India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 25, 2024
Dilli will return soon… லோகேஷ் கனகராஜ் பதிவு
டில்லி விரைவில் திரும்பி வருவார் என இயக்குநர் லோகேஷ் கனகராஜ் தெரிவித்துள்ளார். ‘கைதி’ திரைப்படம் வெளியாகி 5 ஆண்டுகள் நிறைவடைந்ததை நினைவுகூர்ந்துள்ள அவர், படப்பிடிப்பு தொடங்கிய புகைப்படத்தையும் பகிர்ந்து, நடிகர் கார்த்திக்கு நன்றி தெரிவித்துள்ளார். விஜய்யின் ’பிகில்’ படத்துடன் மோதிய இப்படம், அடுத்தடுத்த நாள்களில் வசூல் வேட்டை நடத்தியது. இப்படத்தின் 2ஆம் பாகம் விரைவில் தயாராகவுள்ளது.
News October 25, 2024
பொது அறிவு: கேள்விகளுக்கான பதில்கள்
இன்று 10 மணிக்கு <<14447837>>GK<<>> வினா-விடை பகுதியில் கேட்கப்பட்ட கேள்விகளுக்கான பதில்கள் இவையே. 1) 12,500 2) ஐசக் மெரிட் சிங்கர் 3) கவிராஜமார்க்கம் 4) R.K.பச்சோரி கமிட்டி 5) ஐரோப்பா 6) செங்காந்தள் 7) Earnings Per Share. இதுபோன்ற அறிவார்ந்த தகவல்களை பெற Way2News-ஐ தொடர்ந்து படியுங்கள். இன்றைய கேள்விகளுக்கு நீங்கள் எத்தனை சரியான பதிலளித்தீர்கள் என இங்கே கமெண்ட்டில் சொல்லுங்கள்.
News October 25, 2024
TNPSC ஒருங்கிணைந்த தொழில்நுட்பப்பணி தேர்வு தேதி
TNPSC ஒருங்கிணைந்த தொழில்நுட்பப்பணி தேர்வு தேதி வெளியாகியுள்ளது. *சிவில் என்ஜீனியரிங்- நவ.9 *பிரிண்டிங் டெக்னாலஜி, மெக்கானிக் மோட்டார் வெஹிகிள், ஸ்டேனோகிராபி- நவ.11 *மெக்கானிக் என்ஜீனியரிங், ஆட்டோ மொபைல்- நவ.12 *மெக்கானிக்கல் ரெப்ரிஜரேஷன்- ஏர் கண்டிஷனர், லேப் டெக்னிசியன், சர்வேயர் -நவ.13 *பிட்டர், பாய்லர் அடென்டன்ட்- நவ.14 *பிசிகல் எஜூகேஷன், வெல்டர், எலக்ட்ரீஷியன்- நவ.15
News October 25, 2024
ALERT: இங்கெல்லாம் கனமழை வெளுக்கப்போகுது
தமிழகத்தில் இன்று 14 மாவட்டங்களில் கனமழை பெய்யக்கூடும் என வானிலை மையம் கணித்துள்ளது. திண்டுக்கல், தேனி, தென்காசி, நெல்லை, குமரி, திருப்பூர், கரூர், திருச்சி, நாமக்கல், புதுக்கோட்டை, தஞ்சை, திருவாரூர், நாகை, மயிலாடுதுறை மாவட்டங்களில் கனமழை பெய்யலாம் எனக் குறிப்பிட்டுள்ளது. நாளை 9 மாவட்டங்களில் மழைக்கு வாய்ப்புள்ளதாகவும், சென்னையில் 48 மணி நேரத்திற்கு லேசான மழை பெய்யலாம் எனவும் கூறியுள்ளது.
News October 25, 2024
ராணுவத்தை திரும்ப பெறும் பணிகள் தொடக்கம்
எல்லையில் இருந்து இந்தியாவும், சீனாவும் தங்களது ராணுவத்தை திரும்பபெறத் தொடங்கியுள்ளன. சமீபத்தில் இருநாடுகளுக்கும் இடையே தீர்மானம் எட்டப்பட்டதாக அறிவிப்பு வெளியானது. இதனையடுத்து டெம்சோக், டெப்சாங் பகுதிகளில் அமைக்கப்பட்டிருந்த தற்காலிக கட்டுமானங்கள் அகற்றப்பட்டு, இந்திய வீரர்கள் மேற்கு பகுதிக்கும், சீன வீரர்கள் கிழக்கு பகுதிக்கும் திரும்ப அனுப்பப்பட்டுள்ளதாக தகவல் வெளியாகியுள்ளது.
News October 25, 2024
ரஜினி ரசிகர்களுக்கு ஹேப்பி நியூஸ்!
வேட்டையன் படத்திற்கு பிறகு கூலி படத்தில் நடிகர் ரஜினி நடித்து வந்தார். இடையே திடீரென உடல்நிலை பாதிக்கப்பட அவர் ஹாஸ்பிடலில் அனுமதிக்கப்பட்டார். இதையடுத்து சிகிச்சைக்கு பின் வீடு திரும்பிய ரஜினி, 2 வாரமாக ஓய்வு எடுத்து வந்தார். இதனால் கூலி பட சூட்டிங் தடைபட்டு இருந்தது. இந்நிலையில், சென்னை ஓஎம்ஆர் சாலையில் உள்ள சூட்டிங் ஸ்பாட்டில் நடந்த படப்பிடிப்பில் கலந்து கொண்டு ரஜினி மீண்டும் நடித்தார்.
News October 25, 2024
நடத்துநரின் குடும்பத்திற்கு ₹10 லட்சம் நிவாரணம்
சென்னை மாநகர பேருந்து நடத்துநர் ஜெகன்குமார் குடும்பத்துக்கு ₹10 லட்சம் நிவாரணம் வழங்க முதல்வர் ஸ்டாலின் உத்தரவிட்டுள்ளார். நடத்துநர் ஜெகன்குமாருக்கும், போதையில் இருந்த பயணி கோவிந்தனுக்கும் இடையே ஏற்பட்ட தகராறு கைகலப்பாக மாறியது. இதில் கீழே விழுந்த நடத்துநர் ஜெகன் மருத்துவமனைக்கு செல்லும் வழியிலேயே பரிதாபமாக உயிரிழந்தார். இந்நிலையில், ஜெகனின் குடும்பத்திற்கு நிவாரணம் அறிவிக்கப்பட்டுள்ளது.
News October 25, 2024
ரேஷன் கடைகளுக்கு நவ.16ல் விடுமுறை
தீபாவளி பண்டிகையையொட்டி, அக். 27ம் தேதி (ஞாயிற்றுக்கிழமை) ரேஷன் கடைகள் செயல்படும் என தமிழக அரசு அறிவித்தது. அரிசி உள்ளிட்ட அத்தியாவசிய பொருள்கள் தங்கு தடையின்றி கிடைப்பதற்கு ஏதுவாக இந்நடவடிக்கை எடுக்கப்படுவதாக அத்துறையின் அமைச்சர் பெரியகருப்பன் கூறியிருந்தார். இந்த விடுமுறை நாளில் பணியாற்றுவதற்கு ஈடாக நவ. 16ம் தேதி (சனிக்கிழமை) அன்று ரேஷன் கடைகளுக்கு விடுமுறை நாளாக அறிவிக்கப்பட்டுள்ளது.
News October 25, 2024
‘வேட்டையன்’ OTT ரிலீஸ் எப்போது?
‘வேட்டையன்’ திரைப்படம் நவ.7ஆம் தேதி அமேசான் பிரைம் தளத்தில் வெளியாக உள்ளதாக தகவல் வெளியாகியுள்ளது. ₹90 கோடிக்கு அமேசான் நிறுவனம் டிஜிட்டல் உரிமத்தை வாங்கியுள்ளதாகவும் கூறப்படுகிறது. ₹300 கோடி பட்ஜெட்டில் உருவான ‘வேட்டையன்’, தியேட்டரில் வெளியான 15 நாள்களில் ₹141.5 கோடியை இந்தியாவில் வசூல் செய்ததாக சினிமா வட்டாரங்கள் தெரிவித்துள்ளன. அக்.10ல் வெளியான இத்திரைப்படம் கலவையான விமர்சனங்களை பெற்றுள்ளது.
News October 25, 2024
சட்டம் அறிவோம்: BNS பிரிவு 196 (1) என்ன சொல்கிறது?
பிறந்த இடம், சாதி, மதம், இனம், மொழி, சமயம், வசிப்பிடம், பிராந்தியம் ஆகியவற்றின் அடிப்படையில், ஒரு குறிப்பிட்ட மக்களுக்கு எதிராக செயல் (அ) பேச்சு (அ) எழுத்தாலோ பகைமை, வெறுப்பு உணர்ச்சிகளை தூண்டி மற்றொரு மக்கள் குழுவை அணித்திரட்டுவது (அ) அமைதியின்மை ஏற்படுத்துவது BNS சட்டப் பிரிவு 196 (1)இன்படி குற்றமாகும். இதற்கு 3 ஆண்டுகள் சிறைத் தண்டனை & அபராதம் (அ) இரண்டும் சேர்த்து விதிக்கப்படும்.
Featured News
Sorry, no posts matched your criteria.