News October 22, 2025
wwc: மழையால் படுதோல்வியை சந்தித்த பாகிஸ்தான்
மகளிர் உலகக்கோப்பை லீக் ஆட்டத்தில் பாகிஸ்தானுக்கு எதிராக முதலில் விளையாடிய தெ.ஆப்பிரிக்கா 312 ரன்களை குவித்தது. கேப்டன் லாரா வால்வார்ட் 90 ரன்கள் அடித்து அணி நல்ல ஸ்கோரை எட்ட உதவினார். ஆனால் மழை குறுக்கிட்டதால், DLS விதிப்படி 20 ஓவர்களில் 234 ரன்கள் அடிக்க வேண்டும் என இலக்கு நிர்ணயிக்கப்பட்டது. இது பாகிஸ்தானுக்கு பெரும் பின்னடைவாக அமைய, 20 ஓவர்களில் 83 ரன்களை மட்டுமே எடுக்க படுதோல்வியடைந்தது.
Similar News
News October 22, 2025
இஸ்லாமியர்களும் குழந்தையை தத்தெடுக்கலாம்: மதுரை HC
இஸ்லாமியர்கள் குழந்தை தத்தெடுப்பதை இஸ்லாம் மதம் அனுமதிக்கவில்லை என்று, தத்தெடுப்பு விண்ணப்பம் நிராகரிக்கப்பட்டுள்ளது. இதுதொடர்பான வழக்கை விசாரித்த மதுரை HC, இஸ்லாமியர்களும், கிறிஸ்தவர்களும் சிறார் நீதிச் சட்டத்தின் கீழ் குழந்தைகளை தத்தெடுக்கலாம். இந்த சட்டத்தில், 2015-ம் ஆண்டு மேற்கொள்ளப்பட்ட திருத்தத்தின்படி, இஸ்லாம், கிறிஸ்தவம் மதத்தில் இருந்தாலும், விருப்பமுள்ளோர் குழந்தைகளை தத்தெடுக்கலாம்.
News October 22, 2025
BIG NEWS: தமிழக அரசு முக்கிய அறிவிப்பு
தஞ்சாவூரில் நடைபெற இருந்த மாநில அளவிலான குடியரசு தின தடகள போட்டிகள், தொடர் மழை காரணமாக ஒத்திவைக்கப்பட்டுள்ளதாக பள்ளி கல்வித்துறை அறிவித்துள்ளது. அக்.24 முதல் அக்.29-ம் தேதி வரை நடைபெற இருந்த தடகள போட்டிகளில் மாநிலம் முழுவதும் இருந்து பள்ளி மாணவர்கள் பங்கேற்கவிருந்தனர். இதனால், பாதுகாப்பு கருதி ஒத்திவைக்கப்பட்டுள்ளதாகவும், போட்டிகளுக்கான தேதி பின்னர் அறிவிக்கப்படும் எனவும் அரசு தெரிவித்துள்ளது.
News October 22, 2025
அதி கனமழை எனக் கணக்கிடுவது எப்படி?
வடகிழக்கு பருவமழை பல மாவட்டங்களில் வெளுத்து வாங்கி வருகிறது. இந்த நிலையில், மழைப்பதிவு எப்படி கணக்கிடப்படுகிறது என்பதை அறிந்து கொள்வோம். *24 மணி நேரத்தில் 21 செ.மீ-க்கு மேல் மழை பதிவானால் அது, அதி கனமழை. *12 செ.மீ., முதல் 20 செ.மீ., வரை பெய்தால் மிக கனமழை. *7 செ.மீ., முதல் 11 செ.மீ., வரை பெய்தால் கனமழை. *2 செ.மீ., முதல் 6 செ.மீ., வரை பெய்தால் மிதமான மழை என வானிலை ஆய்வு மையம் கணக்கிடுகிறது.