News May 3, 2024
அமேதியில் போட்டியிடும் கே.எல்.சர்மா யார்?
அமேதியில் காங்., வேட்பாளராக அறிவிக்கப்பட்டுள்ள கே.எல் சர்மா நேரு குடும்பத்தின் நம்பிக்கைக்குரியவராக கடந்த 40 ஆண்டுகளாக இருந்து வருகிறார். 1983இல் கட்சியில் இணைந்த அவர் ராஜிவ் காந்தியுடன் நட்பை ஏற்படுத்திக்கொண்டார். 1991இல் ராஜிவ் மரணத்துக்கு பிறகு, அமேதி தொகுதி பொறுப்பாளரான அவர், 1999இல் அங்கு சோனியா வெற்றி பெற காரணமாக இருந்தார். இத்தனை வருட விசுவாசத்துக்கு அவருக்கு அமேதியை காங்., வழங்கியுள்ளது.
Similar News
News January 30, 2026
ஜனவரி 30: வரலாற்றில் இன்று
1948 – நாதுராம் கோட்சேவால் தேசப்பிதா மகாத்மா காந்தி, படுகொலை செய்யப்பட்டார். 1976 – தமிழ்நாட்டில் கருணாநிதியின் திமுக ஆட்சி கவிழ்க்கப்பட்டு ஜனாதிபதி ஆட்சி கொண்டுவரப்பட்டது. 2020 – COVID-19ஐ உலக சுகாதார நிறுவனம் சர்வதேச கவலைக்குரிய பொது சுகாதார அவசரநிலையாக அறிவித்தது. 1950 – முன்னாள் மத்திய அமைச்சர் மு. க. அழகிரி பிறந்த தினம். 1874 – ஆன்மிகவாதி இராமலிங்க அடிகளார் நினைவு தினம்.
News January 30, 2026
பேனரை கழற்றிய போலீஸை சாடிய பிரேமலதா
பேனரை கழட்டி வைத்துவிட்டால், தான் சட்டப்பேரவைக்குள் நுழைய முடியாதா என பிரேமலதா கேள்வி எழுப்பினார். தென்காசியில் பேசிய அவர், போஸ் என பெயர் வைத்துவிட்டு, கேப்டன் கட்சியிடம் இப்படி செய்தால் உங்களுக்கு தான் கெட்டப்பெயர் வரும் என்றும், ஒரு சிலரின் நடவடிக்கையால் மொத்த போலீஸ் டிபார்மெண்ட்டுக்கும் கெட்டப்பெயர் என்றும் சாடினார். மேலும், பேனரை கழற்றினால் மட்டும் தேமுதிகவை அழிக்க முடியாது எனவும் கூறினார்.
News January 30, 2026
முதல் விருதால் விஷ்ணு விஷால் உருக்கம்!
’ராட்சன்’ படத்திற்காக 2018-ம் ஆண்டின் சிறந்த நடிகருக்கான சிறப்பு ஜூரி விருதை நடிகர் விஷ்ணு விஷால் பெற்றுள்ளார். இந்நிலையில் தனது X-ல், சினிமாவில் தான் 17 ஆண்டுகளை நிறைவு செய்யும் அதேநாளில், எனது முதல் விருதை பெறுவதாக மகிழ்ச்சி தெரிவித்துள்ளார். மேலும், இது ஒரு பெருமைக்குரிய விஷயம் என்றும், தான் எப்போதும் போற்றிப் பாதுகாக்கும் ஒரு படத்திற்காக இந்த விருது கிடைத்துள்ளதாகவும் குறிப்பிட்டுள்ளார்.