India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 5, 2024
தினமும் காலையில் பூண்டு சாப்பிடுங்கள்
▶இதில் வைட்டமின் C, B6 மற்றும் மாங்கனீஸ், செலினியம் போன்ற தாதுக்கள் உள்ளன.
▶நோய் எதிர்ப்பு சக்தியை அதிகரிப்பதோடு, நோய் வரும் அபாயத்தையும் குறைக்கும்.
▶இரத்த அழுத்தத்தைக் குறைத்து, இரத்த ஓட்டத்தை மேம்படுத்தும். மேலும், இதயத்தை ஆரோக்கியமாக வைக்க உதவும்.
▶இதிலுள்ள ஆக்சிஜனேற்ற பண்புகள், செல்களைப் பாதுகாக்க உதவும்.
▶உடல் வீக்கம், அழற்சி போன்றவற்றிற்கு சிறந்த தீர்வளிக்கும்.
News April 5, 2024
நடிகைகளுக்கு கவர்ச்சி அவசியம் தான்
நடிகைகளுக்கு கவர்ச்சி அவசியம் என நடிகை ஆண்ட்ரியா வெளிப்படையாக கூறியுள்ளார். நேர்காணல் ஒன்றில் பேசிய அவர், “கவர்ச்சி காட்டாத நடிகைகளை தப்பு சொல்ல முடியாது. ஆனால், அவர்களுக்கு பட வாய்ப்பு கொஞ்சமாகத் தான் இருக்கும். ஏனெனில், சில கதைகளுக்கு கவர்ச்சி தேவைப்படும். அந்த சமயத்தில், கவர்ச்சி காட்டாத நடிகைகள் கண்களுக்கு தெரியமாட்டார்கள். ஒரு பெண் அழகாக இருந்தால், அதை கொண்டாட வேண்டும்” என பதிலளித்துள்ளார்.
News April 5, 2024
ஐபிஎல்லில் புதிய சாதனை
நடப்பு ஐபிஎல் தொடரில், மேலும் ஒரு புதிய சாதனை பதிவாகியுள்ளது. நடந்து முடிந்த 17 போட்டிகளில், இதுவரை 300 சிக்சர்கள் அடிக்கப்பட்டுள்ளது. ஐபிஎல் வரலாற்றில், முதல் 17 போட்டிகளில், 300 சிக்சர்கள் விளாசியது இதுவே முதல்முறை ஆகும். குறிப்பாக, MI – SRH இடையேயான போட்டியில் மட்டும் 38 சிக்சர்கள் பதிவாகியுள்ளது. 2023இல் 259 சிக்சர்களும், 2020இல் 258 சிக்சர்களும், 2018இல் 245 சிக்சர்களும் பதிவாகியுள்ளது.
News April 5, 2024
ஹிமாசலப் பிரதேசத்தில் நிலநடுக்கம்
ஹிமாசலப் பிரதேசத்தில் 5.3 ரிக்டர் அளவு கொண்ட நிலநடுக்கம் பதிவானதாக தேசிய புவியியல் ஆய்வு மையம் தெரிவித்துள்ளது. ஹிமாசலப் பிரதேசத்தின் சம்பாவுக்கு அருகே நேற்றிரவு 9.34 மணிக்கு 10 கி.மீ. ஆழத்தில் நிலநடுக்கம் ஏற்பட்டது எனவும், ரிக்டர் அளவுகோலில் இந்த நிலநடுக்கம் 5.3 அலகுகளாகப் பதிவானதாகவும் தெரிவிக்கப்பட்டுள்ளது. இதனால் ஏற்பட்ட சேதங்கள் குறித்த விவரங்கள் இன்னும் வெளியாகவில்லை.
News April 5, 2024
ஏப்ரல் 5: வரலாற்றில் இன்று
1654 – ஆங்கில-டச்சுப் போரை முடிவுக்குக் கொண்டு வரும் உடன்பாடு எட்டப்பட்டது.
1710 – பிரிட்டனில் காப்புரிமை சட்டம் அமுலுக்கு வந்தது.
1795 – பிரான்சுக்கும், புருசியாவுக்கும் இடையே அமைதி உடன்பாடு எட்டப்பட்டது.
1804 – ஸ்காட்லாந்தில் முதல் முறையாக விண் வீழ்கல் ஒன்று வீழ்ந்தது.
1879 – பொலிவியா, பெரு மீது சிலி போரை அறிவித்தது. (பசிபிக் போர்)
1932 – பின்லாந்தில் மதுவிலக்கு கொள்கை முடிவுக்கு வந்தது.
News April 5, 2024
தேர்தலுக்காக தமிழ்நாட்டையே சுற்றி சுற்றி வருகிறார்
பிரதமர் மோடி மீண்டும் ஆட்சிக்கு வந்தால், இந்தியாவில் நடக்கும் கடைசி தேர்தல் இதுதான் என எம்.பி.கனிமொழி கூறியுள்ளார். விருதுநகரில் பிரசாரம் மேற்கொண்ட அவர், “தமிழ்நாட்டிற்கு பாஜக அரசால் எந்த திட்டமும் வராது. மழை, வெள்ளம் வந்தால், நிவாரணம் கூட வராது. நாம் கஷ்டப்பட்ட சமயத்தில் ஒரு முறை கூட வராத பிரதமர் மோடி, தற்போது தேர்தலுக்காக தமிழ்நாட்டையே சுற்றி சுற்றி வருகிறார்” எனத் தெரிவித்தார்.
News April 5, 2024
தனுஷூடன் 6 வருடங்கள் பேசாமல் இருந்தேன்
தனுஷூடன் சண்டை போட்டு 6 வருடங்கள் பேசாமல் இருந்ததாக நடிகர் ஜி.வி.பிரகாஷ் கூறியுள்ளார். நேர்காணல் ஒன்றில் பேசிய அவர், “சில நடிகர்கள், இயக்குநர்களுடன் மட்டும் தான் சினிமாவைத் தாண்டிய நட்பு அமையும். அப்படியான நல்ல நட்பு எனக்கும் தனுஷூக்கும் உண்டு. நண்பர்கள் என்றால் சண்டை வருவதும் சகஜம் தான். இப்போது எல்லாப் பிரச்சினைகளும் சரியாகி விட்டது. பழையபடி நல்ல நண்பர்களாக இருக்கிறோம்” எனத் தெரிவித்தார்.
News April 5, 2024
தினம் ஒரு திருக்குறள்
▶குறள் பால்: அறத்துப்பால்
▶இயல்: இல்லறவியல்
▶அதிகாரம்: அடக்கமுடைமை
▶குறள் எண்: 126
▶குறள்: ஒருமையுள் ஆமைபோல் ஐந்தடக்கல் ஆற்றின்
எழுமையும் ஏமாப் புடைத்து.
▶விளக்கம்: ஒரு பிறப்பில் ஆமையைப் போல 5 பொறிகளையும் அடக்கி வாழும் வல்லமை பெற்றிருந்தால், அது காலமெல்லாம் வாழ்க்கைக்குக் காவல் அரணாக அமையும்.
News April 5, 2024
நாமும் உதயநிதி ஸ்டாலினுக்கு பெயர் வைப்போம்
I.N.D.I.A. கூட்டணியினர் கேலிக் கூத்து செய்து கொண்டிருப்பதாக அண்ணாமலை விமர்சித்துள்ளார். நாமக்கல்லில் பிரசாரம் மேற்கொண்ட அவர், “அமைச்சர் உதயநிதி, பிரதமர் மோடியை 29 பைசா மோடி என அழைப்பாராம். அடிப்படையில் எதுவுமே தெரியாத தற்குறி அவர். எனவே, நாமும் உதயநிதி ஸ்டாலினுக்கு பெயர் வைப்போம். கஞ்சா உதயநிதி ஸ்டாலின் என பெயர் வைப்போம். முதல்வருக்கு விலை உயர்வு முதல்வர் என பெயர் வைப்போம்” எனத் தெரிவித்தார்.
News April 5, 2024
நாளை வெளியாகும் திரைப்படங்கள்
விஜய் தேவரகொண்டா, மிர்னால் தாகூர் நடித்துள்ள ‘ஃபேமிலி ஸ்டார்’ திரைப்படம், நாளை (ஏப். 5) திரையரங்குகளில் வெளியாகவுள்ளது. மேலும், வல்லவன் வகுத்ததடா, வொயிட் ரோஸ், டபுள் டக்கர், ஒரு தவறு செய்தால், இரவின் கண்கள் உள்ளிட்ட சிறிய பட்ஜெட் படங்களும் நாளை திரைக்கு வருகின்றன. இதனைத் தொடர்ந்து, தேஜா சஜ்ஜா, அம்ரிதா ஐயர் நடித்த ‘ஹனுமான்’ திரைப்படம், ஹாட்ஸ்டார் OTT தளத்தில் நாளை வெளியாகிறது.
Featured News
Sorry, no posts matched your criteria.