News November 18, 2024
தவெகவுடன் கூட்டணியா? அதிமுக விளக்கம்
2026 தேர்தலில் ADMK- TVK கூட்டணி பேச்சுவார்த்தை நடந்து வருவதாகவும், ADMKவுக்கு 154, TVKவுக்கு 80 என தொகுதி பங்கீடு செய்ய உள்ளதாகவும் செய்திகள் பரவின. TVK தரப்பு இந்த தகவலை திட்டவட்டமாக மறுத்தது. இந்நிலையில், அதிமுக முன்னாள் அமைச்சர் பொன்னையன், TVKவுடன் கூட்டணி வைப்பதாக எப்போது அறிவித்தோம் எனக் கேள்வி எழுப்பியுள்ளார். மேலும், கூட்டணி வைப்பது தொடர்பாக எந்த முடிவும் எடுக்கவில்லை என்றார்.
Similar News
News November 20, 2024
T20 WC: பாகிஸ்தான் செல்ல மத்திய அரசு அனுமதி மறுப்பு
இந்திய பார்வையற்றோர் கிரிக்கெட் அணி பாகிஸ்தானில் நடைபெறும் டி20 உலகக் கோப்பையில் பங்கேற்க மத்திய அரசு அனுமதி மறுத்துள்ளது. பாகிஸ்தானில் நவம்பர் 23 முதல் டிசம்பர் 3 வரை பார்வையற்றோர் T20 உலகக் கோப்பை நடைபெற உள்ளது. இதில் பங்கேற்க இந்திய பார்வையற்ற கிரிக்கெட் அணி, மத்திய அரசிடம் அனுமதி கோரியிருந்தது. தற்போது அனுமதி மறுக்கப்பட்டுள்ளதால் இந்திய அணியின் பயணம் ரத்து செய்யப்பட்டுள்ளது.
News November 20, 2024
தமிழில் எல்.ஐ.சி இணையதளம்: ஓபிஎஸ்
தமிழில் எல்.ஐ.சி இணையதளத்தை உருவாக்க மத்திய அரசு நடவடிக்கை எடுக்க வேண்டும் என ஓபிஎஸ் வலியுறுத்தியுள்ளார். எல்ஐசி இணையதள முகப்பு பக்கம் ஹிந்தியில் மாற்றப்பட்டதற்கு கண்டனம் தெரிவித்துள்ள அவர், இந்தி திணிப்பை தமிழக மக்கள் ஒருபோதும் ஏற்றுக்கொள்ள மாட்டார்கள் என்றார். இருமொழி கொள்கையில் உறுதியாக இருப்பதாகவும், விருப்பம் உள்ளவர்கள் ஹிந்தி கற்றுக்கொள்வதில் தவறில்லை எனவும் குறிப்பிட்டுள்ளார்.
News November 20, 2024
தினம் ஒரு திருக்குறள்
▶குறள் பால்: அறத்துப்பால்
▶அதிகாரம்: செய்ந்நன்றி அறிதல்
▶குறள் எண்: 104
▶குறள்:
தினைத்துணை நன்றி செயினும் பனைத்துணையாக்
கொள்வர் பயன்தெரி வார்.
▶பொருள்: ஒருவன் தினையளவாகிய உதவியைச் செய்த போதிலும் அதன் பயனை ஆராய்கின்றவர், அதனையே பனையளவாகக் கொண்டு போற்றுவர்.