India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 30, 2024
‘தி கோட்’ சாட்டிலைட் உரிமையை வாங்கிய சன் டி.வி
நடிகர் விஜய்யின், ‘The G.O.A.T’ படத்தின் சாட்டிலைட் உரிமையை சன் டி.வி வாங்கியுள்ளதாக தகவல் வெளியாகியுள்ளது. லியோ படத்துக்குக் கொடுத்த விலையையே இந்தப் படத்திற்கும் ஏ.ஜி.எஸ் நிறுவனம் எதிர்பார்த்ததாம். ஆனால், சன் டி.வி தரப்பில் ₹50 கோடி மட்டுமே தர முடியுமென உறுதியாக வியாபாரம் பேசப்பட்டதாகக் கூறப்படுகிறது. வேறு வழியில்லாமல், சன் டி.வி சொன்ன விலைக்கே ஏ.ஜி.எஸ் படத்தைக் கொடுத்திருக்கிறது.
News March 30, 2024
நாடு முழுவதும் காங்கிரஸ் போராட்டம்
உரிய வருமான வரி செலுத்தவில்லை எனக் கூறி, காங்கிரஸ் கட்சிக்கு வருமான வரித்துறை ₹1800 கோடி அபராதம் செலுத்த நோட்டீஸ் அனுப்பியது. இதற்காக காங்கிரசின் வங்கி கணக்குகள் முடக்கப்பட்டு, அதில் இருந்த ₹135 கோடி பறிமுதல் செய்யப்பட்டது. இந்நிலையில், வருமான வரித்துறை நோட்டீஸ் அனுப்பியதற்கு எதிர்ப்பு தெரிவித்து நாடு முழுவதும் இன்று காங்கிரஸ் கட்சியினர் போராட்டத்தில் ஈடுபட உள்ளனர்.
News March 30, 2024
செல்ஃபி-க்கு போஸ் கொடுத்து வாக்கு சேகரித்த முதல்வர்
சேலம் அக்ரஹாரம் கடை வீதியில் நடைபயணமாக சென்று, திமுக வேட்பாளர் செல்வகணபதிக்கு ஆதரவாக முதல்வர் மு.க.ஸ்டாலின் வாக்கு சேகரித்தார். வாக்கு சேகரிப்பின்போது சாலையோர தேநீர் கடையில் முதல்வர் தேநீர் அருந்தினார். அப்போது பொதுமக்கள் ஆர்வமுடன் செல்ஃபி எடுத்து உற்சாகமடைந்தனர். செல்ஃபி போஸ் கொடுத்தாலும், அவர்களிடமும் வாக்கு கேட்க ஸ்டாலின் மறக்கவில்லை.
News March 30, 2024
திருஷ்டி தோஷம் போக்கும் திருநாமம்
‘கல்லடி பட்டாலும் கண்ணடி படக் கூடாது’ என்பது முதுமொழி. ‘திருஷ்’ என்றால் பார்த்தல் என்று பொருள். மற்றவர்களின் பொறாமை பார்வையால் ஏற்படும் திருஷ்டி உடல் நலன், வியாபாரம் உள்ளிட்டவற்றை பாதிக்கும் என்கிறது ஜோதிட சாஸ்திரம். அத்தகைய கண் திருஷ்டிகளை கழிக்கும் ஆற்றல் திருமண்ணுக்கு உண்டாம். ‘ஓம் நமோ நாராயணாய’ என்று சொல்லி நெற்றியில் திருநாமம் இட்டுக்கொண்டால் திருஷ்டிகள் விலகும் என்பது ஐதீகம்.
News March 30, 2024
20 ஆண்டுக்குப் பின்… இருவர்
20 ஆண்டுகளுக்குப் பின் ஒலிம்பிக்ஸ் பேட்மிண்டன் ஆண்கள் ஒற்றையர் பிரிவில் பங்கேற்க இந்தியா தகுதி பெற்றுள்ளது. உலக பேட்மிண்டன் தரவரிசையில் முதல் 16 இடங்களில் உள்ள நட்சத்திரங்கள் மட்டும் தான் ஒலிம்பிக்ஸ் போட்டியில் பங்கேற்க முடியும். இதில் பிரனாய் (9), லக்சயா (16) ஆகிய இரு வீரர்கள் பங்கேற்க உள்ளனர். முன்னதாக கடந்த 2004 ஏதென்ஸ் ஒலிம்பிக்கில் அபின் ஷ்யாம், நிகில் கனேட்கர் என இரு வீரர்கள் பங்கேற்றனர்.
News March 30, 2024
நடிகர் டேனியல் பாலாஜிக்கு மரணத்திற்கு காரணம் இதுதான்
திருவான்மியூரில் தனது குடும்பத்தினருடன் வசித்த நடிகர் டேனியல் பாலாஜிக்கு இரவு 1 மணியளவில் திடீரென மாரடைப்பு ஏற்பட்டுள்ளது. உடனே அவரை குடும்பத்தினர் கொட்டிவாக்கத்தில் உள்ள தனியார் மருத்துவமனையில் சிகிச்சைக்காக அனுமதித்தனர். ஆனால், அங்கு சற்றுநேரத்திலேயே சிகிச்சை பலனின்றி அவரது உயிர் பிரிந்தது. ஓட்டேரி அரசு மின் மயானத்தில் இன்று அவரது உடல் தகனம் செய்யப்படவுள்ளது.
News March 30, 2024
225 எம்பிக்கள் மீது குற்ற வழக்குகள்
225 மக்களவை எம்பிக்கள் மீது குற்ற வழக்குகள் இருப்பது தெரிய வந்திருக்கிறது. மக்களவைத் தேர்தலில் போட்டியிட தாக்கல் செய்யப்பட்ட வேட்பு மனுக்களை ஜனநாயக சீர்திருத்தங்களுக்கான அமைப்பு ஆய்வு செய்தது. அதில் 225 எம்பிக்கள் மீது குற்ற வழக்குகள் இருப்பதும், அதில் 29% பேர் மீது கொலை, கொலை முயற்சி, இனக் கலவரம் தூண்டியது, கடத்தல் என கடுமையான வழக்குகள் இருப்பதும் கண்டறியப்பட்டுள்ளது.
News March 30, 2024
வேட்புமனுக்களை திரும்ப பெற இன்று கடைசி நாள்
மக்களவைத் தேர்தலுக்கான வேட்புமனுக்களை திரும்ப பெறுவதற்கான அவகாசம் இன்று மாலை 5 மணியுடன் முடிவடைகிறது. கடந்த 20ம் தேதி தொடங்கிய வேட்புமனு தாக்கல் 27ம் தேதியுடன் முடிந்தது. 28ம் தேதி முதல் வேட்புமனு பரிசீலனை நடந்து, 1,085 பேரின் மனுக்கள் ஏற்கப்பட்டுள்ளன. இறுதி வேட்பாளர் பட்டியல் இன்று மாலை வெளியிடப்படும். அத்துடன், சின்னம் ஒதுக்கப்படாத கட்சிகள், சுயேச்சைகளுக்கு சின்னமும் ஒதுக்கப்படும்.
News March 30, 2024
LSG Vs PBKS: வெல்லப்போவது யார்?
ஐபிஎல் தொடரில் லக்னோ சூப்பர் ஜெயன்ட்ஸ் & பஞ்சாப் கிங்ஸ் அணிகள் இதுவரை 3 முறை நேருக்கு நேர் மோதியுள்ளன. இதில் LSG 2 முறையும், PBKS 1 முறையும் வென்றுள்ளன. இந்தாண்டு ஐபிஎல் தொடரில் RCB, KKR அணிகளுக்கு இடையேயான 11ஆவது லீக் போட்டி லக்னோ ஸ்டேடியத்தில் இன்றிரவு 7:30 மணிக்கு தொடங்குகிறது. இன்றைய போட்டியில் எந்த அணி வெற்றி பெறும் என நீங்கள் நினைக்கிறீர்கள்? என்று இங்கே குறிப்பிடவும்.
News March 30, 2024
BREAKING: நடிகர் டேனியல் பாலாஜி காலமானார்
தமிழ்த் திரையுலகின் பிரபல நடிகர் டேனியல் பாலாஜி (48) காலமானார். வேட்டையாடு விளையாடு படத்தில் வில்லனாக நடித்து பிரபலமான டேனியல் பாலாஜி, பொல்லாதவன், காக்க காக்க, பைரவா, வடசென்னை உள்ளிட்ட திரைப்படங்களில் நடித்துள்ளார். அவரது மறைவுக்கு தமிழ்த் திரையுலகினர் இரங்கல் தெரிவித்து வருகின்றனர். மேலும், இன்று காலையில் இருந்து நடிகர்கள், நடிகைகள் அவரது உடலுக்கு நேரில் அஞ்சலி செலுத்தி வருகின்றனர்.
Featured News
Sorry, no posts matched your criteria.