News October 26, 2024
மருதமலை செல்வோர் கவனத்திற்கு
தீபாவளி பண்டிகை மற்றும் தொடர் அரசு விடுமுறை நாட்கள் வருவதால் அதிக அளவில் பக்தர்கள் வருகை தருவார்கள். எனவே இதனை கருத்தில் கொண்டு மருதமலை கோவிலில் 31.10.2024 முதல் 3.11.2024 வரை மலைப்பாதையில் கார் உள்ளிட்ட நான்கு சக்கர வாகனங்களில் செல்வதற்கு பக்தர்களுக்கு அனுமதியில்லை. இரு சக்கர வாகனங்கள் மூலமாகவும் மலைப்படிகள் வழியாகவும் பயணம் செய்து பக்தர்கள் சுவாமியை தரிசனம் செய்யலாம்.
Similar News
News November 20, 2024
நேரு கல்விக் குழுமம் ரூ.4 கோடி சொத்து வரி பாக்கி
திருமலையாம்பாளையத்தில் செயல்படும் நேரு கல்விக் குழுமத்தின் கீழ் இரண்டு பொறியியல் கல்லூரி, ஒரு கலை அறிவியல் கல்லூரி, ஹெல்த் சயின்ஸ் கல்லூரி மற்றும் பள்ளி ஆகியவை செயல்படுகின்றன. கடந்த 10 ஆண்டுகளாக ரூ.4 கோடி பேரூராட்சிக்கு செலுத்த வேண்டிய சொத்து வரியை செலுத்தாமல் இருப்பதால், புதிய கட்டிடங்களுக்கு அனுமதி வழங்கக் கூடாது என்று கவுன்சிலர்கள் தீர்மானம் நிறைவேற்றியுள்ளனர்.
News November 20, 2024
கோவை சமூக நலத்துறையில் வேலைவாய்ப்பு
கோவை மாவட்ட ஆட்சியர் அலுவலகத்தில் இயங்கி வருகின்ற சமூக நலத்துறை அதிகாரிகள் இன்று கூறியதாவது: சமூக நலத்துறையின்கீழ் இயங்கி வருகின்ற சேவை மையத்தில் வழக்கு பணியாளர், பன்முக பணியாளர் என மூன்று இடங்களுக்கு பணியாளர்களை நியமிக்க உள்ளது. இதில் கலந்துகொள்ள வகுப்பு அல்லது டிகிரி படித்தவர்கள் விண்ணப்பிக்கலாம் என்று தெரிவித்துள்ளனர்.
News November 20, 2024
கோவை: கல்வி உதவித்தொகை பெற கலெக்டர் அழைப்பு
ஐ.ஐ.டி., ஐ.ஐ.எம்., ஐ.ஐ.ஐ.டி., என்.ஐ.டி. மற்றும் மத்திய பல்கலைக்கழகங்களில் பயிலும் தமிழகத்தைச் சேர்ந்த பிற்படுத்தப்பட்ட, மிகவும் பிற்படுத்தப்பட்ட மற்றும் சீர்மரபினர் இன மாணவர்கள் 2024–25ம் கல்வி ஆண்டிற்கான கல்வி உதவித்தொகை பெற https://bcmbcmw.tn.gov.in/ welfschemes.htm#scholarship_schemes என்ற இணையதள முகவரியில் விண்ணப்பிக்கலாம் என கோவை மாவட்ட கலெக்டர் கிராந்திகுமார் தெரிவித்துள்ளார்.