India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 18, 2024
ரெடியா இருங்க: ஓபிஎஸ்
உத்தேச வேட்பாளர்கள் வேட்புமனுவை தயாராக வைத்திருக்க வேண்டும் என்று ஓபிஎஸ் அறிவித்துள்ளார். பாஜக கூட்டணியில் 5 இடங்கள் வரை ஓபிஎஸ் தரப்பு கேட்டுள்ளது. நாளை பிரதர் மோடி உடனான சந்திப்புக்கு பின், போட்டியிடும் இடங்கள் இறுதியாகும் என்பதால், ஓபிஎஸ் இந்த அறிவிப்பை வெளியிட்டுள்ளார். இரட்டை இலை கிடைக்காத பட்சத்தில் எந்த சின்னத்தில் போட்டியிடுவது என்பது குறித்து அவரது தரப்பு ஆலோசனை நடத்தி வருகிறது.
News March 18, 2024
சற்றுமுன்: கூட்டணியில் குழப்பம்
அதிமுக – பாமக இடையிலான கூட்டணி நாளை மறுநாள் இறுதியாக வாய்ப்புள்ளதாக சற்றுமுன் தகவல் வெளியானது. இந்நிலையில், திடீர் திருப்பமாக பாமக பாஜக உடன் கூட்டணி அமைக்கவுள்ளதாக புதிய தகவல் வெளியாகியுள்ளது. கூட்டணி அமைப்பதில் பாமகவின் நிலைப்பாடு நொடிக்கு நொடி மாறுவதால் அக்கட்சியின் தொண்டர்கள் குழப்பமடைந்துள்ளனர். கூட்டணி குறித்து முடிவு எடுக்க இன்று மாலை பாமக மாவட்ட செயலாளர்கள் கூட்டம் நடைபெறவுள்ளது.
News March 18, 2024
3 இலக்க OTP-யா? ரசிகர்கள் குழப்பம்
CSK – RCB இடையேயான ஐபிஎல் போட்டிக்கான டிக்கெட் விற்பனையின் போது, 3 இலக்க OTP வந்ததால் ரசிகர்கள் அதிர்ச்சி அடைந்துள்ளனர். இன்று காலை 9.10 மணிக்கு டிக்கெட் விற்பனை தொடங்கிய போது, ரசிகர்கள் அனைவரும் ஒரே நேரத்தில் குவிந்ததால் இணையதளங்கள் முடங்கின. சிறிது நேரம் கழித்து டிக்கெட் விற்பனை தொடங்கிய நிலையில், CSK இணையத்தளத்தில் 4 இலக்க OTP-க்கு பதிலாக 3 இலக்க OTP வந்ததால் ரசிகர்கள் அதிர்ச்சி அடைந்தனர்.
News March 18, 2024
மக்களவைத் தேர்தலில் தமிழிசை போட்டி?
தெலங்கானா, புதுச்சேரி ஆளுநர் பதவியை ராஜினாமா செய்துள்ள தமிழிசை செளந்தரராஜன் மக்களவைத் தேர்தலில் போட்டியிட உள்ளதாக கூறப்படுகிறது. 2019 செப்.8ல் தெலங்கானா ஆளுநராக பொறுப்பேற்ற அவர், 2021 பிப்.18 முதல் புதுச்சேரி துணை நிலை ஆளுநர் பொறுப்பையும் கூடுதலாக கவனித்து வந்தார். மக்களவைத் தேர்தலில் போட்டியிட கட்சி வாய்ப்பளித்தால் போட்டியிடுவேன் என விருப்பம் தெரிவித்திருந்த அவர், இன்று ராஜினாமா செய்துள்ளார்.
News March 18, 2024
நீலகிரியில் எல்.முருகன் போட்டி?
பாஜக தலைமை ஆணையிட்டால் மக்களவைத் தேர்தலில் நீலகிரி தொகுதியில் போட்டியிடுவேன் என மத்திய இணையமைச்சர் எல்.முருகன் கூறியுள்ளார். பிரதமரின் தமிழக வருகை பாஜகவிற்கு மிகப்பெரிய ஊக்கத்தை தந்திருப்பதாக அவர் தெரிவித்தார். நீலகிரி தொகுதியில் திமுக சார்பில் ஆ.ராசா களமிறக்கப்பட்டால், அவருக்கு போட்டியாக எல்.முருகனை களமிறக்க பாஜக திட்டமிட்டுள்ளதாக தகவல்கள் கூறுகின்றன.
News March 18, 2024
ஐசியுவில் பிரபல தமிழ் நடிகை
பிரபல தமிழ் நடிகை அருந்ததி நாயர் இன்று சாலை விபத்தில் சிக்கியுள்ளார். கேரளாவில் இரு சக்கர வாகனத்தில் சென்ற அவர் மீது கார் மோதியுள்ளது. இதையடுத்து திருவனந்தபுரத்தில் உள்ள மருத்துவமனையில் அவர், ஐசியுவில் சிகிச்சை பெறுவதாக கூறப்படுகிறது. இவர் பொங்கியெழு மனோகரா, பிஸ்தா, சைத்தான் உள்ளிட்ட பல தமிழ் படங்களில் நாயகியாக நடித்துள்ளார். இவரது உடல்நலம் குறித்த அறிக்கை விரைவில் வெளியாகும் எனத் தெரிகிறது.
News March 18, 2024
BREAKING: ஆளுநருக்கு எதிராக தமிழக அரசு மனு
பொன்முடிக்கு ஆளுநர் பதவிப் பிரமாணம் செய்து வைக்காத நிலையில், அவருக்கு எதிராக தமிழக அரசு உச்சநீதிமன்றத்தில் வழக்கு தொடர்ந்துள்ளது. பொன்முடியை அமைச்சராக முதல்வர் ஸ்டாலின் பரிந்துரை செய்திருந்த நிலையில் ஆளுநர் ரவி அதற்கு மறுப்பு தெரிவித்திருந்தார். பொன்முடிக்கு தண்டனைதான் நிறுத்தி வைக்கப்பட்டுள்ளது, வழக்கிலிருந்து அவர் விடுவிக்கப்படவில்லை என கூறி ஆளுநர் மறுப்பு தெரிவித்திருந்தார்.
News March 18, 2024
அதிமுக கொடி, சின்னம் யாருக்கு?
2022ல் உட்கட்சி பிரச்சினை காரணமாக ஓபிஎஸ் அதிமுகவில் இருந்து நீக்கப்பட்டார். எனினும், அவர் கட்சியின் கொடி, சின்னத்தை பயன்படுத்தி வந்தார். இதற்கு எதிராக இபிஎஸ் தொடர்ந்த வழக்கில், தீர்ப்பு வரும் வரை கொடி, சின்னம் ஆகியவற்றை பயன்படுத்த மாட்டேன் என ஒபிஎஸ் தரப்பு உத்தரவாதம் அளித்தது. இவ்வழக்கில் இருதரப்பு வாதமும் மார்ச் 12ம் தேதி முடிவடைந்த நிலையில், இன்று பிற்பகலில் சென்னை ஐகோர்ட் தீர்ப்பு வழங்குகிறது.
News March 18, 2024
தமிழிசையும், தேர்தல் தோல்விகளும்!
மக்களவைத் தேர்தலில் தமிழிசை செளந்தரராஜன் போட்டியிட உள்ளதாக கூறப்படும் நிலையில், ஏற்கெனவே, அவர் 2019 மக்களவைத் தேர்தலில் தூத்துக்குடி தொகுதியில் கனிமொழியை எதிர்த்து போட்டியிட்டு தோல்வி கண்டது குறிப்பிடத்தக்கது. 2009 மக்களவைத் தேர்தலில் வடசென்னை தொகுதியில் போட்டியிட்டு தோல்வியடைந்தார். 2006, 2011 சட்டமன்ற தேர்தல்களில் ராதாபுரம், சென்னை வேளச்சேரி தொகுதிகளில் போட்டியிட்ட போதும் அவர் தோல்வியடைந்தார்.
News March 18, 2024
EDக்கு எதிராக முன்னாள் முதல்வர் மகள் வழக்கு
அமலாக்கத்துறையால் கைது செய்யப்பட்டுள்ள தெலங்கானா முன்னாள் முதல்வர் சந்திரசேகர் ராவின் மகள் கவிதா உச்சநீதிமன்றத்தில் வழக்கு தொடர்ந்துள்ளார். டெல்லி மதுபானக் கொள்கை முறைகேடு வழக்கில் கடந்த 15 ஆம் தேதி கைது செய்யப்பட்ட இவரை மார்ச் 23ஆம் தேதி வரை காவலில் வைத்து விசாரிக்க அமலாக்கத்துறைக்கு டெல்லி நீதிமன்றம் அனுமதி அளித்தது. இந்நிலையில், ED-யின் கைது சட்டவிரோதமானது என கவிதா வழக்கு தொடர்ந்துள்ளார்.
Featured News
Sorry, no posts matched your criteria.