News March 21, 2024
நெல்லை அல்லது நாங்குநேரிக்கு இடைத்தேர்தல் வருமா..?
நெல்லை பாராளுமன்ற தொகுதியில் பாஜக சார்பில் எம்எல்ஏ நயினார் நாகேந்திரனும், காங்கிரஸ் சார்பில் நாங்குநேரி எம்எல்ஏ ரூபி மனோகரனும் போட்டியிடுவதற்காக தங்கள் கட்சியிடம் சீட்டு கேட்டு நெருக்கடி கொடுத்து வருகின்றனர். ஒருவேளை இவர்களுக்கு சீட் வழங்கபட்டு ஒருவர் வெற்றிபெறும் பட்சத்தில் வெற்றிப்பெற்றவர் தனது எம்.எல்.ஏ பதவியை ராஜினாமா செய்யக்கூடும். இதனால் அந்த தொகுதிக்கு இடைத்தேர்தல் நடைபெற வாய்ப்பு உள்ளது.
Similar News
News April 11, 2025
சோகத்தில் உயிரிழந்த கன்றை வலம் வந்த பசுமாடு
கொண்டாநகரம் விசாலாட்சி நகரில் நேற்று (ஏப்ரல் 10) பிற்பகலில் பசுமாடு ஒன்று கன்று ஈன்றுள்ளது. சிறிது நேரத்தில் அந்த கன்று பரிதாபமாக உயிரிழந்துள்ளது. இதனைத் தொடர்ந்து பசுமாடு தனது இறந்த கன்றை சுற்றிசுற்றி வலம் வந்தது. இச்சம்பவம் அங்கு செல்வோரை கண்கலங்க வைத்தது. மேலும் இந்த புகைப்படம் சமூக வலைதளங்களில் பரவி வருகிறது.
News April 11, 2025
நயினார் நாகேந்திரன் பாஜக தலைவராவதில் சிக்கல்
தமிழக பாரதிய ஜனதா கட்சியின் தலைவராக அண்ணாமலைக்கு பின்னர் திருநெல்வேலி சட்டமன்ற தொகுதி உறுப்பினர் நயினார் நாகேந்திரன் நியமிக்கப்படுவார் என எதிர்பார்க்கப்பட்டு வந்தது. தற்போது பாஜக மாநில தலைவருக்கு புதிய விதிகள் உருவாக்கப்பட்டுள்ளது. அதில் பத்தாண்டுகள் பாஜக உறுப்பினராக இருக்க வேண்டும் என்ற நிலையில் நயினார் நாகேந்திரன் பாஜகவில் இணைந்து 7 ஆண்டுகள் ஆவதால் மாநிலத் தலைவராவதில் சிக்கல் ஏற்பட்டுள்ளது.
News April 10, 2025
119 சமையல் உதவியாளர் காலிப்பணியிடங்கள்
நெல்லை மாவட்டத்தில் இயங்கி வரும் சத்துணவு மையங்களில், 119 சமையல் உதவியாளர் காலி பணியிடங்களுக்கு நேரடி நியமனம் செய்யப்பட உள்ளதாக ஆட்சியர் தகவல் தெரிவித்துள்ளார். இதற்கு தகுதியான பெண்கள், வரும் 15ஆம் தேதி முதல் 26ஆம் தேதி வரை சம்பந்தப்பட்ட ஊராட்சி மற்றும் மாநகராட்சி அலுவலகங்களில் விண்ணப்பிக்கலாம். இதற்கான மாதிரி விண்ணப்ப படிவம் www.tirunelveli.nic.in மாவட்ட இணையதளத்தில் வெளியிடப்பட்டுள்ளது.