News October 27, 2024
ட்ரான்ஸ் இந்தியா நிறுவனம் பெயரில் ரூ.1 கோடி மோசடி
கோவையை தலைமை இடமாக கொண்டு செயல்படும் ட்ரான்ஸ் இந்தியா என்ற நிறுவனம் ராஜபாளையம் மற்றும் அதன் சுற்று வட்டார பகுதி மக்களிடம் ரூ.10,000 கட்டினால் மாதம் ரூ.5000 என ஆசை வார்த்தைக்கூறியுள்ளது. இதில் ரூ.1 கோடிக்கு மேல் மோசடி நடைபெற்றுள்ளதாக மக்கள் நிறுவன ஊழியர் செழியன் என்பவரிடம் வாக்குவாதத்தில் ஈடுபட்டபோது அவர் தப்பிச் சென்றார். தற்போது அவர் வடக்கு காவல் நிலையத்தில் தஞ்சமடைந்துள்ளார்.
Similar News
News November 20, 2024
வரதட்சணை கொடுமை செய்த 8 பேர் மீது வழக்கு
சிவகாசி டி. மானகசேரியை சேர்ந்தவர் மாரிராஜ் சர்க்கரைத்தாய் தம்பதி. திருமணத்தின் போது 30 பவுன் நகை வரதட்சணையாக சர்க்கரைதாய் வீட்டினர் வழங்கிய நிலையில் மேலும் வரதட்சணை கேட்டு கணவர் மாரிராஜ், அவரது பெற்றோர், சகோதரர்கள் உள்ளிட்டோர் கொடுமை செய்துள்ளனர். மனஉளைச்சலடைந்த சர்க்கரைத்தாய் சிவகாசி மகளிர் காவல் நிலையத்தில் அளித்த புகாரில் கணவர் மாரிராஜ் உள்ளிட்ட 8 பேர் மீது வழக்குப்பதிவு செய்யப்பட்டுள்ளது.
News November 19, 2024
12 வருவாய் ஆய்வாளர்கள் பணியிட மாற்றம்
விருதுநகர் மாவட்டத்தில் 12 வருவாய் ஆய்வாளர்களை பணியிட மாற்றம் செய்து விருதுநகர் மாவட்ட நிர்வாகம் அதிரடி உத்தரவு பெற்றுள்ளது. குறிப்பாக ஆட்சியர் அலுவலகத்தில் பணிபுரிந்த வருவாய் ஆய்வாளர் வசந்தி, ஆமத்தூர் பகுதிக்கும், அருப்புக்கோட்டை ஆர்டிஓ அலுவலகத்தில் பணிபுரிந்த சொர்ணலட்சுமி அருப்புக்கோட்டை வருவாய் ஆய்வாளராகவும் பணியிடமாற்றம் செய்து மாவட்ட நிர்வாகம் உத்தரவிட்டுள்ளது.
News November 19, 2024
மருத்துவமனைகள் பாதம் பாதுகாப்போம் திட்டத்தில் இணைப்பு
விருதுநகர் மாவட்டத்தில் நீரிழிவு நோயினால் பாதிக்கப்பட்டவர்களுக்கு ஏற்படும் கால் இழப்புகளை தடுக்க ‘பாதம் பாதுகாப்போம்’ திட்டத்தில் 9 அரசு மருத்துவமனைகள், அரசு மருத்துவக் கல்லூரி மருத்துவமனை மற்றும் 58 ஆரம்ப சுகாதார நிலையங்கள் இணைக்கப்பட்டுள்ளதாக விருதுநகர் மாவட்ட சுகாதார அலுவலர் யசோதா மணி இன்று தகவல் தெரிவித்துள்ளார்.