News March 17, 2024
அதிமுக கூட்டணியில் மனிதநேய ஜனநாயக கட்சி
தேர்தல் நெருங்கி விட்டதால், கூட்டணியை இறுதி செய்வதில் அதிமுக தீவிரம் காட்டி வருகிறது. ஏற்கெனவே, புதிய தமிழகம், புரட்சி பாரதம், எஸ்.டி.பி.ஐ உள்ளிட்ட பல கட்சிகள் அதிமுக கூட்டணியில் இணைந்துள்ளன. இந்நிலையில், மக்களவைத் தேர்தலில் அதிமுக தலைமையிலான கூட்டணிக்கு ஆதரவு தெரிவித்து, அதிமுக பொதுச்செயலாளர் இபிஎஸ்ஸை மனிதநேய ஜனநாயக கட்சியினர் நேரில் சந்தித்து, ஆதரவு கடிதத்தை வழங்கினர்.
Similar News
News October 18, 2025
விஜய் உடன் கூட்டணியா? முக்கிய ஆலோசனை
ஆட்சி அதிகாரத்தில் பங்கு என்ற விஜய்யின் பேச்சுக்கு புதிய தமிழகம் கட்சியின் தலைவர் கிருஷ்ணசாமி ஆரம்பம் முதலே ஆதரவு தெரிவித்து வருகிறார். NDA-வில் இருந்து அவர் விலகிய பின்னர், விஜய் உடன் கூட்டணியில் இணைய உள்ளதாக கூறப்பட்டது. இதனிடையே, TVK கூட்டணி தொடர்பாக தனது கட்சி நிர்வாகிகளுடன் அவர் ஆலோசனை நடத்தினாராம். மேலும், ஜன.7-ல் மதுரை மாநாட்டிற்கு முன்னதாக கூட்டணியை இறுதி செய்ய உள்ளதாக தகவல் கசிந்துள்ளது.
News October 18, 2025
BJP வாஷிங் மெஷின் வெளுப்பது எப்படி? CM ஸ்டாலின்
ஊழல்வாதிகள் BJP கூட்டணிக்கு வந்தபிறகு வாஷிங் மெஷினில் வெளுப்பது எப்படி என CM ஸ்டாலின் கேள்வி எழுப்பியுள்ளார். மேலும், எதிர்க்கட்சிகள் ஆளும் மாநிலங்களில், கவர்னர்களை வைத்து குழப்பம் விளைவிப்பது ஏன் உள்ளிட்ட கேள்விகளை தனது X பக்கத்தில் எழுப்பியுள்ளார். இதற்கெல்லாம் பதில் வருமா? அல்லது வழக்கம்போல் வாட்ஸ்ஆப் யுனிவர்சிட்டியில் பொய் பிரசாரம் தொடருமா எனவும் கடுமையாக சாடியுள்ளார்.
News October 18, 2025
நக்சல் இல்லாத நாடாக இந்தியா மாறும்: PM
இந்தியாவில் கடந்த 3 நாள்களில் மட்டும் 303 நக்சலைட்கள் சரணடைந்துள்ளதாக PM மோடி தெரிவித்துள்ளார். டெல்லியில் நடைபெற்ற நிகழ்ச்சியில் பேசிய அவர், நக்சல் பயங்கரவாதத்தில் மகன்களை இழந்த தாய்மார்களின் வலி தனக்கு தெரியும் என்று கூறினார். அந்த தாய்மார்களின் ஆசிகளுடன், இந்தியா விரைவில் நக்சல் பயங்கரவாதத்திலிருந்து முழுமையாக விடுபடும் என்பதில் தான் உறுதியாக இருப்பதாக PM குறிப்பிட்டார்.