India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 8, 2024
உடலை காக்கும் அருமருந்து நகைச்சுவை
ஒரு நல்ல நகைச்சுவை உணர்வு கடினமான சூழ்நிலைகளைக் கடக்க பேருதவியாக இருக்கும். இறுக்கமாய் இருப்பதால் நாம் எதையும் சாதிக்கப் போவதில்லை. மன இறுக்கத்தையும் மன அழுத்தத்தையும் வளர்த்துக் கொள்வதைத் தவிர! வெற்றியாளர்களும், வரலாற்று புருஷர்களும் நகைச்சுவை உணர்வு நிறைந்தவர்களாகவே இருந்திருக்கிறார்கள். நகைச்சுவை உணர்வு, வாழ்வின் பூட்டப்பட்ட பல கதவுகளைத் திறந்துவிடும். நகைச்சுவை வாழ்வின் தேவையான சுவை.
News April 8, 2024
பிறந்தநாள் வாழ்த்து போட்டோ அனுப்புங்க
இன்று (ஏப்ரல் 08) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
News April 8, 2024
இன்றைய தலைப்புச் செய்திகள்
➤ ம.பி-யில் பிரதமர் பங்கேற்ற ஊர்வலத்தில் விபத்து
➤ நயினார் நாகேந்திரனை தகுதிநீக்கம் செய்ய வேண்டும் – செல்வப்பெருந்தகை
➤ திருச்சியில் பாஜக தேசிய தலைவர் ஜே.பி.நட்டா வாக்கு சேகரிப்பு
➤ தீபாவளிக்கு வெளியாகிறது வேட்டையன்
➤ டெல்லிக்கு எதிரானப் போட்டியில் மும்பை அணி வெற்றி
➤ டி20 கிரிக்கெட்டில் அதிக வெற்றிகளை பெற்ற அணி என்ற பெருமையை பெற்ற மும்பை அணி
News April 8, 2024
ஊழியர்களுக்கு அதிர்ச்சி தந்த காக்னிசன்ட்
ஊழியர்களுக்கான வருடாந்திர சம்பள உயர்வை ஆகஸ்ட் மாதம் வரை ஒத்திவைக்க காக்னிசன்ட் நிறுவனம் முடிவெடுத்துள்ளதாக தகவல் வெளியாகியுள்ளது. இதனால் ஊழியர்கள் அதிர்ச்சி அடைந்துள்ளனர். தகவல் தொழில்நுட்பத் துறையில் நிலவி வரும் மந்த நிலை காரணமாக இந்த முடிவு எடுக்கப்பட்டுள்ளதாக தெரிகிறது. இது மற்ற நிறுவனங்களிலும் எதிரொலிக்கும் என அஞ்சப்படுகிறது. கடந்த காலாண்டில் இந்நிறுவனத்தின் வருவாய் 1.7% சரிந்திருந்தது.
News April 8, 2024
தீப்பெட்டி தராததால் இளைஞர் குத்திக் கொலை
டெல்லியின் திமர்பூர் பகுதியில் சிகரெட் பற்றவைக்க தீப்பெட்டியை தர மறுத்த இளைஞரை, 2 சிறுவர்கள் கத்தியால் குத்தி கொலை செய்த கொடூரம் அரங்கேறியுள்ளது. ஆட்டோவில் ரத்த வெள்ளத்தில் கிடந்த இளைஞரை மீட்ட போலீசார், அவரை மருத்துவமனைக்கு அழைத்துச் சென்றனர். ஆனால் அவர் வழியிலேயே உயிரிழந்தார். சிறுவர்கள் இருவரையும் கைது செய்த போலீசார் கொலை சம்பவம் குறித்து தீவிரமாக விசாரணை மேற்கொண்டு வருகின்றனர்.
News April 8, 2024
ரூ.2.3 லட்சம் கோடி முதலீடு செய்யும் அதானி
2030ஆம் ஆண்டுக்குள் புதுப்பிக்கக்கூடிய ஆற்றலான சோலார் மற்றும் காற்றாலை மின் உற்பத்தியில் ரூ.2.3 லட்சம் கோடி முதலீடு செய்ய அதானி குழுமம் முடிவெடுத்துள்ளது. இந்தியாவின் மிகப்பெரிய புதுப்பிக்கத்தக்க எரிசக்தி நிறுவனமான அதானி கிரீன் எனர்ஜி லிமிடெட் நிறுவனம், தற்போது 10.93 ஜிகாவாட் மின் உற்பத்தி செய்து வருகிறது. இதை 2030ஆம் ஆண்டுக்குள் 45 ஜிகாவாட்டாக அதிகரிக்க அந்நிறுவனம் திட்டமிட்டுள்ளது.
News April 7, 2024
வாய்ப்புண் விரைவில் குணமாக இதை பண்ணுங்க!
ஜீரணக் கோளாறு, உடல் சூடு, மன அழுத்தம், ஒவ்வாமை போன்ற பல்வேறு காரணங்களால் வாய்ப்புண் வரலாம். வாய்ப்புண்ணால் அவதிப்படுவோர் மணத்தக்காளி இலையினை வாயில் போட்டு மென்று சிறிது நேரம் வாயில் வைத்திருந்து விழுங்கலாம். பாலில் சிறிது தேன் கலந்து அருந்த, வாய் மற்றும் வயிற்றுப்புண் குணமாகும். பொதுவாக, துவர்ப்புத்தன்மை கொண்ட வாழைப்பூ வாய்ப்புண்ணுக்கு நல்லது. இதனை வேகவைத்து சூப் செய்து குடிக்கலாம்.
News April 7, 2024
ரீல்ஸ் எடுப்பதை தடுத்ததால் காவலர்கள் மீது தாக்குதல்
மத்திய பிரதேசத்தின் பிரசித்தி பெற்ற மகாகாலேஸ்வரர் கோவிலில், தடை செய்யப்பட்ட பகுதியில் நின்று 2 பெண்கள் ரீல்ஸ் எடுக்க முயன்றுள்ளனர். இதை அங்கு பணியில் ஈடுபட்டிருந்த பெண் காவலர்கள் தடுத்ததாக கூறப்படுகிறது. இதனால் ஆத்திரமடைந்த அந்த பெண்கள், காவலர்களை கடுமையாக தாக்கியுள்ளனர். இந்த சம்பவத்தில் 3 பெண் காவலர்கள் காயமடைந்த நிலையில், அந்த பெண்கள் மீது 3 பிரிவுகளில் வழக்குப்பதிவு செய்யப்பட்டுள்ளது.
News April 7, 2024
ஐபிஎல் : லக்னோ அணி வெற்றி
குஜராத்துக்கு எதிரான ஆட்டத்தில் லக்னோ அணி 33 ரன்கள் வித்தியாசத்தில் வென்றது. முதலில் பேட்டிங் செய்த லக்னோ, 20 ஓவர்களில் 5 விக்கெட்டுகளை இழந்து 163 ரன்களை குவித்தது. அதிகபட்சமாக ஸ்டோய்னிஸ் 58 ரன்கள் எடுத்தார். 164 ரன்களை இலக்காக கொண்டு களமிறங்கிய குஜராத் அணி 18.5 ஓவரில் அனைத்து விக்கெட்டுகளையும் இழந்து 130 ரன்கள் மட்டுமே எடுத்தது. அந்த அணியின் சாய் சுதர்சன் அதிகபட்சமாக 31 ரன்கள் எடுத்தார்.
News April 7, 2024
நீட் ரகசியத்தை உதயநிதி எப்போது வெளியிடுவார்?
நீட் தேர்வு ரத்து ரகசியத்தை உதயநிதி எப்போது வெளியிடுவார்? என அதிமுக பொதுச்செயலாளர் இபிஎஸ் கேள்வி எழுப்பியுள்ளார். திருவள்ளூரில் நடைபெற்ற தேர்தல் பிரசார பொதுக்கூட்டத்தில் பேசிய அவர், ‘திமுக ஆட்சிக்கு வந்து 3 ஆண்டுகள் ஆன நிலையில், நீட் தேர்வு குறித்த ரகசியத்தை அமைச்சர் உதயநிதி இதுவரை வெளியிடவில்லை. திமுக அளித்த வாக்குறுதிகளில் 90% நிறைவேற்றப்பட்டதாக ஸ்டாலின் பச்சையாக பொய்ச் சொல்கிறார்’ என்றார்.
Featured News
Sorry, no posts matched your criteria.