News March 23, 2025
ஏர் இந்தியாவை திட்டி தீர்த்த வார்னர்!
ஆஸி. கிரிக்கெட் வீரர் டேவிட் வார்னர் ஏர் இந்தியா நிறுவனத்தை கடுமையாக விமர்சித்துள்ளார். ‘விமானி இல்லாத போது, விமானத்தில் பயணிகளை ஏற்றி மணிக்கணக்கில் காக்க வைப்பது ஏன் என ஏர் இந்தியா விமான நிறுவனத்தை டேக் செய்து அவர் கேள்வியை எழுப்பியுள்ளார். அவரின் பதிவு வைரலாக, பெங்களூருவின் மோசமான வானிலை காரணமாக, விமானம் நிறுத்தி வைக்கப்பட்டதாக ஏர் இந்தியா அவருக்கு பதிலளித்துள்ளது.
Similar News
News March 24, 2025
திணறும் டெல்லி… கலக்கும் லக்னோ…!
LSG-க்கு எதிரான போட்டியில் 210 ரன்கள் எடுத்தால் வெற்றி என்ற இலக்குடன் களமிறங்கிய DC அணி, அடுத்தடுத்து விக்கெட்டுகளை இழந்து தடுமாறி வருகிறது. மெக்கர்க்(1), போரல்(0). ரிஸ்வி(4) என முக்கியமான வீரர்கள் அனைவரும் வந்த வேகத்தில் நடையை கட்டினர். மேலும், டூ பிளெஸ்ஸி (29) கேப்டன் அக்சர் (22) ஆகியோரும் அவுட்டாகி பெவிலியன் திரும்பினர். 7 ஓவர்களில் 5 விக்கெட் இழப்பிற்கு DC 65 ரன்கள் மட்டுமே எடுத்துள்ளது.
News March 24, 2025
அக்னிவீரராக வேண்டுமா? அப்போ உடனே இத பண்ணுங்க
அக்னிவீரர் ஆள்சேர்ப்பு குறித்து கோவை ராணுவ அலுவலர் அறிவிப்பு வெளியிட்டுள்ளார். அதில் அக்னிவீரர் ஆட்சேர்ப்புக்கு தகுதிவாய்ந்த விண்ணப்பங்கள் வரவேற்கப்படுவதாகத் தெரிவித்துள்ளார். கோவை, திருப்பூர், சேலம், ஈரோடு, கிருஷ்ணகிரி, திண்டுக்கல், நாமக்கல், நீலகிரி, மதுரை, தேனி மாவட்டங்களைச் சேர்ந்தவர்கள் www.joinindianarmy.nic.in-ல் விண்ணப்பிக்கலாம். இதற்கு ஏப்ரல் 10ம் தேதிக்குள் விண்ணப்பிக்க வேண்டும்.
News March 24, 2025
முதல்வர் ஸ்டாலின் இரங்கல்
விக்கிரவாண்டி அருகே பாறை வெடிப்பில் உயிரிழந்த சிறுமி காயத்ரியின் (10) குடும்பத்தினருக்கு முதல்வர் ஸ்டாலின் இரங்கல் தெரிவித்துள்ளார். வாய்க்கால் வெட்டுவதற்காக பாறைக்கு வெடி வைத்தபோது சிதறிய கல் ஒன்று, அருகில் ஆடு மேய்த்துக் கொண்டிருந்த சிறுமியின் தலையில் பட்டது. இந்த செய்தியை கேட்டு வருத்தமடைந்தேன் என்று கூறியிருக்கும் முதல்வர், சிறுமியின் குடும்பத்தினருக்கு ₹3 லட்சம் வழங்கவும் உத்தரவிட்டுள்ளார்.