News June 21, 2024

காஞ்சியில் கள்ளச்சாராயம் விற்ற 17 பேர் கைது

கள்ளக்குறிச்சியில் கள்ளச்சாராயம் அருந்தி 50 பேர் உயிரிழந்த சம்பவம் ஒட்டுமொத்த தமிழகத்தையும் புரட்டிப்போட்டது. இந்நிலையில், காஞ்சிபுரம் மாவட்டம் முழுவதும் மாவட்ட எஸ்.பி. அறிவுறுத்தலின் பேரில் பல்வேறு பகுதிகளில் போலீசார் சோதனை மேற்கொண்டனர். அதில், கள்ளச்சாராயம் விற்பனை செய்த 17 பேரை கைது செய்து சிறையில் அடைக்கப்பட்டனர். மேலும், அவர்களிடம் இருந்து 162 கிலோ எரி சாராயத்தை பறிமுதல் செய்தனர்.