News July 1, 2024
கவுதம் கம்பீர் நிபந்தனைக்கு பயந்து ரோஹித் ஓய்வா?
இந்திய அணி பயிற்சியாளராக கவுதம் கம்பீர் நியமிக்கப்படலாம் எனக் கூறப்படும் நிலையில், 2025 சாம்பியன்ஸ் கோப்பை போட்டியில் ரோஹித் ஷர்மா, கோலி உள்ளிட்ட மூத்த வீரர்கள் சரியாக விளையாடவில்லையெனில் அணியிலிருந்து நீக்க வேண்டுமென நிபந்தனை விதித்திருப்பதாக செய்திகள் வெளியாகின. அப்படியொரு சூழல் ஏற்பட்டால், அவமானம் என அஞ்சியே டி20இல் இருந்து ரோஹித் ஓய்வு பெற்றதாக தகவல் வெளியாகியுள்ளது.
Similar News
News September 20, 2025
குட் பேட் அக்லியில் இளையராஜா பாடல்கள் கட்
இளையராஜா தொடுத்த காப்பிரைட் வழக்கை அடுத்து, Netflix தளத்திலிருந்து ‘குட் பேட் அக்லி’ படம் நீக்கப்பட்டது. இந்நிலையில், மீண்டும் படம் ஸ்ட்ரீமிங் ஆகியுள்ளது. அதில், பழைய பாடல்களுக்கு பதிலாக ஜிவியின் புதிய பின்னணி இசை மற்றும் படத்தில் இடம்பெற்ற ‘புலி புலி’ பாடல் சேர்க்கப்பட்டுள்ளது. இது சரியாக பொருந்தியுள்ளது என்று சிலரும், பழைய பாடல்களே மொரட்டு வைபாக இருந்தது என்று சிலரும் கூறி வருகின்றனர்.
News September 20, 2025
நான் பேசுவதே 3 நிமிடம் தான்: விஜய்
தனது தேர்தல் பரப்புரைக்கு கடும் கட்டுப்பாடுகள் விதிக்கப்படுவதாக விஜய் விமர்சனம் செய்துள்ளார். நாகை பரப்புரையில் பேசிய அவர், அங்கே பேசக் கூடாது, இங்கே பேசக் கூடாது என கட்டுப்பாடுகள் விதிக்கப்படுவதாக குறிப்பிட்டார். மேலும், 5 நிமிடங்கள்தான் பேச வேண்டுமென கூறுவதாகவும், தான் பேசுவதே 3 நிமிடங்கள்தான் என்றும் விஜய் கிண்டலாக கூறினார். விஜய் பரப்புரைக்கான கட்டுப்பாடுகளை எப்படி பார்க்குறீங்க?
News September 20, 2025
திருவாரூர் கருவாடாக காய்கிறது: விஜய்
திருவாரூரில் தேர்தல் பரப்புரை மேற்கொண்ட விஜய், திமுகவை நேரடியாக தாக்கி பேசினார். திருவாரூர் தேரை ஓட வைத்தவர் என கருணாநிதிக்கு திமுகவினர் புகழாரம் சூட்டி வருவதாக குறிப்பிட்ட அவர், நன்றாக ஓட வேண்டிய தமிழகம் எனும் தேரை நாலாப் பக்கமும் கட்டையை போட்டு ஸ்டாலின் நிறுத்திவிட்டதாக குற்றஞ்சாட்டினார். எந்த அடிப்படை வசதிகளும் இல்லாமல் திருவாரூர் கருவாடாக காய்கிறது என்றும் அவர் விமர்சனம் செய்தார்.