News March 25, 2024
முன்னாள் படை வீரர்களுக்கு ஒரு முக்கிய செய்தி
தூத்துக்குடி மாவட்டத்தில் தேர்தல் பாதுகாப்பு பணிக்கு விருப்பம் உள்ள 65 வயதிற்கு உட்பட்ட தூத்துக்குடி மாவட்டத்தைச் சார்ந்த முன்னாள் இளநிலை படை அலுவலர்கள் (JCO’s) மற்றும் இதர முன்னாள் படைவீரர்கள் (OR) தங்கள் விருப்பத்தினை தெரிவிக்கலாம். அதன்படி முன்னாள் படைவீரர் நல உதவி இயக்குநர் அலுவலகம், தூத்துக்குடியில், தங்களது படைவிலகல் சான்று, அடையாள அட்டை ஆகியவற்றுடன் விண்ணப்பிக்கலாம் என கூறப்படுகிறது.
Similar News
News November 19, 2024
தூத்துக்குடி வ.உ.சி. துறைமுகம் சாதனை
தூத்துக்குடி வ.உ.சிதம்பரனார் துறைமுகத்தில் ஆண்டு முழுவதும் பல லட்சம் டன் சரக்குகள் கையாளப்படுகின்றன. துறைமுகத்தில் உள்ள நான்காவது சரக்கு தளத்தில் 29,212 டன் நிலக்கரி கையாண்டு சாதனை படைக்கப்பட்டுள்ளதாக துறைமுக நிர்வாகம் தெரிவித்துள்ளது. இதற்கு முன்பு 25,900 நிலக்கரி கையாண்ட சாதனை முறியடிக்கப்பட்டுள்ளதாகவும் கூறியுள்ளனர்.
News November 19, 2024
தூத்துக்குடி மாவட்டத்தில் பெய்த மழை அளவு விவரம்
தூத்துக்குடி மாவட்டத்தில் இன்று(நவ.,19) காலை 7 மணி வரை பெய்த மழை அளவு விவரம் அறிவிக்கப்பட்டுள்ளது. அதிகபட்சமாக குலசேகரப்பட்டினத்தில் 20 மில்லி மீட்டர் மழை பெய்துள்ளது. திருச்செந்தூர் 15, காயல்பட்டினம் 13, கயத்தாறு 10 மில்லி மீட்டர் மழை பெய்தது. ஓட்டப்பிடாரம் 4.50m சாத்தான்குளம் 3.40, மில்லி மீட்டர் கடம்பூர் வைப்பார் தலா 3 மில்லி மீட்டர் மழை பெய்துள்ளது.
News November 19, 2024
தூத்துக்குடியில் சைபர் மோசடி: உடனே ‘1930’-க்கு CALL பண்ணுங்க!
தூத்துக்குடி மாவட்டத்தில் சைபர் கிரைம் பண மோசடியில் சிக்கி பாதிக்கப்பட்டு வருகின்றனர். இந்நிலையில் தூத்துக்குடி மாவட்ட காவல்துறை நேற்று(நவ.,18) வெளியிட்டுள்ள எச்சரிக்கையில், இணையதளங்களில் வரும் போலியான பண மோசடி விளம்பரங்கள் மற்றும் தொலைபேசி அழைப்புகளை நம்பி ஏமாற வேண்டாம். இணையதள மோசடியில் பணம் கொடுத்து ஏமாற்றப்பட்டால் உடனடியாக ‘1930’ என்ற எண்ணுக்கு அழைக்க வேண்டும் என்றும் அறிவுறுத்தியுள்ளனர்.