News August 8, 2024
புத்ததேவ் பட்டாச்சார்யா காலமானார்
மேற்கு வங்க முன்னாள் முதல்வரும், மார்க்சிஸ்ட் கம்யூனிஸ்ட் கட்சியின் மூத்த தலைவருமான புத்ததேவ் பட்டாச்சார்யா (80) உடல்நலக்குறைவால் காலமானார். கடந்த 2000 முதல் 2011ஆம் ஆண்டுவரை முதல்வராக இருந்த அவர், முதுமை, உடல்நலக் கோளாறு காரணமாக தீவிர அரசியலில் ஈடுபட முடியாமல் இருந்து வந்தார். நாள்பட்ட நுரையீரல் தொற்றால் வீட்டிலேயே ஓய்வில் இருந்த நிலையில், இன்று அவரது உயிர் பிரிந்தது.
Similar News
News March 17, 2026
அதிக வெற்றியை தந்தால் அமைச்சர் பதவி: ஸ்டாலின்
திமுக 2.0 ஆட்சியில் சீனியாரிட்டி என்பதெல்லாம் இரண்டாம்பட்சம் தான் என சீனியர்களுக்கு, ஸ்டாலின் ஷாக் கொடுத்துள்ளார். நேற்று நடைபெற்ற மாவட்டச் செயலாளர் கூட்டத்தில் உழைப்பவர்களுக்கு பரிசு நிச்சயம் எனக் கூறிய அவர், அதிக வெற்றியை தேடித்தரும் மாவட்ட செயலாளர்களுக்கே அமைச்சர் பதவி எனவும் கூறியுள்ளார். அதேபோல், மண்டல பொறுப்பாளர்கள் தங்கள் வசமுள்ள தொகுதிகளில் கூடுதல் கவனம் செலுத்தவும் அறிவுறுத்தியுள்ளார்.
News March 17, 2026
கட்சியில் இருந்து அதிரடி நீக்கம்
CPI-யின் மதூர் சத்யா மீதான பாலியல் புகார் தொடர்பாக கட்சி தலைமை அலுவலகத்தில் மூத்த தலைவர்கள் ஆலோசனை செய்தனர். இதன்பின், மதூர் சத்யாவை கட்சியிலிருந்து நீக்கி அதிரடியாக உத்தரவிட்டுள்ளனர். AIYF, ISCUF அமைப்புகளில் மதூர் சத்யா வகித்து வந்த அனைத்து பொறுப்புகள் மற்றும் அடிப்படை உறுப்பினரில் இருந்தும் நீக்கம் செய்யப்பட்டுள்ளார். தேர்தல் நேரத்தில் இந்த பாலியல் விவகாரம் பேசுபொருளாக மாறியுள்ளது.
News March 17, 2026
ஆன்லைனில் வேட்புமனு தாக்கல் செய்ய App அறிமுகம்
SUVIDHA 2.0 என்ற புதிய செயலியை ECI அறிமுகம் செய்துள்ளது. இந்த செயலியின் மூலம் வேட்பாளர்கள், தங்கள் வேட்புமனுவை ஆன்லைனிலேயே தாக்கல் செய்யலாம் என தெரிவிக்கப்பட்டுள்ளது. இதன் செயல்பாடுகள் பற்றி ECI விரிவாக விரைவில் தெளிவுபடுத்தும் என தகவல்கள் கூறுகின்றன. இருப்பினும், மக்களைக் கவரும் நோக்கில் நேரடியாகச் சென்று வேட்புமனு தாக்கல் செய்வதையே வேட்பாளர்கள் விரும்புவர் என்றும் கூறப்படுகிறது.