News October 17, 2025
தீபாவளிக்கு 4 நாள் விடுமுறை.. தமிழக அரசு அறிவிப்பு
தீபாவளிக்கு அடுத்த நாளான அக்.21-ம் தேதியை விடுமுறை நாளாக தமிழக அரசு அறிவித்துள்ளது. ஏற்கெனவே, சனி, ஞாயிறு உள்பட தீபாவளிக்கு 3 நாள்கள் தொடர் விடுமுறையாக இருந்தது. தற்போது, அரசு ஊழியர்கள் உள்பட பல்வேறு தரப்பினரின் கோரிக்கையை ஏற்று கூடுதலாக ஒருநாள் விடுமுறை அளிக்கப்பட்டுள்ளது. இதனை ஈடுசெய்யும் விதமாக அக்.25(சனிக்கிழமை) வேலை நாள் எனவும் தமிழக அரசு அறிவித்துள்ளது.
Similar News
News October 18, 2025
மெஹுல் சோக்ஷியை நாடு கடத்த உத்தரவு
பல்வேறு வங்கிகளில் ₹13,000 கோடி கடன் மோசடி செய்துவிட்டு, வைர வியாபாரி மெஹுல் சோக்ஷி பெல்ஜியம் தப்பி சென்றார். இந்நிலையில் இந்திய அரசின் வேண்டுகோளை ஏற்று அவரை பெல்ஜியம் அரசு கைது செய்தது. இந்நிலையில், இந்தியாவுக்கு அவரை நாடு கடத்த அந்நாட்டு நீதிமன்றம் உத்தரவிட்டுள்ளது. ஆனால் அவர் மேல்முறையீடு செய்ய வாய்ப்புள்ளதால் உடனடியாக நாடுகடத்த சாத்தியமில்லை என தெரிகிறது.
News October 18, 2025
அதிமுகவை EPS அழித்து வருகிறார்: TTV தினகரன்
துரோகத்தின் நஞ்சு செடியாக இருந்து கட்சியை EPS அழித்து வருவதாக டிடிவி தினகரன் விமர்சித்துள்ளார். அதிமுக கட்சி என்பது EPS என்ற தனிநபரின் கட்டுபாட்டில் உள்ளதாகவும் அவர் குற்றம்சாட்டியுள்ளார். மேலும், வரும் தேர்தலில் அமமுக கூட்டணி, துரோகிகளுக்கு பாடம் புகட்டுவதோடு மட்டுமில்லாமல், வெற்றி கூட்டணியாகவும் அமையும் என உறுதிபட தெரிவித்துள்ளார்.
News October 18, 2025
பாத்ரூமுக்கு போனுடன் செல்பவரா நீங்கள்?
பாத்ரூமுக்கு போனுடன் போவது உங்கள் கட் (Gut) ஹெல்த்தை பாதிக்கும் என்று டாக்டர்கள் எச்சரிக்கின்றனர். டாய்லெட்டில் நீண்டநேரம் அமர்ந்து கையில் போனை நோண்டிக் கொண்டிருப்பது குடலுக்கு அதிக அழுத்தத்தை தருவதால் மூலநோய் வரும் ஆபத்து 46% அதிகரிக்கிறதாம். ஆகவே, பாத்ரூமில் போன் பயன்படுத்துவதை குறையுங்கள். நார்ச்சத்துள்ள உணவுகளை சாப்பிடுவதுடன், தேவையான அளவு தண்ணீர் குடியுங்கள் என்று அறிவுறுத்துகின்றனர்.