India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 4, 2025
இ-சேவை மையங்களில் டிக்கெட் புக்கிங்
கிராமப்புற மக்கள் தொலைதூர பயணங்களுக்கு முன்பதிவு செய்ய வசதியாக, அரசு போக்குவரத்து கழகம் சார்பில் இ-சேவை மையங்களில் புக்கிங் செய்யும் வசதி விரைவில் அறிமுகம் செய்யப்பட உள்ளது. முன்பதிவு செய்த டிக்கெட்களை கேன்சல் செய்யவும் இ-சேவை மையங்களை அணுகலாம் என அதிகாரிகள் தெரிவித்துள்ளனர். தற்போது ஆன்லைன் மூலமாகவும், அங்கீகரிக்கப்பட்ட செயலி மூலமாகவும் முன்பதிவு செய்து மக்கள் பயணித்து வருகின்றனர்.
News April 4, 2025
இனி இதற்கு கட்டணம் இல்லை: அமைச்சர்
PPF கணக்கில் வாரிசுதாரரை சேர்க்கவும், புதுப்பிக்கவும் இனி கட்டணம் வசூலிக்கப்படாது என நிதியமைச்சர் நிர்மலா சீதாராமன் உறுதிபட தெரிவித்துள்ளார். நிதி நிறுவனங்கள் சார்பில் கட்டணம் வசூலிக்கப்படுவது குறித்து தனக்கு தெரியவந்ததாகவும், எனவே, விதிகளில் கட்டணம் வசூலிக்க அனுமதிக்கும் பிரிவை நீக்கியுள்ளதாகவும் அவர் கூறியுள்ளார். மேலும், இது கடந்த 2ஆம் தேதி முதல் அமலுக்கு வந்துள்ளதாகவும் தெரிவித்துள்ளார்.
News April 4, 2025
குரோசவா எனும் உலக சினிமா நாயகன்
இன்றைய உலகில் பல இயக்குநர்களின் ரோல் மாடலாக ஜப்பானிய இயக்குநர் அகிரா குரோசவா உள்ளார். இவரது செவன் சாமுராய், ரஷோமோன் படங்கள் பல திரைப்பட கல்லூரிகளில் பாடமாக உள்ளன. ஒரு சம்பவத்தை பார்க்கும் மூவர், அதை வெவ்வேறு கோணங்களில் விவரிக்கும் திரைக்கதை பாணியை (ரஷோமோன் எஃபெக்ட்) உருவாக்கியவர். அந்த நாள், விருமாண்டி படங்கள் இதே பாணி திரைக்கதையை கொண்டுள்ளன. ஆஸ்கரின் வாழ்நாள் சாதனையாளர் விருதை இவர் பெற்றுள்ளார்.
News April 4, 2025
இன்று மும்பை vs லக்னோ.. யார் கை ஓங்கும்?
லக்னோவில் இன்று இரவு 7.30 மணிக்கு நடைபெற உள்ள 16ஆவது லீக் போட்டியில் மும்பை அணியும், லக்னோ அணியும் மோத உள்ளன. இரு அணிகளும் இதுவரை 3 போட்டிகளில் விளையாடி, ஒரே ஒரு போட்டியில் மட்டுமே வென்றுள்ளன. புள்ளிப்பட்டியலில் மும்பை அணி 6ஆவது இடத்திலும், லக்னோ அணி 7ஆவது இடத்திலும் உள்ளன. எனவே இன்றைய போட்டியில் வெற்றி பெற இரு அணிகளுமே தீவிரமாக போராடும் என்பதால் சுவாரஸ்யத்திற்கு பஞ்சம் இருக்காது.
News April 4, 2025
ராமநாதபுரத்தில் பள்ளி, கல்லூரிகளுக்கு விடுமுறை
ராமநாதபுரம் மாவட்டம் உத்திரகோசமங்கை கோயில் குடமுழுக்கை ஒட்டி, இன்று (ஏப்.4) மாவட்டத்தில் உள்ள அனைத்து பள்ளி, கல்லூரிகள் மற்றும் அரசு அலுவலகங்களுக்கு உள்ளூர் விடுமுறை அறிவிக்கப்பட்டுள்ளது. இந்த விடுமுறையை ஈடுசெய்ய அடுத்த மாதம் 10ஆம் தேதி வேலை நாள் என மாவட்ட ஆட்சியர் சிம்ரன்ஜீத் சிங் காலோன் தெரிவித்துள்ளார்.
News April 4, 2025
ப்ளஸ் 2 விடைத்தாள்கள் திருத்தும் பணி தொடக்கம்
ப்ளஸ் 2 தேர்வு எழுதிய 8 லட்சம் மாணவர்களின் விடைத்தாள்களை திருத்தும் பணி இன்று தொடங்குகிறது. இப்பணிகளுக்காக தமிழகம் முழுவதும் 83 முகாம்கள் அமைக்கப்பட்டு உள்ளதாகவும், 46 ஆயிரம் பட்டதாரி ஆசிரியர்கள் இப்பணியில் ஈடுபடுத்தப்பட உள்ளதாகவும் தேர்வுத்துறை அதிகாரிகள் தெரிவித்துள்ளனர். மேலும், இப்பணிகள் வரும் 17ஆம் தேதி வரை நடைபெற உள்ளதாகவும், மே 9ஆம் தேதி ரிசல்ட் வெளியாகும் எனவும் கூறியுள்ளனர்.
News April 4, 2025
தமிழகம் முழுவதும் தவெக இன்று ஆர்ப்பாட்டம்
வக்ஃபு திருத்த சட்ட மசோதாவிற்கு எதிராக TVK சார்பில் இன்று தமிழகம் முழுவதும் ஆர்ப்பாட்டம் நடைபெறும் என விஜய் அறிவித்துள்ளார். ஆட்சி அதிகாரம் இருந்தால், எந்தவொரு சமூக நல்லிணக்கத்துக்கு எதிரான சட்டத்தையும் நிறைவேற்றிவிடலாம் என்ற மனநிலை கொண்ட ஆட்சியாளர்களுக்கு நேர்ந்த கதி வரலாற்றில் உள்ளதாகவும், இஸ்லாமியர்களுக்கு எதிரான அரசியலை கையில் எடுத்துள்ளதாக பாஜக அரசையும் அவர் கண்டித்துள்ளார்.
News April 4, 2025
‘நம்ம சாலை’ செயலி மூலம் 13,300 புகார்களுக்கு தீர்வு!
விபத்தில்லா மாநிலம் என்ற கனவை நனவாக்க கடந்த 2023ல் TN அரசு ‘நம்ம சாலை’ செயலியை அறிமுகம் செய்தது. இதன்மூலம் 13,300 புகார்கள் மீது நடவடிக்கை எடுக்கப்பட்டதாக தெரிவித்திருக்கிறார் அமைச்சர் எ.வ.வேலு. குண்டும் குழியுமான சாலைகளை கண்டதும் ஃபோட்டோவுடன் செயலியில் பதிவேற்ற வேண்டும். பழுது பார்த்த ஃபோட்டோ புகாரளித்த நபரின் ஃபோனுக்கு அனுப்பப்படும். யாருக்காவது அப்படி ஃபோட்டோ வந்திருந்தால் பகிருங்கள்!
News April 4, 2025
ஒரு நாள் முழுவதும் செம எனர்ஜியா இருக்கணுமா?
ஒரு நாள் முழுவதும் புத்துணர்ச்சியுடன் செயல்பட கீழ்காணும் உணவுகளை ஊட்டச்சத்து நிபுணர்கள் பரிந்துரைக்கின்றனர். வாழைப்பழத்தில் உள்ள பொட்டாசியம், இயற்கை சர்க்கரை, கார்போஹைட்ரேட் உடனடி ஆற்றலை கொடுக்கிறது. பாதாமில் உள்ள மெக்னீசியமும் புரதமும் எனர்ஜி பூஸ்டர் என அழைக்கப்படுகிறது. முட்டையில் உள்ள புரதம் தசைகளை வலுப்படுத்தும். பேரீச்சம்பழத்தில் உள்ள நார்ச்சத்து, இரும்புச்சத்து உடனடி ஆற்றலைத்தரும்.
News April 4, 2025
‘கூலி’ படத்தின் மாஸ் அப்டேட் இன்று
ரஜினி நடித்துள்ள ‘கூலி’ படத்தின் முக்கிய அப்டேட் இன்று வெளியாக உள்ளதாக அப்படத்தை தயாரித்துள்ள சன் பிக்சர்ஸ் நிறுவனம் தெரிவித்துள்ளது. படத்தின் ரிலீஸ் தேதியா அல்லது டிரெய்லர் குறித்த அப்டேட்டா என ரசிகர்கள் ஆவலுடன் காத்திருக்கின்றனர். எது வந்தாலும் சரி என கொண்டாடி தீர்க்க ரசிகர்கள் முடிவு செய்துள்ளனர். இப்படத்தின் படப்பிடிப்பு கடந்த மாதம் முடிவடைந்த நிலையில், இசைப்பணிகளும் முடிந்துவிட்டன.
Featured News
Sorry, no posts matched your criteria.