்பர் 28: வரலாற்றில் இன்று
*1885 – இந்திய தேசிய காங்கிரஸ் தொடக்கம் *1932 – தொழிலதிபர் திருபாய் அம்பானி பிறந்தநாள் *1937 – தொழிலதிபர் ரத்தன் டாடா பிறந்தநாள் *1947 – எழுத்தாளர் நாஞ்சில் நாடன் பிறந்தநாள் *1952 – அரசியல்வாதி அருண் ஜெட்லி பிறந்தநாள் *1964 – அரசியல்வாதி ஜி.கே.வாசன் பிறந்தநாள்
News December 28, 2025
இந்திய அணிக்கு புதிய பயிற்சியாளர்?
உள்ளூரில் NZ, SA அணிகளுக்கு எதிராக டெஸ்டில் இந்தியா ஒயிட்வாஷ் ஆனதால் கம்பீர் மீது கடும் விமர்சனங்கள் எழுந்தன. இந்நிலையில் கம்பீரை டெஸ்ட் பயிற்சியாளர் பொறுப்பில் இருந்து நீக்க BCCI ஆலோசித்து வருவதாக கூறப்படுகிறது. அவருக்கு பதிலாக Ex வீரர் லட்சுமணனை பயிற்சியாளராக நியமிக்க பேச்சுவார்த்தை நடப்பதாக தகவல்கள் தெரிவிக்கின்றன. தற்போது லட்சுமண் BCCI அகாடமியின் உயரிய பொறுப்பில் உள்ளது குறிப்பிடத்தக்கது.
News December 28, 2025
உக்ரைனுக்கு இறுதி எச்சரிக்கை விடுத்த புடின்
ரஷ்யாவுடனான பிரச்னையை அமைதியான முறையில் தீர்க்க உக்ரைன் ஆர்வம் காட்டவில்லை என புடின் தெரிவித்துள்ளார். இது தொடர்ந்தால், தங்களது இலக்குகளை ராணுவ நடவடிக்கையின் மூலம் அடைவோம் என அவர் எச்சரித்துள்ளார். ஆனால், அமைதியை எட்டும் தங்களது முயற்சிகளுக்கு தாக்குதல் மூலமாக ரஷ்யா பதிலளிப்பதாக ஜெலன்ஸ்கி சாடியுள்ளார். இந்நிலையில் போரை முடிவுக்கு கொண்டு வருவது பற்றி அதிபர் டிரம்ப்பை ஜெலன்ஸி இன்று சந்திக்கிறார்.
News December 28, 2025
கண்ணதாசன் பொன்மொழிகள்!
*சிறகு கிடைத்தால் பறப்பது மட்டும் வாழ்க்கையல்ல. சிலுவை கிடைத்தாலும் சுமப்பது தான் வாழ்க்கை *தேவைக்கு மேல் பணமும், திறமைக்கு மேல் புகழும், உழைப்புக்கு மேல் பதவியும் கிடைத்து விட்டால், பார்வையில் படுவது எல்லாம் சாதாரணமாக தான் தெரியும் *சாக்கடை என்பது மோசமான பகுதிதான். ஆனால் அப்படி ஒன்று இல்லாவிட்டால் ஊரேச் சாக்கடை ஆகிவிடும் *அளவுக்கு மிஞ்சிய சாமர்த்தியம், முட்டாள்தனத்தில் போய் முடியும்.
Featured News
Sorry, no posts matched your criteria.