News April 11, 2024
BREAKING: இன்று முதல் 16ஆம் தேதி வரை மழை
தமிழகத்தில் கடந்த 20 நாளுக்கு மேலாக வெயில் கொளுத்தி எடுக்கும் நிலையில், இன்று முதல் 16ஆம் தேதி வரை மழை பெய்யும் என்று வானிலை மையம் தெரிவித்துள்ளது. இன்று தென் மற்றும் வட தமிழகத்திலும், நாளை தென் தமிழகத்திலும் மிதமான மழை பெய்யும். ஏப்.13ஆம் தேதி தென், வட தமிழகத்தில் லேசான மழையும், 14 -16ஆம் தேதி வரை மிதமான மழையும் பெய்யும். இதனால், வெப்பம் சற்று தணிந்து, குளிர்ந்த காற்று வீச வாய்ப்புள்ளது.
Similar News
News February 12, 2026
₹300-க்கு வாங்கி ₹634 கோடிக்கு விற்பனை!
மலேசியாவைச் சேர்ந்த ஒருவர் இணைய வரலாற்றில் டிஜிட்டல் சொத்து ஒன்றை மிகப்பெரிய தொகைக்கு விற்பனை செய்துள்ளார். தொழில்முனைவோரான அர்சியன் இஸ்மாயில் கடந்த 1993-ல் ₹300-க்கு வாங்கிய ‘ai.com’ டொமைனை தற்போது ஒரு கிரிப்டோ நிறுவனத்திடம் ₹634 கோடிக்கு விற்றுள்ளார். தனது பெயரில் உள்ள எழுத்துகளை உடைய இந்த டொமைனை வாங்கியிருந்தார். தற்போது AI மீதான மோகம் அதிகரித்துள்ளதால் இந்த டொமைன் பெரும் லாபத்தை தந்துள்ளது.
News February 12, 2026
புதிய DGP யார்? தமிழக அரசுக்கு கோர்ட் ஒருவாரம் கெடு
DGP நியமனம் தொடர்பாக TN அரசுக்கு எதிராக SC-ல் நீதிமன்ற அவமதிப்பு வழக்கு தொடரப்பட்டிருந்தது. இந்த வழக்கின் விசாரணையில் DGP தேர்வு விவகாரத்தில் UPSC-ல் குழப்பம் உள்ளதாக TN அரசு வாதிட்டது. பின்னர் DGP-க்கான தேர்வுக்குழுவில் TN-ஐ சேர்ந்த 2 அதிகாரிகள் இடம்பெற வேண்டும் என தெரிவித்த கோர்ட், புதிய DGP நியமனம் தொடர்பாக ஒருவாரத்தில் பெயர் பட்டியலை பரிந்துரைக்க வேண்டும் என TN அரசுக்கு உத்தரவிட்டுள்ளது.
News February 12, 2026
எகிப்து பிரமிட்டில் தமிழர் பெயர்: தங்கம் தென்னரசு
எகிப்து பிரமிடுகளில் ’தமிழ்-பிராமி’ எழுத்துக்கள் பொறிக்கப்பட்ட 2,000 ஆண்டுகள் பழமையான கல்வெட்டுகள் கண்டறியப்பட்டுள்ளது குறித்து தங்கம் தென்னரசு பெருமிதம் தெரிவித்துள்ளார். ‘சிகை கொற்றன்’ என்ற பெயர் 5 பிரமிடுகளில் 8 இடங்களில் கண்டறியப்பட்டுள்ளது. கடல் கடந்து உலக நாகரிகங்களில் தடம் பதித்த பெருமைமிகு இனம் தமிழினம் என்பதை மீண்டும் உலகுக்கு உரக்க சொல்வதுபோல் இது அமைந்துள்ளதாக தெரிவித்துள்ளார்.