India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 6, 2025
ராமரைப் பெயர் குறித்த சில ஆச்சரியமான உண்மைகள்
இன்று ஸ்ரீராம நவமி கொண்டாடப்படும் நிலையில், ராமரின் பெயர் குறித்த தகவல்களை அறிவோம். ராகு வம்சத்தின் குருவான வசிஷ்டர் ‘ஸ்ரீ ராமர்’ என்ற பெயரை அவருக்கு சூட்டினார். ‘ராம’ என்ற சொல் 2 பீஜாட்சரங்களால் ஆனது. அவை ‘அக்னி பீஜ்’ மற்றும் ‘அமிர்த பீஜ்’. பீஜாட்சரம் என்பது ஒரு மந்திரத்தின் முதல் எழுத்துக்களால் உருவாக்கப்பட்ட ஒரு சக்தி வாய்ந்த ஒலியாகும். விஷ்ணு சஹஸ்ரநாமத்தில் 394 வது பெயர் ஸ்ரீ ராமர்.
News April 6, 2025
நிர்மலாவுடன் சீமான் சந்திப்பா?
மத்திய நிதியமைச்சர் நிர்மலா சீதாராமனை நாதக ஒருங்கிணைப்பாளர் சீமான் சந்தித்துள்ளதாக தகவல் வெளியாகியுள்ளது. சென்னை கிண்டியில் உள்ள நட்சத்திர ஓட்டலில் இந்த சந்திப்பு நிகழ்ந்ததாக கூறப்படுகிறது. மத்திய அமைச்சரான நிர்மலா சீதாராமனை தமிழக அரசியல் கட்சித் தலைவர்கள் அடுத்தடுத்து சந்தித்து வருவது கூட்டணிக்கான அச்சாரமா? அல்லது அரசியல் ரீதியான காரணமா? என கேள்விகள் எழுந்திருக்கின்றன.
News April 6, 2025
வெள்ளி விலை 3 நாள்களில் 9% சரிவு.. மேலும் குறையுமா?
வெள்ளி விலை கடந்த 3 நாள்களில் மட்டும் கிலோவுக்கு ₹11,000 குறைந்துள்ளது. இது கடந்த வாரத்துடன் ஒப்பிடுகையில் 9% குறைவாகும். இன்று விடுமுறை என்பதால் விலையில் மாற்றமின்றி 1 கிராம் ₹103க்கும், கிலோ ₹1,03,000க்கும் விற்பனையாகிறது. உலக சந்தையில் ஏற்பட்டுள்ள மாற்றம், மெக்சிகோ, சீனா, ஆஸ்திரேலியா நாடுகளில் வெள்ளி உற்பத்தி அதிகரிப்பு உள்ளிட்ட காரணங்களால் வரும் நாள்களில் மேலும் குறையும் என கூறப்படுகிறது.
News April 6, 2025
பான் கார்ட் வெச்சிருக்கீங்களா.. இத கண்டிப்பா செஞ்சிடுங்க!
டிச.31, 2025-க்குள், ஆதார் பதிவு ஐடியை வைத்து பான் கார்ட் பெற்றவர்கள், <<16008297>>ஆதார் எண்ணை பான் கார்டுடன்<<>> இணைக்க வேண்டும் என வருமான வரித்துறை அறிவுறுத்தியுள்ளது. ஆதார் பதிவு ஐடி என்பது ஆதார் அட்டை பெறுவதற்காகப் பதிவு செய்தபோது வழங்கப்பட்ட ஒரு தனித்துவமான எண் ஆகும். இணைக்க தவறுபவர்களுக்கு, வரி தாக்கலிலும், பான் தொடர்புடைய பரிவர்த்தனைகளில் சிக்கல் ஏற்படும் எனவும் கூறப்பட்டுள்ளது.
News April 6, 2025
பான் கார்டுடன் ஆதாரை இணைப்பது எப்படி?
● Income Tax e-filing போர்ட்டலில் லாக்-இன் பண்ணுங்க ● முகப்புப் பக்கத்தில், ‘Link aadhaar’ஐ கிளிக் செய்யவும் ●பான், ஆதார் எண்ணை பதிவிட்டு, ‘Validate’ஐ கிளிக் பண்ணவும். ஏற்கனவே லிங்க் செய்யப்பட்டு விட்டால், அப்போதே மெசெஜ் வரும் ●ஆதார் கார்டில் இருப்பது போலவே சரியாக, பெயர் மற்றும் இணைக்கப்பட்ட மொபைல் நம்பரை பதிவிட்டு, லிங்க் ஆதார் என்பதை கிளிக் செய்யவும் ●OTPயை பதிவிட்டால் முடிந்து விடும்.
News April 6, 2025
இதுக்கு ஒரு ‘எண்டே’ இல்லையா?
அமெரிக்க அதிபர் டிரம்ப்பின் வரி விதிப்புக்கு அளவே இல்லையா? என நெட்டிசன்கள் கலாய்க்கும் அளவுக்கு ஒரு சம்பவம் நடந்திருக்கிறது. உலக நாடுகளுக்கு பரஸ்பர வரி விதித்த டிரம்ப், மனிதர்களே வசிக்காத தீவையும் விட்டு வைக்கவில்லை. அண்டார்டிகா அருகே பென்குயின்கள் மட்டுமே வாழும் 2 தீவுகளுக்கும் 10% வரி விதித்துள்ளார். பென்குயின்களிடம் இருந்தும் வரி வாங்காமல் விடமாட்டார் என மீம்கள் வைரலாகின்றன.
News April 6, 2025
நிர்மலாவை மீண்டும் சந்தித்த செங்கோட்டையன்!
மத்திய அமைச்சர் நிர்மலாவை, ADMK தலைவர்கள் தொடர்ந்து சந்தித்து வருகின்றனர். டெல்லியில் அதிமுக MP தம்பிதுரையும், முன்னாள் MP கே.சி.பழனிசாமியும் அவரை சந்தித்து பேசியிருந்தனர். முன்னாள் அமைச்சர் செங்கோட்டையனும், அவரை டெல்லியில் சந்தித்த நிலையில், மீண்டும் சென்னையில் சந்திப்பு நிகழ்ந்துள்ளது. இபிஎஸ் – செங்கோட்டையன் இடையே பிளவு ஏற்பட்டுள்ள சூழலில் இந்த சந்திப்பு பல்வேறு யூகங்களை எழுப்பியுள்ளது.
News April 6, 2025
13 ஆண்டுகளில் முதல் முறை.. தடுமாறும் CSK!
5 முறை சாம்பியனான CSKவின் கோட்டையை, மற்ற அணிகள் அசைத்து பார்க்கின்றன. சென்னை சேப்பாக்கம் மைதானத்தில், தொடர்ச்சியாக 2 முறை ஒரு மேட்ச்சை CSK தோற்பது, 13 ஆண்டுகளுக்கு பிறகு, இதுவே முதல் முறை. 2012ல் ஏப்ரல் 28-ம் தேதி, PBKS அணிக்கு எதிராகவும், ஏப்ரல் 30-ம் தேதி, KKR அணிக்கு எதிராகவும் தொடர்ந்து தோல்வியை சந்தித்தது CSK. இதில், சுவாரசியமான விஷயம், அந்த சீசனில் CSK ஃபைனல் வரை சென்று தோற்றது.
News April 6, 2025
நடிகர் ‘சஹானா’ ஸ்ரீதர் மறைவு: திரைப்பிரபலங்கள் அஞ்சலி
நேற்று மாலை மாரடைப்பால் உயிரிழந்த நடிகர் ஸ்ரீதர் உடல் சென்னை தி.நகரில் உள்ள அவரது இல்லத்தில் அஞ்சலிக்காக வைக்கப்பட்டுள்ளது. இயக்குநர் சிகரம் பாலச்சந்தர் இயக்கிய ‘சஹானா’ சீரியல் மூலம் அறிமுகமான இவர் ஏராளமான சீரியல்களில் வில்லன், அப்பா, குணச்சித்திர வேடங்களில் நடித்து ரசிகர்கள் மனதில் நீங்கா இடம் பிடித்தவர். ‘வள்ளியின் வேலன்’ சீரியல் படக்குழு, நடிகர், நடிகைகள் கண்ணீர் மல்க அஞ்சலி செலுத்தினர்.
News April 6, 2025
போதையில் இருக்கிறாரா? இனி தினமும் செக் பண்ணுவாங்க
சில ஓட்டுநர், நடத்துநர்கள் மதுபோதையில் பேருந்துகளை இயக்குவதாக புகார் எழுந்துள்ளது. இது பயணிகளின் பாதுகாப்பு பிரச்னை என்பதால், மாநிலம் முழுவதும் உள்ள அரசு போக்குவரத்து கழகங்களுக்கு ஆல்கஹால் அளவை மதிப்பிடும் கருவிகள் வழங்கப்பட்டு உள்ளன. இக்கருவியை பயன்படுத்தி, தினமும் பணிக்கு வரும் ஓட்டுநர், நடத்துநர்களிடம் சோதனை செய்யவும், மதுபோதையில் இருந்தால் உடனே நடவடிக்கை எடுக்கவும் உத்தரவிடப்பட்டுள்ளது.
Featured News
Sorry, no posts matched your criteria.