India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 11, 2024
இன்றைய தலைப்புச் செய்திகள்
➤ தேர்தலுக்கு பின் அதிமுக காணாமல் போகும் – அண்ணாமலை
➤ டெல்லி அமைச்சர் திடீர் ராஜினாமா
➤ ஆர்.எம்.வீரப்பன் உடலுக்கு அரசு மரியாதை
➤ அதிமுகவை சீண்டிப் பார்க்க வேண்டாம் – வைகை செல்வன்
➤ ‘ஜோக்கர் 2’ படத்தின் டிரைலர் வெளியானது
➤ முதலிடத்தில் நீடிக்கும் தமிழக வீரர் குகேஷ்
News April 11, 2024
களத்தில் இருக்கும் வரை நாங்க தான் கிங்…
ராஜஸ்தான் அணிக்கு எதிரான வெற்றி, தங்களின் உழைப்புக்கு கிடைத்த பரிசு என குஜராத் அணியின் கேப்டன் சுப்மன் கில் தெரிவித்துள்ளார். குஜராத் டைட்டன் அணி களத்தில் இருக்கும் வரை போட்டி முடிந்துவிட்டதாக எந்த தருணத்திலும் யாரும் நினைத்துவிட கூடாது. இறுதி வரை போராடி அணியை வெற்றி பாதைக்கு அழைத்து செல்வோம் என்பதை அணி வீரர்கள் நிரூபித்துள்ளார்கள் என்ற அவர், அடுத்தடுத்த போட்டிகளிலும் தொடர்ந்து வெல்வோம் என்றார்.
News April 11, 2024
திமுக இரட்டை வேடம் போடுகிறது
தமிழகத்தில் பாஜகவை வளர விட மாட்டேன் என சீமான் தெரிவித்துள்ளார். பாஜக ஆளும் மாநிலங்களுக்கு கூட மோடி இத்தனை முறை சென்றதில்லை. ஆனால், தமிழ்நாட்டுக்கு பிரதமர், இத்தனை முறை வருவது ஏன்? என்று கேள்வி எழுப்பிய அவர், எதிர்க்கட்சியாக இருக்கும்போது மோடியை எதிர்ப்பதும், ஆளும் கட்சியாக இருக்கும்போது ஆதரவு தெரிவிப்பதும் திமுகவின் பாணி என்றார். ரோடு ஷோ நடத்தும் மோடி மக்களிடம் பேசுவாரா? என்றும் அவர் வினவினார்.
News April 11, 2024
இந்தியா வர நாள் குறித்த எலான் மஸ்க்
எலான் மஸ்க் விரைவில் இந்தியா வர உள்ளதாக தகவல் வெளியாகியுள்ளது. உலக பணக்காரரும், X வலைதளத்தின் உரிமையாளருமான எலான் மஸ்க் வருகிற ஏப்ரல் 22இல் இந்தியா வர உள்ளார். இந்த வருகையின் போது பிரதமர் மோடியை அவர் சந்தித்து பேச உள்ளார். இது தொடர்பாக X-இல் பதிவிட்டுள்ள எலான் மஸ்க், “இந்தியாவில் பிரதமர் மோடியுடனான சந்திப்பை ஆவலுடன் எதிர்நோக்கியுள்ளேன்” என்று தெரிவித்துள்ளார்.
News April 11, 2024
இன்றைய நல்ல நேரம்
ஏப்ரல் – 11 | பங்குனி – 29
▶கிழமை: வியாழன்
▶நல்ல நேரம்: 10:30 AM – 11:30 AM,
▶கெளரி நேரம்: 12:30 PM – 01:30PM,
6:30 PM – 7:30 PM
▶ராகு காலம்: 01:30 PM – 03:00 PM
▶எமகண்டம்: 06:00 AM – 07:30 AM
▶குளிகை: 09:00 AM – 10:30 AM
▶சூலம்: தெற்கு
▶பரிகாரம்: தைலம்
▶ திதி – திரிதியை
News April 11, 2024
தோல்வி குறித்து பேச கடினமாக உள்ளது
தோல்வி பற்றி விளக்கமளிக்க கடினமாக இருப்பதாக சஞ்சு சாம்சன் தெரிவித்துள்ளார். நேற்றைய போட்டிக்கு பிறகு பேசிய அவர், “எந்த ஒரு அணியின் கேப்டனுக்குமே ஏன் தோல்வி அடைந்தோம், எந்த இடத்தில் வெற்றியை தவறவிட்டோம் என்று கூறுவதற்கு சங்கடமாக இருக்கும். அதே போன்ற ஒரு மன நிலையில் தான் இருக்கிறேன்” என அவர் வேதனை தெரிவித்தார். முன்னதாக குஜராத் அணிக்கு எதிரான போட்டியில், ராஜஸ்தான் அணி வெற்றியை நழுவ விட்டது.
News April 11, 2024
70 ஆண்டுகளாக முடியாததை மோடி முடித்து காட்டினார்
காஷ்மீருக்கு சிறப்பு அந்தஸ்து வழங்கிய 370வது பிரிவே, பயங்கரவாதம் பெருகுவதற்கு முக்கிய காரணமாக இருந்துள்ளதாக யோகி ஆதித்யநாத் விமர்சித்துள்ளார். 70 ஆண்டுகளாக 370 சட்டப்பிரிவை ரத்து செய்ய காங்கிரசால் முடியவில்லை. பயங்கரவாதத்தின் மூலத்தை அடியோடு அழித்து, 370வது பிரிவை பிரதமர் மோடி நீக்கியதாக கூறிய அவர், அதனால் தான் பாகிஸ்தான் உள்ளிட்ட நாடுகள் நம்மை கண்டு பயந்து நடுங்குவதாகவும் தெரிவித்தார்.
News April 11, 2024
தர்பூசணி சாப்பிடுவதை தவிர்க்காதீர்கள்
மனநலக் கோளாறு மற்றும் மூளை நரம்புகளில் பாதிப்பு உள்ளவர்களின் தினசரி உணவில் தர்பூசணி சாப்பிடுவது மிகவும் அவசியம். மன அழுத்தம், பயம் போன்ற பாதிப்புகளை தகர்க்கும் வைட்டமின் பி-6 தர்பூசணியில் அதிகம். ஆப்பிள் தோலில் பெக்டின் என்ற வேதிப்பொருள் இருப்பதால், தோலோடு சாப்பிட வேண்டும். பெக்டின் நம் உடலின் நச்சுக்களை நீக்குவதில் எக்ஸ்போர்ட். அதே போல பப்பாளிப் பழம் சாப்பிடுவது கண் பார்வைக்கு மிக நல்லது.
News April 11, 2024
இன்றைய பொன்மொழிகள்
➤ ரகசியத்தை வெளிப்படுத்தியவனுக்கும், துக்கத்தை வெளிப்படுத்தாதவனுக்கும் மனதில் நிம்மதி இருக்காது.
➤ எல்லோரையும் நம்புவது அபாயகரமானது. ஒருவரையும் நம்பாமல் இருப்பது இன்னும் அபாயகரமானது.
➤ எல்லாத் துன்பங்களுக்கும் இரண்டு மருந்துகள் உள்ளன. ஒன்று காலம், இன்னொன்று மெளனம்.
➤ எல்லோரும் தம்மை விட்டு விட்டு வேறு யாரையோ சீர்திருத்த முயலுகிறார்கள்.
➤ ஆசையில்லாத முயற்சியால் பயனில்லை.
News April 11, 2024
ஓபிஎஸ், தினகரன் நிச்சயம் வெற்றி பெறுவார்கள்
தேர்தலுக்கு பின் அதிமுகவில் மாற்றம் வரும் என அண்ணாமலை தெரிவித்துள்ளார். தேனியில் போட்டியிடும் தினகரன் 50% வாக்குகளை பெற்று வெல்வார் என்ற அவர், ஓபிஎஸ் வெற்றி முடிவு செய்யப்பட்ட ஒன்று எனத் தெரிவித்தார். சுயேச்சையாக போட்டியிட்டு ஓபிஎஸ் வெற்றி பெற்ற பின்பு தென் மாவட்ட மக்கள் அவர் பின்னால் அணி திரளுவார்கள். தேர்தல் முடிவில் நிச்சயம் இதை எதிர்பார்க்கலாம் என்றும் அவர் நம்பிக்கை தெரிவித்தார்.
Featured News
Sorry, no posts matched your criteria.