News October 12, 2025
‘அதிமுகவுடன் விஜய் கூட்டணி இல்லை’
அதிமுக கூட்டணிக்கு விஜய் ஒருபோதும் செல்ல மாட்டார் என்று பெங்களூரு புகழேந்தி தெரிவித்துள்ளார். ‘அதோ பாருங்கள் கொடி’ என தவெக கொடியை காண்பித்து இபிஎஸ் அரசியல் செய்வதாக குற்றஞ்சாட்டிய அவர், சொந்த கட்சிக்காரர்களை (அதிமுகவினர்) அடுத்த கட்சியின் கொடியை பிடிக்க செய்யும் அவமானம் அதிமுகவுக்கு ஏற்பட்டுள்ளதாக சாடினார். இபிஎஸ் இருக்கும் வரை விஜய் கூட்டணிக்கு வர வாய்ப்பே இல்லை என்றார்.
Similar News
News October 12, 2025
சீக்கிரம் இந்த அரசு வேலைக்கு அப்ளை பண்ணுங்க
மத்திய அரசு பள்ளிகளில் (EMRS) உள்ள 7,267 ஆசிரியர் & ஆசிரியர் அல்லாத பணியிடங்களை நிரப்ப விண்ணப்பங்கள் வரவேற்கப்படுகின்றன. B.Ed முடித்த 55 வயதுக்குட்பட்டவர்கள் விண்ணப்பிக்கலாம். ஆசிரியர் அல்லாதவர்களுக்கு ₹18,000- ₹1,12,400 வரையும், ஆசிரியர்களுக்கு ₹35,400 – ₹2,09,200 வரையும் சம்பளம் வழங்கப்படும். வரும் அக்டோபர் 23-ம் தேதி வரை இதற்கு விண்ணப்பிக்கலாம். முழு தகவலுக்கு இங்கே கிளிக் செய்யவும். SHARE.
News October 12, 2025
அமெரிக்க மியூசியத்தில் காந்தாரா பஞ்சுருளி!
காந்தாரா திரைப்படத்தால் பிரபலமான, துளு நாட்டின் பாரம்பரிய சின்னமான பஞ்சுருளி முகா முகமூடி, இப்போது உலக அளவில் அங்கீகாரம் பெற்றுள்ளது. பல வருடங்களாக பாதுகாக்கப்பட்டு வந்த இந்த அரிய கலைப் பொருள், தற்போது USA, வாஷிங்டனில் உள்ள NMAA-வில் நிரந்தர இடத்தை பிடித்துள்ளது. இது இந்தியாவின் கலாச்சாரம், கலை மற்றும் நாட்டுப்புற மரபுகளை உலக அரங்கில் இணைக்கும் ஒரு சாதனையாக பார்க்கப்படுகிறது.
News October 12, 2025
சீன அதிபருடனான டிரம்பின் சந்திப்பு ரத்தாகிறதா?
சீனப் பொருள்களுக்கு 100% கூடுதல் வரி விதித்தது அமெரிக்காவின் இரட்டை நிலைப்பாட்டை காட்டுவதாக சீனா விமர்சித்துள்ளது. USA-வின் இந்நடவடிக்கை சீனாவின் அரிதான உலோக ஏற்றுமதி கட்டுப்பாடுகளுக்கு எதிரான நடவடிக்கை என தெரிவித்துள்ளது. மேலும், இதனால் சீன அதிபர் ஜி ஜின்பிங் உடன் நடக்கவுள்ள டிரம்பின் சந்திப்பு ரத்து செய்யப்படலாம் எனவும் மிரட்டியுள்ளது.