India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 4, 2025
தங்க நகைக் கடன்: RBI-க்கு ஐகோர்ட் புதிய உத்தரவு
தங்க நகைக் கடன் புதிய விதிமுறை தொடர்பாக பதிலளிக்க RBI-க்கு ஐகோர்ட் மதுரைக் கிளை உத்தரவிட்டுள்ளது. வங்கிகளில் அடகு வைக்கப்பட்ட தங்க நகைகளை வட்டியோடு அசல் தொகை செலுத்தி நகைகளைப் பெற்று, மறுநாள் <<15799668>>புதிதாக அடகு <<>>வைக்க முடியும் என ரிசர்வ் வங்கி(RBI) அறிவித்தது. இதற்கு கடும் எதிர்ப்பு கிளம்பியது. இதனை எதிர்த்துத் தொடரப்பட்ட வழக்கில், மத்திய நிதித்துறைச் செயலர், RBI மேலாளர் பதிலளிக்க உத்தரவிடப்பட்டுள்ளது.
News April 4, 2025
பேரவையில் எதிரொலித்த ‘எம்புரான்’ பட சர்ச்சை
‘எம்புரான்’ படத்தில் முல்லைப் பெரியாறு குறித்த காட்சிகள் நீக்கப்பட்டு திரையிடப்படுவதாக CM ஸ்டாலின் தெரிவித்துள்ளார். சர்ச்சைக்குரிய அந்தக் காட்சி சென்சாரில் கட் செய்யவில்லை எனவும் படம் வெளியான பிறகுதான் தெரியவந்தது என்றும் விளக்கம் அளித்தார். எம்புரான் படத்தில் முல்லைப் பெரியாறு அணை உடைந்தால் கேரளாவே அழியும் எனக் காட்சி இடம்பெற்றுள்ளதாக MLA வேல்முருகன் பேசிய நிலையில், விளக்கம் அளிக்கப்பட்டது.
News April 4, 2025
மக்களவை தேதி குறிப்பிடாமல் ஒத்திவைப்பு
மக்களவையை தேதி குறிப்பிடாமல் சபாநாயகர் ஓம் பிர்லா ஒத்திவைத்தார். நாடாளுமன்ற பட்ஜெட் கூட்டத்தொடரின் 2வது அமர்வு மார்ச் 10ஆம் தேதி தொடங்கி இன்று நிறைவு பெற்றது. பட்ஜெட் கூட்டத்தொடரின் முதல் அமர்வு ஜனவரி 31ல் தொடங்கி பிப்ரவரி 13ம் தேதி முடிவடைந்தது. மக்களவையில் பிப்ரவரி 1ம் தேதி பட்ஜெட் தாக்கல் செய்யப்பட்டது.
News April 4, 2025
என்னா தத்துவம்!! சூப்பர் செல்வராகவன் சார்
‘காதல் கொண்டேன்’ படத்தின் மூலம் இயக்குநரான செல்வராகவன், தற்போது நடிகராகவும் கலக்கிக் கொண்டிருக்கிறார். இவர் எக்ஸ் தளத்தில் அவ்வப்போது தத்துவங்களை பதிவிட்டு வருவது வழக்கம். அந்தவகையில் “கடவுள் உங்களின் வாழ்க்கையில் இருந்து ஒருவரை நீக்கும்போது அதன் மதிப்பை உடனடியாக அறிந்து கொள்ள முடியாது. ஆனால் பின்னர் கண்ணீருடன் கடவுளுக்கு நன்றி சொல்வீர்கள்.” என தெரிவித்துள்ளார். என்னவா இருக்கும்?
News April 4, 2025
நீட் விவகாரத்தில் உதயநிதி கள்ள மவுனம் : இபிஎஸ்
நீட் தேர்வை வைத்து திமுக அரசியல் செய்வதாக இபிஎஸ் குற்றம் சாட்டியுள்ளார். திமுக ஆட்சிக்கு வந்தபின்பு, 20 பேர் நீட் தேர்வு அச்சத்தால் உயிரிழந்ததற்கு என்ன பதில், நீட் தேர்வு இருக்காது என்று கூறிய உதயநிதி கள்ள மவுனம் சாதிப்பது ஏன் என்று அடுக்கடுக்கான கேள்விகளை எழுப்பிய அவர், நீட் தேர்வை ரத்து செய்வதற்கான ஆக்கப்பூர்வ நடவடிக்கைகளை எடுக்க வேண்டும் எனவும் வலியுறுத்தியுள்ளார்.
News April 4, 2025
எம்புரான் பட தயாரிப்பாளர் ஆபீஸில் ED ரெய்டு
வசூல் வேட்டையாடி வரும் மோகன்லாலின் ‘L2:எம்புரான்’ பட தயாரிப்பாளர் கோகுலம் கோபாலனின் சென்னை அலுவலகத்தில் ED சோதனை நடத்தி வருகிறது. கோகுலம் சிட் பண்ட், அந்நிய செலாவணி மேலாண்மைச் சட்டத்தை மீறியதாக எழுந்த குற்றச்சாட்டுகளை அடுத்து, இந்த ரெய்டு நடக்கிறது. எம்புரான் படத்தில் குஜராத் கலவரம் குறித்த காட்சிகள் இடம்பெற்ற நாடு முழுவதும் சர்ச்சையானது குறிப்பிடத்தக்கது.
News April 4, 2025
Good Bad Ugly டிரெய்லர்.. இன்னைக்கு ரிலீஸ்!
ஆதிக் ரவிச்சந்திரன் இயக்கத்தில் அஜித்குமார், த்ரிஷா உள்ளிட்டோர் நடிக்கும் ‘Good Bad Ugly’ திரைப்படத்தின் ட்ரெய்லர் இன்று வெளியாகும் என படக்குழு அறிவிப்பு. ஜி.வி.பிரகாஷ் இசையில் உருவாகியுள்ள இத்திரைப்படம் வரும் 10ம் தேதி வெளியாகவுள்ளது.
News April 4, 2025
BREAKING: அதிமுக எல்.எல்.ஏக்கள் வெளிநடப்பு
அதிமுக எம்.எல்.ஏக்கள் சட்டப்பேரவையிலிருந்து வெளிநடப்பு செய்தனர். நேரமில்லா நேரத்தில், பத்திரிகையாளர் சவுக்கு சங்கர் வீட்டின் மீது நடத்தப்பட்ட தாக்குதல் தொடர்பாக எதிர்க்கட்சித் தலைவர் இபிஎஸ் பேச, சபாநாயகர் அனுமதி மறுத்ததாகக் கூறி அமளியில் ஈடுபட்ட எம்.எல்.ஏக்கள் தற்போது வெளிநடப்பு செய்தனர்.
News April 4, 2025
பசு சாணம் மூலம் ₹400 கோடி வருமானம்!
உலகளவில் பசு சாணத்திற்கான தேவை திடீரென அதிகரித்துள்ளது. இதனைப் பயன்படுத்தி இந்தியாவில் கடந்த சில ஆண்டுகளில் பசு சாணம் ஏற்றுமதி அதிகரித்துள்ளது. மேற்கு ஆசிய நாடுகளில், பனை மரங்களை வளர்க்க பசுவின் சாணப் பொடியை பயன்படுத்துகின்றனர். சுற்றுச்சூழலுக்கு தீங்கு விளைவிக்காத பல பொருட்களைத் தயாரிக்க பசுவின் சாணம் பயன்படுவதால் இதன்மூலம் ₹400 கோடி வருவாய் ஈட்டப்பட்டுள்ளதாக தகவல் வெளியாகியுள்ளது.
News April 4, 2025
பாலிவுட் நடிகர் மனோஜ் குமார் மறைவுக்கு பிரதமர் இரங்கல்
பிரபல பாலிவுட் நடிகர் மனோஜ் குமார் மறைவுக்கு பிரதமர் மோடி இரங்கல் தெரிவித்துள்ளார். இந்திய சினிமாவின் முக்கிய சின்னமாக இருந்தவர் எனவும் தனது தேசபக்தி ஆர்வத்தினை திரைப்படங்களில் பிரதிபலித்து மக்கள் மனதில் நீங்கா இடம் பிடித்த உன்னத கலைஞர் எனவும் புகழாரம் சூட்டியுள்ளார். மறைந்த நடிகர் மனோஜ் குமார், பாஜகவில் இணைந்து பணியாற்றி வந்தது கவனிக்கத்தக்கது.
Featured News
Sorry, no posts matched your criteria.