India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 12, 2024
BIG BREAKING: நாட்டையே உலுக்கிய சம்பவத்தில் கைது
நாட்டையே உலுக்கிய பெங்களூரு ராமேஸ்வரம் உணவக குண்டுவெடிப்பு வழக்கில் தேடப்பட்டு வந்த முக்கிய குற்றவாளிகள் 2 பேரை, மேற்குவங்கத்தில் என்ஐஏ அதிகாரிகள் கைது செய்தனர். குண்டுவெடிப்புக்கு முன்பு இருவரும் சென்னையில் ஒரு மாதம் தங்கியுள்ளனர். குண்டுவெடிப்புக்கு பின் கர்நாடகாவிலிருந்து கேரளா சென்று, அங்கிருந்து தமிழகம் வழியாக ஆந்திரா சென்று தலைமறைவான நிலையில், உளவுத்துறை உதவியுடன் என்ஐஏ கைது செய்துள்ளது.
News April 12, 2024
தேர்தலில் போட்டியிடாத தலைவர்கள் (1)
2024 மக்களவைத் தேர்தலில் முன்னணி அரசியல் தலைவர்கள் பலர் போட்டியிடவில்லை. மத்திய நிதியமைச்சரும், பாஜக மூத்தத் தலைவர்களில் ஒருவருமான நிர்மலா சீதாராமன், கடந்த முறையைப் போல இம்முறையும் மக்களவைத் தேர்தலில் போட்டியிடவில்லை. காங்கிரஸ் முன்னாள் தலைவர் சோனியா காந்தியும், மக்களவைத் தேர்தலில் போட்டியிடவில்லை. மாநிலங்களவை எம்பியாக அண்மையில் சோனியா காந்தி பதவியேற்றார்.
News April 12, 2024
தேர்தலில் போட்டியிடாத தலைவர்கள் (2)
காங்கிரஸ் தலைவர் கார்கே, 2009ம் ஆண்டு முதல் 2019ம் ஆண்டு வரை மக்களவை எம்பியாக இருந்தார். அதன்பிறகு மாநிலங்களவை எம்பியாக 2020இல் பதவியேற்றார். இதன்மூலம் மக்களவைத் தேர்தலில் போட்டியிடுவதை அவர் தவிர்த்தார். முன்னாள் மத்திய நிதியமைச்சரான ப. சிதம்பரம், 1984 முதல் 2014 வரை பலமுறை மக்களவை எம்பியாக இருந்துள்ளார். அதன்பிறகு தேர்தலில் போட்டியிடுவதை தவிர்த்து மாநிலங்களவை எம்பியாக பதவி வகித்து வருகிறார்.
News April 12, 2024
தேர்தலில் போட்டியிடாத தலைவர்கள் (3)
ராஜஸ்தான் முன்னாள் முதல்வர் அசோக் கெலாட், முன்னாள் துணை முதல்வர் சச்சின் பைலட் ஆகியோர் கட்சி தலைமை கேட்டுக் கொண்டும் மக்களவைத் தேர்தலில் போட்டியிடவில்லை. இதனால் மக்களுக்கு அதிகம் அறிமுகம் இல்லாத வேட்பாளர்களை அவர்களின் சொந்த தொகுதிகளில் காங்கிரஸ் களமிறக்கியுள்ளது. தேர்தலில் தலைவர்கள் போட்டியிடாததற்கு பல காரணம் கூறப்பட்டாலும், தோல்வி பயமே காரணம் என பொதுவாக கூறப்படுகிறது.
News April 12, 2024
‘பிரேமலு’ OTT-இல் வெளியானது
நஸ்லேன், மமிதா பைஜூ நடித்துள்ள ‘பிரேமலு’ (மலையாளம்) திரைப்படம், டிஸ்னி+ ஹாட்ஸ்டாரில் தமிழ், மலையாளம், இந்தி ஆகிய மொழியில் வெளியாகியுள்ளது. கிரீஷ் இயக்கத்தில் நகைச்சுவை கலந்த காதல் கதைக்களத்தில் உருவான இப்படம், கடந்த பிப்.15ஆம் தேதி உலகம் முழுவதும் வெளியானது. ரசிகர்களிடையே மிகப்பெரிய வரவேற்பை பெற்ற இப்படம், ₹130 கோடிக்கும் அதிகமான வசூலை குவித்தது. நீங்க படம் பாத்துட்டீங்களா? படம் எப்படி இருக்கு?
News April 12, 2024
‘பிரேமலு’ OTT-இல் வெளியானது
நஸ்லேன், மமிதா பைஜூ நடித்துள்ள ‘பிரேமலு’ (மலையாளம்) திரைப்படம், டிஸ்னி+ ஹாட்ஸ்டாரில் தமிழ், மலையாளம், இந்தி ஆகிய மொழியில் வெளியாகியுள்ளது. கிரீஷ் இயக்கத்தில் நகைச்சுவை கலந்த காதல் கதைக்களத்தில் உருவான இப்படம், கடந்த பிப்.15ஆம் தேதி உலகம் முழுவதும் வெளியானது. ரசிகர்களிடையே மிகப்பெரிய வரவேற்பை பெற்ற இப்படம், ₹130 கோடிக்கும் அதிகமான வசூலை குவித்தது. நீங்க படம் பாத்துட்டீங்களா? படம் எப்படி இருக்கு?
News April 12, 2024
பிரதமர் மோடி பேசாமல் இருப்பது ஏன்?
தமிழகத்தின் நிதி பற்றாக்குறை குறித்து முதல்வர் ஸ்டாலின் அனுப்பிய கடிதத்திற்கு பிரதமர் மோடி பதில் தரவில்லை என்று தயாநிதி மாறன் கேள்வி எழுப்பியுள்ளார். தொடர்ந்து பேசிய அவர், அண்ணாமலையைப் பற்றி பேசியதற்கு பதில் கூறிய பிரதமர் வெள்ள நிவாரணம் பற்றி ஏன் பேசவில்லை. தமிழகத்தின் தேவை குறித்து மோடி பேசாமல் இருப்பது ஏன்? தமிழக மக்களை பாஜகவினாரால் இனியும் ஏமாற்ற முடியாது எனக் கூறினார்.
News April 12, 2024
IPL: பும்ரா புதிய சாதனை
பெங்களூருவுக்கு எதிரான நேற்றைய ஐபிஎல் போட்டியில், 5 விக்கெட்டுகளை கைப்பற்றி மும்பை வீரர் பும்ரா புதிய சாதனை படைத்துள்ளார். அபாரமாக பந்துவீசிய அவர், 4 ஓவர்களில் 21 ரன்கள் மட்டும் கொடுத்து விராட் கோலி, டு பிளெசிஸ், லோம்ரோர், சௌரவ் சௌவ்ஹான், வைஷாக் ஆகியோரை வீழ்த்தினார். இதன் மூலம், ஐபிஎல் தொடரில் பெங்களூரு அணிக்கு எதிராக 5 விக்கெட்டுகளை கைப்பற்றிய முதல் வீரர் என்ற வரலாற்று சாதனையை படைத்துள்ளார்.
News April 12, 2024
BREAKING: கைதாகி சிறைக்கு செல்லும்போது நெஞ்சுவலி
திண்டுக்கல், பழனி அருகே சத்துணவு பெண் பணியாளருக்கு தொடர்ந்து பாலியல் தொல்லை கொடுத்தது தொடர்பாக கர்நாடகாவில் பதுங்கி இருந்த பாஜக மேற்கு மாவட்ட செயலாளர் மகுடீஸ்வரனை போலீசார் நேற்று அதிரடியாக கைது செய்து தமிழ்நாட்டிற்கு அழைத்து வந்தனர். இன்று சிறைக்கு கொண்டு சென்றபோது, அவருக்கு திடீரென்று நெஞ்சுவலி ஏற்பட்டதாக கூறப்படுகிறது. இதனால், அவரை போலீசார், மதுரை ராஜாஜி அரசு மருத்துவமனையில் அனுமதித்துள்ளனர்.
News April 12, 2024
என்னாது தேர்தல் தேதி மாறிவிட்டதா?
தமிழகத்தில் ஏப்.19ஆம் தேதி நாடாளுமன்றத் தேர்தலையொட்டி, தீவிர வாக்கு சேகரிப்பில் ஈடுபட்டுள்ள அரசியல் கட்சிகள், தங்களது சின்னத்தை மக்களிடம் கொண்டு செல்லும் வகையில் சுவர் விளம்பரமும் செய்கின்றன. காங்., சார்பில் செய்யப்பட்ட சுவர் விளம்பரத்தில் கை சின்னத்துடன் “தேர்தல் 19.4.23” என எழுதப்பட்டுள்ளது. இதைப்பார்த்த எதிர்தரப்பினர், தேர்தல் நாளையே காங்., கட்சி மாற்றிவிட்டதாக கிண்டல் செய்கின்றனர்.
Featured News
Sorry, no posts matched your criteria.