News March 31, 2025

ஈரான் மீது குண்டு வீசுவோம்.. டிரம்ப் மிரட்டல்

image

அணுஆயுதம் தொடர்பான ஒப்பந்தத்தில் ஈரான் கையெழுத்திடவில்லை எனில், அந்நாடு மீது அமெரிக்கா குண்டுவீசி தாக்குதல் நடத்தும் என டிரம்ப் மிரட்டல் விடுத்துள்ளார். அமெரிக்காவுடன் ஈரான் ஒப்பந்தம் செய்து கொள்ளாதபட்சத்தில், அந்நாடு மீது மீண்டும் வரி விதிக்கப்படும் எனவும் கூறியுள்ளார். டிரம்ப் முதல்முறை அமெரிக்க அதிபராக இருந்தபோதுதான் ஈரானுடனான அணுஆயுத ஒப்பந்தத்தில் இருந்து USA விலகியது குறிப்பிடத்தக்கது.

Similar News

News April 1, 2025

HAPPY NEWS: மரணம் முடிவல்ல, மீண்டும் உயிர் பெறலாம்

image

இறந்தவர்களை மீண்டும் உயிர்ப்பிக்க முடியும் என்கிறார் அமெரிக்க விஞ்ஞானி சாம் பார்னியா. ஒருவர் மரணமடைந்த பின்னும் பல மணி நேரத்துக்கு, ஏன் சில நாள்களுக்கு கூட மூளை மீண்டும் உயிர்ப்பிக்கக் கூடிய நிலையில் இருக்கும். அதேபோல உடல் செல்களும் கூட சில நாள்கள் வரை அழிவதில்லை. அதனால், ECMO இயந்திரங்கள், சில குறிப்பிட்ட மருந்துகள் மூலம் மூளையை மீண்டும் உயிர் பெறச் செய்யலாம் என்கிறார் பார்னியா. இது வரமா? சாபமா?

News April 1, 2025

நட்சத்திர அந்தஸ்தை நழுவ விட்ட முன்னணி வீரர்

image

உலகின் முன்னணி டென்னிஸ் வீரராக இருக்கும் டேனில் மெத்வதேவ், 2023-ம் ஆண்டுக்கு பிறகு முதன்முறையாக ஏடிபி தரவரிசையில் முதல் 10 இடங்களுக்குள் இடம்பெறாமல் சறுக்கியுள்ளார். ரஷ்யாவைச் சேர்ந்த அவர், கடந்த ஆண்டு நடந்த எந்த டென்னிஸ் தொடரிலும் பட்டம் வெல்லவில்லை. இதனால், ஏடிபி தரவரிசையில் அவர் 11-வது இடத்திற்கு தள்ளப்பட்டுள்ளார். இந்த பட்டியலில் இத்தாலியின் ஜானிக் சின்னர் முதலிடம் பிடித்துள்ளார்.

News April 1, 2025

மகளிர் உரிமைத் தொகை: விண்ணப்பிப்பதில் குழப்பம்

image

மகளிர் உரிமைத் தொகை திட்டத்தில் பெண்களுக்கு மாதம் ரூ.1,000 உதவித் தொகையை தமிழக அரசு வழங்கி வருகிறது. இந்தத் திட்டத்தில் விடுபட்ட தகுதியுடையவர்களுக்கு 3 மாதத்திற்குள் உதவித் தொகை அளிக்கப்படும் என அமைச்சர்கள் அறிவித்து வருகின்றனர். ஆனால் இதற்கு யார்-யார் விண்ணப்பிப்பது? ரேஷன் கடையில் விண்ணப்பிப்பதா? இ-சேவை மையத்திலா? என அறிவிப்பு இல்லை. இதனால் பெண்கள் குழப்பத்தில் உள்ளனர்.

error: Content is protected !!