News September 17, 2025
ரஜினி- கமல் படத்தை இயக்க யார் கரெக்ட் சாய்ஸ்?
சுமார் 48 ஆண்டுகளுக்கு பிறகு, உச்ச நட்சத்திரங்களான ரஜினியும் கமலும் இணைந்து நடிப்பது கிட்டத்தட்ட உறுதியாகி விட்டது. ஆனால், இப்படத்தை லோகேஷ் கனகராஜ் இயக்குவார் என கூறப்பட்டு வந்த நிலையில், ரஜினி இன்னும் டைரக்டர் முடிவாகவில்லை என கூறிவிட்டார். அப்படியென்றால், இவர்களை இயக்க சரியான டைரக்டர் யார் என நினைக்குறீர்கள்.. ஏன் என்ற காரணத்துடன் கமெண்ட் பண்ணுங்க?
Similar News
News September 17, 2025
உலக கிரிக்கெட்டின் உச்சம் தொட்ட தமிழர்!
ICC வெளியிட்டுள்ள ஆண்கள் T20 பவுலிங் தரவரிசை பட்டியலில் தமிழக வீரர் வருண் சக்கரவர்த்தி(733 புள்ளிகள்) முதல் இடத்திற்கு முன்னேறியுள்ளார். T20 கிரிக்கெட்டில் பும்ரா & ரவி பிஷ்னோய்க்கு பிறகு, முதல் இடத்துக்கு முன்னேறிய வீரர் என்ற பெருமையையும் வருண் சக்கரவர்த்தி பெற்றுள்ளார். ஆசிய கோப்பையில் UAE & பாகிஸ்தான் அணிகளுக்கு எதிராக அவர் தலா ஒரு விக்கெட்டை வீழ்த்தியிருந்தார் என்பது குறிப்பிடத்தக்கது.
News September 17, 2025
பெரியாருக்கு விஜய் மரியாதை
தந்தை பெரியாரின் பிறந்தநாளையொட்டி பனையூரில் உள்ள கட்சி அலுவலகத்தில், அவரது சிலைக்கு விஜய் மாலை அணிவித்து மரியாதை செலுத்தினார். மேலும், சமூக சீர்திருத்த கொள்கை, வகுப்புவாரி பிரதிநிதித்துவம் போன்ற சீர்திருத்த சிந்தனைகள் வாயிலாக நம் மக்களுக்காக உழைத்தவர் பெரியார் என X தளத்தில் விஜய் பதிவிட்டுள்ளார். முன்னதாக நாகை, திருவள்ளூர் மாவட்ட செயலாளர்களிடம், பரப்புரை பயணம் குறித்து அவர் ஆலோசனை நடத்தினார்.
News September 17, 2025
திருமணத்துக்கு தங்கம்: விண்ணப்பிப்பது எப்படி?
ஏழை விதவை தாய்மார்களின் மகள்களின் திருமணத்துக்கு ₹50 ஆயிரமும், 8 கிராம் தங்கமும் வழங்கப்படுகிறது. ஏழை விதவை மகள் திருமண நிதியுதவி திட்டத்தில் பயன்பெற, குடும்பத்தின் ஆண்டு வருமானம் ₹72,000-க்கு மேல் இருக்கக்கூடாது. திருமணத்துக்கு 40 நாள்களுக்கு முன், மாவட்ட சமூக நலத்துறை அலுவலகத்துக்கு சென்று விண்ணப்பியுங்கள். விண்ணப்ப நிலையை https://edistricts.tn.gov.in/socialwelfare-ல் அறிந்துகொள்ளலாம்.