News October 11, 2025
தங்கம் விலை அதிரடியாக குறைந்தது.. காரணம் என்ன?
தங்கம் விலை நேற்று முன் தினத்துடன் ஒப்பிடுகையில் நேற்று சவரனுக்கு ₹680 குறைந்தது. இதனால், தற்போதைய நிலவரப்படி சவரன் ₹90,720-க்கு விற்பனையாகிறது. இன்னும் சற்று நேரத்தில் விலை மாற்றம் இருந்தாலும், கடந்த வாரத்தில் இருந்ததைப்போல பெரிய அளவில் இருக்காது என வியாபாரிகள் கூறியுள்ளனர். USD-க்கு நிகரான ரூபாயின் மதிப்பு உயர்வு, பங்குச்சந்தை உயர்வால் முதலீட்டாளர்களின் கவனம் திரும்பியுள்ளதாக தெரிவிக்கின்றனர்.
Similar News
News October 11, 2025
கடன் தொல்லை நீங்க… சனிக்கிழமை இத செய்யுங்க
ஸ்ரீமகாவிஷ்ணுவின் எல்லா அவதாரங்களிலும் உடனிருந்து தீமைகளை அழித்தவர் சுதர்சனர் (எ) சக்கரத்தாழ்வார். வாழ்வில் ஒளிதரும் அவரது திருவருள் இருந்தால், கடன் இல்லாத வாழ்க்கை அமையுமாம். சனிக் கிழமைகளில் பெருமாள் கோயிலுக்கு சென்று அங்குள்ள ஸ்ரீசக்கரத்தாழ்வாருக்கு துளசி மாலை சாத்தி, 12 முறை வலம் வந்து ‘ஸ்ரீசுதர்சன மஹா’ மந்திரம் பாடி மனமுருகி வேண்டினால் கடனால் உண்டான சங்கடம் நீங்கும் என்பது நம்பிக்கை.
News October 11, 2025
ரிலையன்ஸ் குழும முக்கிய நிர்வாகி கைது
அனில் அம்பானிக்கு நெருக்கமானவரும், ரிலையன்ஸ் பவர் நிறுவனத்தின் தலைமை நிதி அதிகாரியுமான அசோக் குமார் பால் என்பவரை ED கைது செய்துள்ளது. தொடர்ந்து, 2 நாள்கள் கஸ்டடியில் எடுக்கப்பட்டு அவரிடம் விசாரணை நடத்தப்பட்டு வருகிறது. சோலார் எனர்ஜி கார்ப்பரேஷன் ஆஃப் இந்தியா நிறுவனத்திடம் போலி வங்கி உறுதிச் சான்றிதழை அளித்து இவர் மோசடியில் ஈடுபட்டதாக குற்றச்சாட்டு எழுந்துள்ளது.
News October 11, 2025
ஆட்சியில் பங்கு, அதிக சீட்டு: காங்., எம்.பி. உறுதி
தமிழகத்தில் ஆட்சியிலும் பங்கு, அதிகாரத்திலும் பங்கு என்பது அனைத்து காங்கிரஸ் கட்சியினரின் விருப்பமாகும் என்று கன்னியாகுமரி காங்கிரஸ் எம்.பி. விஜய் வசந்த் தெரிவித்துள்ளார். திமுக – காங்., இடையே தொடர்ந்து சில சலசலப்புகள் இருந்து வரும் நிலையில், வரும் தேர்தலில் அதிக சீட்டுகளை கேட்டு வாங்குவதில் காங்கிரஸ் கட்சி உறுதியாக உள்ளது என்று விஜய் வசந்த் குறிப்பிட்டுள்ளார்.