News January 8, 2026
புயல் சின்னம்: 7 மாவட்டங்களுக்கு மழை அலர்ட்
வங்கக்கடலில் 155 ஆண்டுகளுக்கு பிறகு, ஜனவரி மாதத்தில் உருவான காற்றழுத்த தாழ்வுப்பகுதி, ஆழ்ந்த தாழ்வு மண்டலமாக (புயல் சின்னம்) வலுப்பெற்றுள்ளது. தற்போது மணிக்கு 15 கிமீ வேகத்தில் நகர்ந்து வரும் இது, சென்னைக்கு கிழக்கே 940 கிமீ தொலைவில் உள்ளது. இதனால், நாகை, மயிலாடுதுறை, புதுக்கோட்டை, ராமநாதபுரம், தஞ்சை, திருவாரூர், தூத்துக்குடியில் அடுத்த 3 மணி நேரத்திற்கு மழை பெய்யக்கூடும் என IMD கூறியுள்ளது.
Similar News
News January 28, 2026
அம்பேத்கர் பொன்மொழிகள்
*அறிவை தேடி ஓடுங்கள். நாளைய வரலாறு உங்கள் நிழலாக தேடி ஓடி வரும். *சமூகத்தை உயர்த்த வேண்டும் என்ற விழுமிய நோக்கத்தில் உந்தப்படுபவரே உயர்ந்த மனிதர். *ஒரு லட்சியத்தை மேற்கொள்ளுங்கள், அதை அடைவதற்காக விடாமுயற்சியுடன் உழைத்து முன்னேறுங்கள். *ஒரு மனிதனின் சிறந்த அடையாளம் சுய மரியாதை, அதை இழந்து வாழ்வதுதான் பெரிய அவமானம். *எப்போதோ சொன்ன ஒரு கருத்தை சிந்தனையுள்ள எந்த மனிதனும் பிடித்து கொண்டிருக்கமாட்டான்.
News January 28, 2026
விஜய்யை டார்கெட் செய்யும் இரு கூட்டம்: கெளதமன்
நெருக்கடிகளை தாண்டி விஜய் அசராமல் நிற்பதாக இயக்குநர் கெளதமன் தெரிவித்துள்ளார். மேலும், தேர்தலுக்கு முன்னதாக அவரை முடக்க ஒரு கூட்டமும், தங்கள் கூட்டணிக்குள் இழுத்து ஜெயிக்க ஒரு கூட்டமும் உள்ளது என்றும், இதைத்தாண்டி வெற்றிபெற விஜய் என்ன வியூகம் அமைக்கிறார் என்பது முக்கியம் எனவும் கூறியுள்ளார். மேலும் அண்ணா முதல் இன்றைய CM, DCM வரை அனைவருமே சினிமாவில் இருந்து வந்தவர்கள் தான் எனவும் பேசியுள்ளார்.
News January 28, 2026
இஸ்லாமியர்களை நிறைய குத்தி கிழித்துவிட்டோம்: தமிழ்
இஸ்லாமியர்களுக்கு ஆதரவாக பேசாவிட்டாலும், எதிராக பேசி விடாதீர்கள். அது இன்றைய சூழலில் மிகப்பெரிய ஆபத்தாகிவிடும் என இயக்குநர் தமிழ் பேசியுள்ளார். மேலும் 70 வருட சினிமாவில் இஸ்லாமியர்களை கார்னர் செய்து பல படங்கள் எடுத்து அம்மக்களை நிறைய குத்தி கிழித்துவிட்டோம் என்றும், சுதந்திர காலகட்டம் தொடங்கி சமகாலம் வரை எல்லா போராட்டத்திலும் நம்முடன் அவர்கள் நின்று போராடினர் எனவும் தெரிவித்துள்ளார்.