India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 6, 2025
அதிமுகவை பிளவுபடுத்த முயற்சி: செல்லூர் ராஜூ
நிர்மலா சீதாராமனை 2வது முறையாக செங்கோட்டையன் சந்தித்த நிலையில், பல்வேறு கருத்துகள் உலா வர தொடங்கியுள்ளன. இந்நிலையில், இருவரின் சந்திப்பை பெரிதாக்கி, அதிமுகவை பிளவுபடுத்த சிலர் முயற்சி செய்வதாக செல்லூர் ராஜூ தெரிவித்துள்ளார். அரசியல் காரணங்களுக்காக சந்திப்பு நடந்ததாக இருவரும் சொல்லவில்லை. ஆனால், சிலருக்கு அதை பற்றி பேசவில்லை என்றால் தூக்கம் வரவில்லை என சாடினார்.
News April 6, 2025
ஜியோ பயனர்களுக்கு சலுகை நீட்டிப்பு
IPL-லின் போது JIO தனது ப்ரீபெய்டு பயனர்களுக்கு JioHotstar-ஐ இலவசமாக வழங்குகிறது. முன்னர் பல ரீசார்ஜ்களுக்கு அறிவிக்கப்பட்ட இந்த சலுகை, ஏப்.15 வரை நீட்டிக்கப்பட்டுள்ளது. இதற்கிடையில், நீங்கள் ₹100/₹195/₹949 ரீசார்ஜ் செய்தால், சுமார் 90 நாள்களுக்கு இந்த செயலியை இலவசமாகப் பார்க்கலாம். ₹100க்கு ரீசார்ஜ் செய்தால் 5GB Data, ₹195க்கு 15GB Data, ₹949க்கு 84 நாட்களுக்கு 2GB Data& அழைப்புகளை பெறலாம்.
News April 6, 2025
பிரதமர் திறந்துவைத்த தூக்கு பாலத்தில் பழுது
பாம்பனில் பிரதமர் மோடி இன்று திறந்துவைத்த நாட்டின் முதல் செங்குத்து தூக்கு பாலத்தில் பழுது ஏற்பட்டுள்ளது. தூக்கு பாலம் ஒருபுறம் ஏற்றமாகவும், மறுபுறம் இறக்கமாகவும் இருப்பதால், அதனை கீழே இறக்க முடியாத நிலை ஏற்பட்டுள்ளது. பழுதை சரிசெய்யும் பணியில் அதிகாரிகள் ஈடுபட்டு வருகின்றனர். பாம்பனில் பழைய தூக்கு பாலத்திற்கு மாற்றாக ரூ.545 கோடியில் புதிய பாலம் கட்டி திறக்கப்பட்டுள்ளது.
News April 6, 2025
மோடி பங்கேற்கும் விழாவில் CM பங்கேற்கவில்லை..
நீலகிரி விழாவில் பங்கேற்பதால், ராமேஸ்வரத்தில் மோடி பங்கேற்கும் விழாவில் என்னால் பங்கேற்க முடியவில்லை என்று முதல்வர் ஸ்டாலின் விளக்கமளித்துள்ளார். மோடியை சந்திக்க நேரம் கேட்டுள்ளேன். இந்த சந்திப்பு நடந்தால், தொகுதி மறுசீரமைப்பால் தென் மாநிலங்களின் பிரதிநிதித்துவம் குறையாது என்பதை உறுதி செய்ய, சட்டத் திருத்தத்தை நாடாளுமன்றத்தில் நிறைவேற்ற மோடியிடம் வலியுறுத்தப்படும் எனத் தெரிவித்தார்.
News April 6, 2025
பட்டு வேட்டியில் பிரதமர் மோடி!
தமிழகத்திற்கு வந்த பிரதமர் மோடி, நமது மண்ணின் கலாசாரத்தின்படி பட்டு வேட்டி அணிந்து ராமநாதசுவாமியை தரிசிக்க சென்றார். முன்னதாக மண்டபம் பகுதியில் இருந்து பாம்பன் பாலத்தை திறந்து வைத்த அவர், அதன் பின் ராமநாதசுவாமியை தரிசிக்க ராமேஸ்வரம் சென்றார். கடந்த ஆண்டு அயோத்தி ராமர் சிலை பிரதிஷ்டைக்காக ராமேஸ்வரம் வந்தபோதும் அவர் பட்டு வேட்டி அணிந்து சென்று தரிசனம் செய்தார் என்பது குறிப்பிடத்தக்கது.
News April 6, 2025
போலி டாக்டரின் சிகிச்சை… 7 பேர் உயிரிழப்பு!
ம.பி.யில் ஒரு கிறிஸ்டியன் மிஷனரி ஹாஸ்பிடலில் பிரபல பிரிட்டிஷ் இருதய டாக்டர் வேலையில் சேருகிறார். அவரிடம் சிகிச்சை பெற்ற 7 பேர் ஒரே மாதத்தில் இறக்கின்றனர். இதனால், சந்தேகம் வர, டாக்டரின் பின்னணி விசாரிக்கப்பட்டதில், அதிர்ச்சித் தகவல் வெளியானது. நரேந்திர விக்ரமாதித்ய யாதவ் என்பவர்தான் ஜான் கெம் என்பவரின் அடையாளத்தை திருடி, ஆள்மாறாட்டம் செய்து வேலையில் சேர்ந்துள்ளார். அடப்பாவிங்களா!
News April 6, 2025
வங்கக்கடலில் காற்றழுத்த தாழ்வுப்பகுதி உருவாகிறது
வங்கக்கடலில் அடுத்த 48 மணிநேரத்திற்குள் குறைந்த காற்றழுத்த தாழ்வுப் பகுதி உருவாக வாய்ப்புள்ளதாக வானிலை ஆய்வு மையம் (MET) தெரிவித்துள்ளது. தென்கிழக்கு வங்கக்கடல் பகுதியில் நிலவும் வளிமண்டல மேலடுக்கு சுழற்சி காரணமாகக் காற்றழுத்த தாழ்வுப் பகுதி உருவாகும் எனவும் நீலகிரி, கோவை, ஈரோடு, சேலம், தேனி, திண்டுக்கல் ஆகிய 6 மாவட்டங்களில் இன்று (ஏப்.6) கனமழைக்கு வாய்ப்புள்ளதாகவும் கணித்துள்ளது.
News April 6, 2025
இலங்கையில் PM சென்ற கோவிலின் ஆன்மீக Connection?
பிரதமர் மோடி சென்ற இலங்கையின் அனுராதபுராவிலுள்ள ஜெயா ஸ்ரீ மகாபோதி கோவில், இந்தியா – இலங்கைக்கு இடையே மகத்தான ஆன்மீக முக்கியத்துவம் கொண்ட தளமாகும். இந்த கோவிலில், அசோக சக்கரவர்த்தியின் மகள் தெரி சங்கமித்தாவால் வளர்க்கப்பட்டதாக நம்பப்படும் போதி மரம் ஒன்று உள்ளது. மேலும், கோவிலுக்கு வருகை புரிந்த மோடியின் கையில், பிரதான அர்ச்சகர் ஒரு கயிறைக் கட்டி ஆசி வழங்கினார்.
News April 6, 2025
பிரபல பாலிவுட் நடிகை ஜாக்குலின் தாயார் காலமானார்!
பிரபல பாலிவுட் நடிகை ஜாக்குலின் ஃபெர்னான்டஸின் தாயார் கிம் ஃபெர்னாண்டஸ் ஹீட் ஸ்ட்ரோக் காரணமாக இன்று காலமானார். கடந்த சில வாரமாகவே ICUவில் அனுமதிக்கப்பட்டிருந்த அவர் சிகிச்சை பலனின்றி மரணமடைந்துள்ளார். 2022ல், இவருக்கு ஸ்ட்ரோக் ஏற்பட்டு சிகிச்சை பெற்றதாகவும் கூறப்படுகிறது. இந்த துக்க செய்தியை அறிந்த திரையுலகினரும், ரசிகர்களும் தங்களது இரங்கலை தெரிவித்து வருகின்றனர். RIP.
News April 6, 2025
மத்திய அமைச்சரை சந்தித்தேனா? சீமான் மறுப்பு!
சென்னையில் மத்திய அமைச்சர் நிர்மலா சீதாராமனை, நாதக ஒருங்கிணைப்பாளர் சீமான் சந்தித்ததாக வெளியான தகவலை அவர் மறுத்துள்ளார். தனியார் டிவிக்கு அளித்த பேட்டியில், அந்த தகவலில் உண்மை இல்லை என அவர் உறுதிபடக் கூறியிருக்கிறார். கிண்டியில் உள்ள நட்சத்திர ஓட்டலில் தங்கியிருந்த மத்திய அமைச்சரை சீமானும், செங்கோட்டையனும் சந்தித்ததாக காலையில் தகவல் பரவியது குறிப்பிடத்தக்கது.
Featured News
Sorry, no posts matched your criteria.