India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 27, 2024
தேங்காய் விலை உயர்வு: பொதுமக்கள் அதிர்ச்சி
தமிழகம் முழுவதும் தேங்காய் விலை கிலோவுக்கு ரூ.10-20 வரை உயர்ந்துள்ளது. கர்நாடகா, ஆந்திராவில் தேங்காய் பற்றாக்குறையால் அங்கு விலை அதிகரித்துள்ளது. இதன் காரணமாக பொள்ளாச்சி, வாடிப்பட்டி, சின்னமனூர், தேனியில் இருந்து அதிக அளவிலான தேங்காய் ஏற்றுமதி செய்யப்படுகிறது. இதனால் தேங்காய் விலை கிலோவுக்கு ரூ 50-70 என்ற அளவில் உயர்ந்துள்ளது. இந்த விலையேற்றம் சில வாரங்கள் நீடிக்கலாம் என்று கூறப்படுகிறது.
News September 27, 2024
ஹெலிகாப்டர் தயார்… ஜாமின் கிடைக்குமா?
நடிகர் தர்ஷனின் ஜாமின் மனு மீதான தீர்ப்பு இன்று வெளியாகிறது. நடிகை பவித்ரா கவுடாவுக்கு குறுஞ்செய்தி அனுப்பி தொல்லை செய்த ரேணுகாசாமி என்பவரை, கூலிப்படை வைத்து தர்ஷன் கொலை செய்ததாகக் குற்றஞ்சாட்டப்பட்டுள்ளது. இந்த வழக்கில் இன்று அவருக்கு ஜாமின் கிடைத்தால் பெல்லாரி சிறையில் இருந்து பெங்களூருவுக்கு அவரை அழைத்து வர அவரது மனைவி விஜயலட்சுமி ஹெலிகாப்டர் ஏற்பாடு செய்துள்ளார்.
News September 27, 2024
செல்லூர் ராஜூவே அதற்கு தகுதியானவர்: EVKS கிண்டல்
இபிஎஸ்-ஐ விட செல்லூர் ராஜூக்கே CM ஆக அதிக தகுதி உள்ளதென EVKS இளங்கோவன் கிண்டல் அடித்துள்ளார். 2026ல் இபிஎஸ்தான் CM ஆவார் என்று செல்லூர் ராஜூ உறுதியாகக் கூறியிருப்பது பற்றி அவரிடம் கேள்வி எழுப்பப்பட்டது. அதற்கு பதிலளித்த EVKS, செல்லூர் ராஜூ நன்கு காமெடி அடிப்பார் என்று கூறினார். மேலும், ஆற்றிலே தெர்மாகோல் விட்ட செல்லூர் ராஜூ மிகப்பெரிய அறிவாளி என்றும் EVKS இளங்கோவன் கிண்டலடித்தார்.
News September 27, 2024
30 நொடிகளில் உலகைச் சுற்றி…
➤சீனாவில் மாணவர்களுக்கு பள்ளிகளில் உடற்பயிற்சி கட்டாயமாக்கப்பட்டது. ➤நாய் இறைச்சி விற்பனை தடையால் பாதிக்கப்படும் வணிகர்களுக்கு இழப்பீடு வழங்கும் திட்டத்தை தென்கொரியா அரசு அறிவித்தது. ➤துணை மின் நிலையங்களை தாக்க முயன்ற சாராவுக்கு 18 ஆண்டு சிறைத் தண்டனையை அமெரிக்காவின் மேரிலேண்ட் நீதிமன்றம் விதித்தது. ➤பாகிஸ்தானின் குர்ரமில் வசிக்கும் பழங்குடி குழுக்கள் இடையே ஏற்பட்ட மோதலில் 36 பேர் உயிரிழந்தனர்.
News September 27, 2024
MONKEY POX: மாநிலங்களுக்கு மத்திய அரசு கடிதம்
குரங்கு அம்மை தடுப்பு குறித்து மாநிலங்களுக்கு மத்திய சுகாதாரத்துறை செயலாளர் அபூர்வா சந்திரா கடிதம் எழுதியுள்ளார். அதில் அவர், தடுப்பு நடவடிக்கைகளை எடுப்பதோடு, மக்களிடையே விழிப்புணர்வு ஏற்படுத்த வேண்டும் என்று வலியுறுத்தியுள்ளார். சந்தேகத்திற்கிடமான, உறுதிப்படுத்தப்பட்ட நோயாளிகளை தனிமைப்படுத்தும் வசதிகள், மருத்துவ உபகரணங்களை தயாராக வைத்திருக்கவும் அறிவுறுத்தியுள்ளார்.
News September 27, 2024
நாளையே கடைசி: NTPC நிறுவனத்தில் வேலை
மத்திய அரசின் NTPC நிறுவனத்தில் காலியாக இருக்கும் 250 இடங்களுக்கு வேலைவாய்ப்புக்கு விண்ணப்பிக்க நாளையே கடைசி நாளாகும். NTPCஇல் பல்வேறு துறைகளில் காலியாக இருக்கும் துணை மேலாளர் பதவிகளுக்கு விண்ணப்பப்பதிவு நடைபெறுகிறது. இதற்கு 3-10 ஆண்டு வரை முன் அனுபவம், BE, B-TECH தேர்ச்சி அவசியம். இதுகுறித்த கூடுதல் விவரங்களை NTPCஇன் www.careers.ntpc.co.in இணையதளத்தில் பார்த்து தெரிந்து கொள்ளலாம்.
News September 27, 2024
விளையாட்டு துளிகள்
➤Macau Super 300 Badminton: 2ஆவது சுற்றில் இந்தியாவின் ஸ்ரீகாந்த், சக வீரர் ஆயுஷ் ஷெட்டியை வீழ்த்தி காலிறுதிக்கு முன்னேறினார். ➤Youth ODI Series: ஆஸி. அணிக்கு எதிரான ODI தொடரை இந்திய அணி ‘ஹாட்ரிக்’ (3-0) வெற்றியுடன் கைப்பற்றியது. ➤F1 Singapore Grand Prix: டைட்டில் சுற்றில் லாண்டோ நோரிஸ் 516 புள்ளிகளுடன் முதலிடம் பிடித்தார். ➤ENG – AUS அணிகள் மோதும் 4ஆவது ODI போட்டி லார்ட்ஸில் இன்று நடைபெறுகிறது.
News September 27, 2024
பெட்ரோல், டீசல் விலை குறைய வாய்ப்பு
சர்வதேச சந்தையில் கச்சா எண்ணெய் விலை சரிவு அடைந்திருப்பதால், இந்தியாவில் பெட்ரோல், டீசல் விலை ₹3 வரை குறைக்கப்படலாம் என இக்ரா தரக் குறியீட்டு நிறுவனம் தெரிவித்துள்ளது. மார்ச்சில் ₹2 குறைக்கப்பட்டபோது, கச்சா எண்ணெய் விலை பேரலுக்கு 83-84 டாலராக இருந்தது. ஆனால், தற்போது 74 டாலராக குறைந்துள்ளதால், எண்ணெய் நிறுவனங்களின் லாபம் அதிகரித்துள்ளது. எனவே விலை குறைய வாய்ப்புள்ளது எனக் கூறியுள்ளது.
News September 27, 2024
கூட்டணியில் இருந்து திருமாவை பிரிக்க முடியாது: திமுக
கூட்டணியில் இருந்து திருமாவை யாராலும் பிரிக்க முடியாது என்று திமுக தெரிவித்துள்ளது. திமுக மாணவர் அணி தலைவர் ராஜீவ் காந்தி அளித்துள்ள பேட்டியில், கூட்டணி குறித்து ஆதவ் அர்ஜுனா வெளியிட்ட கருத்து அவரின் சொந்த கருத்து. அதற்கு பதில் சொல்ல முடியாது என்று கூறினார். திமுக கூட்டணி, கொள்கை கூட்டணி. அதில் இருந்து திருமாவை பிரிக்கலாம் என்ற அதிமுக போன்ற கட்சிகளின் கனவு நனவாகாது என்றும் அவர் தெரிவித்தார்.
News September 27, 2024
புதிய சாதனையை நோக்கி அஸ்வின், ஜடேஜா
BAN எதிரான 2ஆவது டெஸ்ட்டில் ஜடேஜா மற்றும் அஸ்வின் புதிய சாதனை படைப்பார்கள் என்ற எதிர்பார்ப்பு எழுந்துள்ளது. இப்போட்டியில் மேலும் ஒரு விக்கெட் எடுத்தால் டெஸ்டில் 300 wkt மற்றும் 3,000 ரன்களை வேகமாக எடுத்த 2ஆவது வீரர் என்ற சாதனையை ஜடேஜா படைப்பார். அதே போல் அஸ்வினும் இந்த போட்டியில் 9 விக்கெட் வீழ்த்தினால் நாதன் லயனை ஓவர்டேக் செய்து அதிக விக்கெட் எடுத்தவர்கள் பட்டியலில் 7ஆவது இடத்தை பிடிப்பார்.
Featured News
Sorry, no posts matched your criteria.