News October 16, 2024
வேலூரில் அடுத்த 3 மணி நேரத்திற்கு மழை
தமிழகத்தில் வடகிழக்கு பருவமழை தொடங்கிய நிலையில், இன்று காலை10 மணி வரை தமிழகத்தின் 10 மாவட்டங்களில் மழைக்கு வாய்ப்புள்ளதாக சென்னை வானிலை ஆய்வு மையம் அறிவித்துள்ளது. அதன்படி இன்று காலை 10 மணி வரை வேலூரில் மாவட்டத்தின் பல்வேறு பகுதிகளில் மிதமான மழை பெய்யக்கூடும் எனத் தெரிவிக்கப்பட்டுள்ளது. எனவே, வெளியில் செல்லுவோர் பாதுகாப்பாக செல்லுமாறு அறிவுறுத்தப்படுகிறது.
Similar News
News November 20, 2024
சிறுமியை பாலியல் வன்கொடுமை செய்த 3 பேர் கைது
அணைக்கட்டு பகுதியில் 9ஆம் வகுப்பு படிக்கும் 13 வயது சிறுமியை அதே பகுதியைச் சேர்ந்த வீரப்பன், இளமதன், சின்னராசு, ஆகிய மூன்று பேர் கடந்த 16ஆம் தேதி பாலியல் வன்கொடுமை செய்துள்ளனர். இது குறித்து சிறுமியின் தந்தை நேற்று (நவ 19) வேலூர் அனைத்து மகளிர் காவல் நிலையத்தில் புகார் அளித்துள்ளார். அதன் பேரில் சிறுமியை வன்கொடுமை செய்த மூன்று பேரையும் தேடி வந்த நிலையில் தற்போது கைது செய்துள்ளனர்.
News November 20, 2024
யானை தந்தம் பதுக்கிய வழக்கில் 9 பேர் அதிரடி கைது
வேலூர் மாவட்டம், அரியூரில் உள்ள ஒரு வீட்டில் யானை தந்தம் ஒதுக்கி வைத்திருப்பதாக மாவட்ட வனத்துறையினருக்கு ரகசிய தகவல் கிடைத்தது. அதன்பேரில் வனத்துறையினர் நடத்திய சோதனையில் யானைத் தந்தம் பதுக்கி வைத்திருந்த பாஜக மாவட்ட இளைஞரணி செயலாளர் சரத்குமார் (32), சம்பத் (57), மணிகண்டன் (37), குமார் (37), அனீப் (52), பழனி (68), தனபால் (63), ரவி (52), தரணிகுமார் (57) ஆகிய 9 பேரை வனத்துறையினர் கைது செய்தனர்.
News November 20, 2024
வேலூர் மாவட்டத்தில் 14 போலீசார் பணியிட மாற்றம் எஸ்பி உத்தரவு
வேலூர் மாவட்டத்தில் உள்ள காவல் நிலையங்களில் பணியாற்றி வரும் ஏட்டு மற்றும் சிறப்பு சப் இன்ஸ்பெக்டர்கள் பணியிட மாற்றம் செய்யப்பட்டுள்ளனர். அதன்படி விருஞ்சிபுரத்தில் சிறப்பு சப்-இன்ஸ்பெக்டராக பணியாற்றிய நடராஜன் சத்துவாச்சாரிக்கும், மேல்பாடியில் ஏட்டு சிவக்குமார் விருதுபட்டுக்கும் என மாவட்டம் முழுவதும் 14 போலீசாரை பணியிட மாற்றம் செய்து எஸ்பி மதிவாணன் உத்தரவிட்டுள்ளார்.