India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 5, 2025
சுங்கத்துறை அதிகாரிகள் கூண்டோடு மாற்றம்!
சென்னை ஏர்போர்ட் சுங்கத்துறை அதிகாரிகள் 10 பேர் கூண்டோடு இடமாற்றம் செய்யப்பட்டுள்ளனர். சுங்கத்துறை முதன்மை ஆணையர் சீனிவாச நாயக், கூடுதல் துணை ஆணையர் பெரியண்ணன், துணை ஆணையர்கள் சரவணன், அஸ்வத் பாஜி, பாபுகுமார் ஜேக்கப், உதவி ஆணையர் சுதாகர் உள்ளிட்ட 10 பேர் திடீரென பணியிட மாற்றம் செய்யப்பட்டுள்ளனர். சுங்கத்துறை முதன்மை ஆணையராக தமிழ்வளவன் புதிதாக நியமனம் செய்யப்பட்டுள்ளார்.
News April 5, 2025
எம்புரான் பட இயக்குநர் பிருத்விராஜுக்கு நோட்டீஸ்!
<<15987879>>எம்புரான்<<>> பட இயக்குநர் பிருத்விராஜுக்கு வருமானவரித்துறை நோட்டீஸ் அனுப்பியுள்ளது. கோல்டு, ஜன கண மன, கடுவா போன்ற படங்களுக்கு இணை தயாரிப்பாளராக அவர் இருந்த நிலையில், படங்களின் கணக்கு விவரம் தொடர்பாக நோட்டீஸ் அனுப்பப்பட்டுள்ளதாக தகவல் வெளியாகியுள்ளது. முன்னதாக, எம்புரான் தயாரிப்பாளர் கோகுலம் கோபாலன் ஆபீஸில் நடைபெற்ற ED சோதனையில், கணக்கில் வராத ₹1.5 கோடி பிடிபட்டுள்ளதாக தகவல் வெளிவந்துள்ளது.
News April 5, 2025
வளர்ச்சியில் முந்தும் தமிழகம்: CM ஸ்டாலின் பெருமிதம்!
தேசிய அளவிலான பொருளாதாரத்தில் TN 9.69% வளர்ச்சியை பதிவு செய்திருப்பதாக CM ஸ்டாலின் பெருமிதம் தெரிவித்துள்ளார். தனது x பக்கத்தில் பதிவிட்டுள்ள அவர் பாலின சமத்துவம், அனைத்துப் பகுதிகளுக்கும் சமமான வளர்ச்சியில் கவனம் செலுத்தி இந்த சாதனையை எட்டியிருப்பதாக பாராட்டியுள்ளார். ஒரு டிரில்லியன் அமெரிக்க டாலர் பொருளாதாரம் என்ற இலக்கை நோக்கி தமிழகம் விரைந்து கொண்டிருப்பதாகவும் தெரிவித்துள்ளார்.
News April 5, 2025
தேசப்பற்றுக்கு முன் உயிரும் துட்சமே! சல்யூட் சார்
குஜராத்தில் தொழில்நுட்ப கோளாறு காரணமாக ஜெட் விமானத்தில் ஏற்பட்ட விபத்தில் பைலட் சித்தார்த் யாதவ் (28) உயிரிழந்தார். விமானத்தை ஆளில்லாத இடத்தில் தரையிறக்கியதன் மூலம், மக்களின் உயிருக்கு முன்னுரிமை கொடுத்திருக்கிறார் சித்தார்த். இந்த விபத்தில் சித்தார்த்தின் கோ- பைலட் காயத்துடன் உயிர்தப்பினார். மரணத்திலும் நாட்டுக்கும், சக பைலட்டுக்கும் முன்னுரிமை கொடுத்த இவரே உண்மையான வீரர். சல்யூட் சார்.
News April 5, 2025
பசங்களிடம் ரொம்ப கண்டிப்பா இருக்கீங்களா? ப்ளீஸ் நோட்
பெற்றோர்கள் வளர்க்கும் விதம், குழந்தைகளின் ஆயுட்காலத்தை எப்படி பாதிக்கிறது என ELSA அமைப்பு ஆய்வு செய்தது. அதில், மிகக் கட்டுப்பாட்டுடன் வளரும் ஆண் குழந்தைகள் 80 வயதிற்கு முன் இறப்பதற்கு 12% அதிக வாய்ப்பு இருக்கிறது. அதுவே, பெண் குழந்தைகளுக்கு 22% வாய்ப்பு அதிகமாம். குழந்தைகளுக்கு கவனிப்பும், கண்டிப்பும் தேவைதான். ஆனால், அது வெளியில் சொல்ல முடியாத மன அழுத்தத்தைக் கொடுக்கும் அளவில் இருக்கக் கூடாது.
News April 5, 2025
மோடி சந்திப்பு: ஓபிஎஸ்-க்கு YES.. இபிஎஸ்-க்கு NO?
ADMK – BJP கூட்டணியை உறுதி செய்யும் வகையில் மாநிலத் தலைவர் பதவியில் இருந்து அண்ணாமலை மாற்றம் செய்யப்பட இருக்கிறார். இந்த மாற்றத்திற்கான முக்கிய காரணம் EPS எனச் சொல்லப்படுகிறது. கடந்த 2 நாள்களாக இந்த விவகாரம் அரசியலில் பேசுபொருளாக மாறியுள்ள நிலையில், நாளை தமிழகம் வரும் மோடியை சந்திக்க OPS, TTV-க்கு அனுமதி வழங்கப்பட்டுள்ளது. ஆனால், இபிஎஸ் சந்திப்பு இன்னும் உறுதியாகவில்லை. இது புதிய புதிராக உள்ளது.
News April 5, 2025
முட்டை விலை கடும் சரிவு!
நாமக்கல் மண்டலத்தில் முட்டை கொள்முதல் விலை இரண்டாவது நாளாக 20 காசுகள் குறைந்துள்ளது. இதனால், ₹4.25க்கு விற்பனையாகிறது. சில்லறை விலையில் ₹5 முதல் ₹5.50 வரை விற்பனை செய்யப்படுகிறது. 2 நாள்களில் மட்டும் 40 காசுகள் குறைந்துள்ளது கவனிக்கத்தக்கது. கடந்த சில நாள்களாக பெய்து வரும் மழை, நுகர்வு குறைவு உள்ளிட்ட காரணங்களால் விலை சரிந்துள்ளதாக வியாபாரிகள் தெரிவித்துள்ளனர். உங்கள் ஊரில் முட்டை விலை என்ன?
News April 5, 2025
REST IN PEACE… தனக்குத்தானே இரங்கல் போஸ்டர்
வேலை கிடைக்காத விரக்தியில் தனக்குத் தானே இளைஞர் ஒருவர் இரங்கல் போஸ்டர் அடித்த சம்பவம் அதிர்ச்சியை ஏற்படுத்தியுள்ளது. பெங்களூருவை சேர்ந்த பிரசாந்த் ஹரிதாஸ் என்பவர் LinkedIn செயலில் 3 ஆண்டுகளாக வேலை தேடியுள்ளார். ஆனால், அவரை எந்த நிறுவனமும் பணிக்கு எடுக்கவில்லை. இதனால், விரக்தியடைந்த அவர், அதே செயலியில் தனக்குத்தானே இரங்கல் போஸ்டரை பதிவு செய்துள்ளார்.
News April 5, 2025
கனடாவில் இந்தியர் குத்தி படுகொலை!
கனடாவின் ஒட்டாவாவில் இந்தியர் குத்தி படுகொலை செய்யப்பட்ட சம்பவம் அதிர்ச்சியை ஏற்படுத்தியிருக்கிறது. கொல்லப்பட்ட இந்தியர் யார், எதற்காக படுகொலை செய்யப்பட்டார் என்ற விவரங்கள் வெளியாகவில்லை. சந்தேகத்தின் அடிப்படையில் ஒருவரை கைது செய்து காவல்துறை விசாரிப்பதாக இந்திய தூதரகம் தெரிவித்திருக்கிறது. கொல்லப்பட்ட நபரின் குடும்பத்தினருக்கு தேவையான உதவிகள் வழங்கப்பட்டு வருவதாகவும் கூறப்பட்டுள்ளது.
News April 5, 2025
2 நாளில் தங்கம் விலை ₹2000 குறைவு
கடந்த சில மாதங்களாகவே மக்களை கதிகலங்க வைத்தது ஆபரணத் தங்கத்தின் விலை. இந்நிலையில், 22 கேரட் ஆபரணத் தங்கத்தின் விலை சவரனுக்கு நேற்று ₹1,280, இன்று ₹720 என 2 நாளில் ₹2000 குறைந்துள்ளது. அதேபோல், வெள்ளி விலை நேற்று ₹4, இன்று ₹5 என கிராமுக்கு ₹9, கிலோவுக்கு ₹9,000 குறைந்துள்ளது. வரும் நாட்களில் விலை மேலும் குறையும் என கூறப்படுவதால், பெண்கள், நகைப்பிரியர்கள் மகிழ்ச்சியடைந்துள்ளனர்.
Featured News
Sorry, no posts matched your criteria.