India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 23, 2024
நல்ல நோக்கத்துடன் தேர்தல் பத்திர திட்டம் அமல்
நல்ல நோக்கத்துடனே தேர்தல் பத்திரத் திட்டம் கொண்டு வரப்பட்டது என்று மத்திய அமைச்சர் நிதின் கட்கரி தெரிவித்துள்ளார். அவர் அளித்துள்ள பேட்டியில், “அரசியல் கட்சிகள் செயல்பட நிதி தேவைப்படுகிறது. அந்த நிதி அரசியல் கட்சிகளுக்கு நேரடியாக வெளிப்படைத் தன்மையுடன் கிடைக்க வேண்டும் என்ற நல்ல நோக்கத்துடனேயே தேர்தல் பத்திரத் திட்டம் அமல்படுத்தப்பட்டது” எனக் கூறினார்.
News March 23, 2024
ஏர் இந்தியா நிறுவனத்துக்கு ரூ.80 லட்சம் அபராதம்
பாதுகாப்பு விதிகளை மீறியதாக ஏர் இந்தியா நிறுவனத்துக்கு ரூ.80 லட்சம் அபராதம் விதிக்கப்பட்டுள்ளது. கடந்த ஜனவரி மாதம் டிஜிசிஏ அதிகாரிகள், ஏர் இந்தியா நிறுவனத்தில் சோதனை நடத்தினர். அப்போது பல்வேறு பாதுகாப்பு விதிமீறல்கள் நடந்திருப்பது தெரிய வந்தது. இதுகுறித்து அனுப்பப்பட்ட நோட்டீசுக்கு ஏர் இந்தியா அளித்த பதில் திருப்தி அளிக்காததால், அந்நிறுவனத்துக்கு ரூ.80 லட்சம் அபராதம் விதிக்கப்பட்டுள்ளது.
News March 23, 2024
தேர்தல் பொறுப்பாளர்களை நியமித்தது அதிமுக
அதிமுக கூட்டணி போட்டியிடும் 40 தொகுதிகளிலும் தேர்தல் பணிக்குழு பொறுப்பாளர்களை நியமித்து அறிவித்திருக்கிறார் பொதுச் செயலாளர் எடப்பாடி பழனிசாமி. கோவை, நீலகிரி மற்றும் பொள்ளாச்சிக்கு எஸ்.பி.வேலுமணி, திண்டுக்கலுக்கு சீனிவாசன், சென்னை வடக்குக்கு ஜெயக்குமார், திருச்சிக்கு விஜயபாஸ்கர், காஞ்சிபுரத்துக்கு வளர்மதி ஆகியோர் பொறுப்பாளர்களாக நியமிக்கப்பட்டுள்ளனர்.
News March 23, 2024
முதல் போட்டியிலேயே ஆட்ட நாயகன் விருது
பெங்களூருக்கு எதிரான ஐபிஎல் போட்டியில், சென்னை வீரர் முஸ்தஃபிசுர் ஆட்டநாயகன் விருதை தட்டிச் சென்றுள்ளார். சென்னை அணிக்காக முதல்முறையாக களமிறங்கிய அவர், 4 விக்கெட்டுகளை கைப்பற்றினார். குறிப்பாக, டு பிளெசிஸ், கோலி, கேமரன் க்ரீன் ஆகியோரது விக்கெட்டுகளை கைப்பற்றி, அணியின் வெற்றிக்கு வித்திட்டார். மேலும், ஐபிஎல் வரலாற்றில் 50 விக்கெட்டுகளை வீழ்த்திய 2ஆவது வங்கதேச வீரர் என்ற பெருமையையும் பெற்றார்.
News March 23, 2024
‘சியான் 62’ படம் ஏப்ரலில் தொடக்கம்
விக்ரம் நடிக்கும் ‘சியான் 62’ படத்தின் படப்பிடிப்பு, வரும் ஏப்ரல் மாதம் தொடங்க உள்ளதாக படக்குழு அறிவித்துள்ளது. ரியா ஷிபு தயாரிக்கும் இந்த படத்திற்கு ஜி.வி.பிரகாஷ் குமார் இசையமைக்கிறார். சமீபத்தில் வெளியான படத்தின் கிளிம்ப்ஸ் வீடியோ ரசிகர்களிடையே கவனம் பெற்றது. ‘சித்தா’ படத்திற்கு பிறகு எஸ்.யு அருண் குமார் இயக்கும் இந்தப் படத்தில், நடிகர் எஸ்.ஜே சூர்யா முக்கிய கதாபாத்திரத்தில் நடிக்க உள்ளார்.
News March 23, 2024
பாஜக மிரட்டி பணம் பெற்றதாக குற்றச்சாட்டு
ED மற்றும் IT ரெய்டு நடைபெற்ற 41 நிறுவனங்களிடம் இருந்து பாஜக ரூ.2,471 கோடியை நன்கொடையாக பெற்றிருப்பதாக வழக்கறிஞர் பிரசாந்த் பூஷன் நீதிமன்றத்தில் தெரிவித்துள்ளார். பாஜகவுக்கு நன்கொடையளித்த 33 நிறுவனங்களுக்கு மத்திய அரசின் 172 ஒப்பந்தங்கள் ஒதுக்கீடு செய்யப்பட்டுள்ளதாகவும் அவர் குற்றம்சாட்டியுள்ளார். தேர்தல் பத்திரங்கள் தொடர்பான வழக்கில் இந்த விவரங்கள் தாக்கல் செய்யப்பட்டுள்ளன.
News March 23, 2024
CSKvsGT: டிக்கெட் விலை குறைந்தது
சென்னை- குஜராத் அணிகளுக்கு இடையேயான ஐபிஎல் போட்டி, வரும் மார்ச் 26ஆம் தேதி சேப்பாக்கத்தில் நடைபெற உள்ளது. இப்போட்டிக்கான டிக்கெட் விற்பனை இன்று காலை 10.10 மணிக்கு தொடங்கியது. முதல் போட்டிக்கான டிக்கெட் அதிகபட்சமாக ₹7,500 வரை விற்பனையான நிலையில், இம்முறை ₹1,700 – ₹6,000 ஆக விலை நிர்ணயிக்கப்பட்டுள்ளது. டிக்கெட்டுகளை சிஎஸ்கே மற்றும் பேடிஎம் இன்சைடர் ஆகிய இணையதளங்களில் பெற்றுக் கொள்ளலாம்.
News March 23, 2024
ஒரு அணிக்கு எதிராக அதிக வெற்றிகளை குவித்த அணிகள்
▶மும்பை- கொல்கத்தாவுக்கு எதிராக 23 வெற்றிகள் ▶சென்னை- பெங்களூருக்கு எதிராக 21 வெற்றிகள் ▶கொல்கத்தா- பஞ்சாப்பிற்கு எதிராக 21 வெற்றிகள் ▶மும்பை- சென்னைக்கு எதிராக 20 ▶சென்னை- டெல்லிக்கு எதிராக 19 வெற்றிகள் ▶சென்னை – கொல்கத்தாவுக்கு எதிராக 18 வெற்றிகள் ▶கொல்கத்தா- பெங்களூருக்கு எதிராக 18 வெற்றிகள் ▶மும்பை- டெல்லிக்கு எதிராக 18 வெற்றிகள் ▶மும்பை- பெங்களூருக்கு எதிராக 18 வெற்றிகள்.
News March 23, 2024
BREAKING: திமுகவுக்கு ஆதரவு என அறிவிப்பு
டெல்டா பகுதிகளைச் சேர்ந்த 16 விவசாய சங்கங்கள் திமுக கூட்டணிக்கு ஆதரவளிப்பதாக தெரிவித்துள்ளன. தஞ்சாவூர், திருவாரூர் பகுதிகளில் முதல்வர் ஸ்டாலின் பிரசாரப் பயணம் மேற்கொண்டு வருகிறார். அங்கு அவரை சந்தித்த விவசாய பிரதிநிதிகள், திமுக மற்றும் I.N.D.I.A கூட்டணிக்கு ஆதரவளிப்பதாக தெரிவித்தனர். இவர்களது வாக்குகள் திமுகவுக்கு பக்க பலமாக இருக்கும் என்று எதிர்பார்க்கப்படுகிறது.
News March 23, 2024
புதிய சாதனை படைத்தார் ‘தல தோனி’
பெங்களூரு அணிக்கு எதிரான நேற்றைய ஐபிஎல் போட்டியில், எம்.எஸ்.தோனி புதிய சாதனை படைத்துள்ளார். பெங்களூரு வீரர் அனுஜ் ராவத்தை ரன் அவுட் செய்ததன் மூலம், ஐபில் வரலாற்றில் அதிக ரன் அவுட்டுகளை நிகழ்த்திய வீரர் பெருமையை பெற்றார் தோனி. 1. தோனி- 24 ரன் அவுட், 2. ரவீந்திர ஜடேஜா- 23, 3. விராட் கோலி- 19 ரன் அவுட், 4.சுரேஷ் ரெய்னா- 16 ரன் அவுட், 5. மனிஷ் பாண்டே- 16 என அடுத்தடுத்த இடங்களில் உள்ளனர்.
Featured News
Sorry, no posts matched your criteria.